M League 2026 U20 ပြိုင်ပွဲ ISPE အသင်း ရန်ကုန်ယူနိုက်တက်နှင့် ရှမ်းယူနိုက်တက်အသင်းတို့ အနိုင်ရရှိ

ရန်ကုန် အောက်တိုဘာ ၂၁

M League 2026 U20 အမှတ်ပေးဘောလုံးပြိုင်ပွဲ အပတ်စဉ် (၂၀) ဒုတိယနေ့ပွဲစဉ်များကို ယနေ့ညနေ ၃ နာရီခွဲက ဆက်လက်ယှဉ်ပြိုင်ကစားခဲ့ရာ ISPE အသင်း၊ ရန်ကုန်ယူနိုက်တက်နှင့် ရှမ်းယူနိုက်တက်အသင်းတို့ အနိုင်ရရှိခဲ့သည်။

ဦးဆောင်ဂိုးများကို စစ်ငြိမ်းချမ်းဦးက ပွဲချိန် ၁၇ ၊ ၁၉ နှင့် ၂၀ မိနစ်တို့တွင် ဟက်ထရစ်သွင်းယူပေးခဲ့ပြီး အောင်မြင့်မြတ် (၁)က ၂၄ မိနစ်၊ မင်းကိုခန့်က ၂၇ မိနစ်နှင့် ချစ်ဝိုင်ခန့်က ၈၉ မိနစ်တို့တွင် အသီးသီးသွင်းယူပေးခဲ့သည်။

YUSC ကွင်း၌ ယှဉ်ပြိုင်ခဲ့သည့် ရန်ကုန်ဒါဘီပွဲစဉ်တွင် အကြိတ်အနယ်ယှဉ်ပြိုင်ကစားခဲ့ကြပြီး ရန်ကုန်ယူနိုက်တက်အသင်းက ရန်ကုန်စီးတီးအသင်းကို သုံးဂိုး - နှစ်ဂိုးဖြင့် အနိုင်ရရှိခဲ့သည်။ ရန်ကုန်ယူနိုက်တက်အတွက် ဂိုးများကို လမင်းပြည့်စုံက ၃၂ မိနစ်၊ ကျော်ညီညီက ၄၅+၄ မိနစ်နှင့် ကောင်းမြတ်အောင်က ၉၀+၁ မိနစ်တို့တွင် သွင်းယူခဲ့သည်။ ရန်ကုန်စီးတီးအသင်းအတွက် ချေပဂိုးများကို ထက်အာကာဝင်းက ၆၃ မိနစ်နှင့် ထူးအံ့ဝင်းက ၇၃ မိနစ်တို့တွင် ပြန်လည်သွင်းယူခဲ့သည်။

သီဟဒီပကွင်း၌ ရှမ်းယူနိုက်တက်အသင်းက မြဝတီအသင်းကို သုံးဂိုး - နှစ်ဂိုးဖြင့် အနိုင်ရရှိခဲ့သည်။ ရှမ်းယူနိုက်တက်အတွက် ကောင်းခန့်ဟိန်းက ၃၆ မိနစ်တွင် ဦးဆောင်ဂိုးသွင်းယူခဲ့ပြီး ၄၅+၃ မိနစ်တွင် မြဝတီအသင်းမှ အောင်ဇင်ဖြိုး ကိုယ့်ဂိုးကိုယ်မှားသွင်းမိခဲ့သဖြင့် ရှမ်းယူနိုက်တက် ဒုတိယဂိုးရခဲ့သည်။ မြဝတီအသင်းအတွက် ချေပဂိုးများကို ကျော်ဇေယျာခန့်က ၄၂ မိနစ်နှင့် ဘုန်းခန့်ဖြိုးက မိနစ် ၈၀ တို့တွင် သွင်းယူခဲ့သော်လည်း ပွဲချိန် ၉၀+၂ မိနစ်တွင် ကောင်းထက်ကျော်က ရှမ်းယူနိုက်တက်အတွက် အနိုင်ဂိုးထပ်မံသွင်းယူပေးခဲ့သည်။

အပတ်စဉ် (၂၀) နောက်ဆုံးပွဲစဉ်များအဖြစ် အောက်တိုဘာ ၂၂ ရက်တွင် ဗဟန်းကွင်း၌ GALAXY အသင်းနှင့် FALCON အသင်း၊ တောင်ဒဂုံကွင်း၌ ဟံသာဝတီယူနိုက်တက်နှင့် ဧရာဝတီယူနိုက်တက်အသင်းတို့ ဆက်လက်ယှဉ်ပြိုင်ကစားမည်ဖြစ်သည်။

နေမျိုး ဓာတ်ပုံ-ML