နှစ်စဉ်ကျန်းမာရေးစစ်ဆေးမှုအစီအစဉ်တွင် သက်ကြီးဆရာဝန်ကြီး စုစုပေါင်း ၂၇၁ ဦးအား ကျန်းမာရေးစစ်ဆေးမှု ဆောင်ရွက်ပေး

 

နေပြည်တော် နိုဝင်ဘာ ၁၄

နှစ်စဉ်ကျန်းမာရေးစစ်ဆေးမှုအစီအစဉ်တွင် သက်ကြီးဆရာဝန်ကြီး စုစုပေါင်း ၂၇၁ ဦးအား ကျန်းမာရေးစစ်ဆေးမှုများ ဆောင်ရွက်ပေးခဲ့ပြီး သွေးဖောက်စစ်ဆေးခြင်း၊ ဓာတ်ခွဲစမ်းသပ်စစ်ဆေးခြင်း၊ တယ်လီဗေးရှင်းဓာတ်မှန် (Ultra-sound) ရိုက်ကူးခြင်း၊ ရင်ဘတ်ဓာတ်မှန်ရိုက်ကူးခြင်း၊ ECG စစ်ဆေးခြင်း၊ သက်ကြီးပုဂ္ဂိုလ် ကျန်းမာရေး စစ်ဆေးအကဲဖြတ်ခြင်း (Geriatric assessment) နှင့် နှလုံးကျန်းမာရေး စောင့်ကြည့်ဝတ်စုံ (Vest) တပ်ဆင်ခြင်း စသည့်အထူးစမ်းသပ်စစ်ဆေးမှုများအပြင် မကူးစက်နိုင်သော နာတာရှည်ရောဂါ (Non-Communica-ble Diseases- NCDs) ဆေးဝါးများ အခမဲ့ထောက်ပံ့ခြင်းတို့ကို စနစ်တကျ ပြုလုပ်ပေးခဲ့ကြောင်း သိရသည်။

ရှမ်းပြည်နယ် (တောင်ပိုင်း)တွင် မိုးသည်းထန်စွာ အဆက်မပြတ်ရွာသွန်းမှုကြောင့် ရေဘေးသင့်အိမ်ထောင်စုများအတွက် လူမှုဝန်ထမ်း၊ ကယ်ဆယ်‌ရေးနှင့် ပြန်လည်နေရာချထားရေးဝန်ကြီးဌာနမှ ထောက်ပံ့မှုမှာ ယနေ့အထိ ထောက်ပံ့မှုတန်ဖိုးပေါင်း ငွေကျပ် ၅၄၂၂၇၄၀ဝ ရှိပြီဖြစ်

 

နေပြည်တော် နိုဝင်ဘာ ၁၄

ရှမ်းပြည်နယ် (တောင်ပိုင်း)တွင် မိုးသည်းထန်စွာ အဆက်မပြတ်ရွာသွန်းမှုကြောင့် မြို့နယ်ငါးမြို့နယ်၌ ရေဘေးရှောင်စခန်း ၂၃ ခု၊ အိမ်ထောင်စု ၁၂၃၈ စု၊ လူဦးရေ ၄၅၄၉ ဦး ယာယီရေဘေးရှောင်လျက်ရှိပြီး အဆိုပါပြည်သူများအတွက် ဆန်ရိက္ခာဖိုး၊ ခေါက်ဆွဲခြောက်နှင့် ငါးသေတ္တာများအပါအဝင် လူမှုဝန်ထမ်း၊ ကယ်ဆယ်‌ရေးနှင့် ပြန်လည်နေရာချထားရေးဝန်ကြီးဌာနမှ ထောက်ပံ့မှုမှာ ယနေ့အထိ ထောက်ပံ့မှုတန်ဖိုး ပေါင်းငွေကျပ် ၅၄၂၂၇၄၀ဝ ဖြစ်ပြီး ရေကြီးရေလျှံမှုကြောင့် ပြည်နယ်အတွင်း အခြေခံစာသင်ကျောင်း ၅၇ ကျောင်း ယာယီပိတ်ခဲ့ရပြီး ယခုအခါတွင် ရေများပြန်လည်ကျဆင်းနေပြီဖြစ်သဖြင့် ပြန်လည်ဖွင့်လှစ်ရန် ကျောင်းပေါင်း ၂၄ ကျောင်းသာ ကျန်ရှိလျက်ရှိကာ အဆိုပါကျောင်းများ ရေကျသွားသည်နှင့် ဆောလျင်စွာ ပြန်လည်ဖွင့်လှစ်နိုင်ရေး၊ ကလေးများအား အချိန်မီပညာသင်ကြားနိုင်ရေးတို့ကို ညှိနှိုင်းပေါင်းစပ်ကူညီပေးလျက်ရှိကြောင်း သိရသည်။

စက်မှုဇုန်များတွင် ဘေးကင်းလုံခြုံရေးယဉ်ကျေးမှုစနစ် ထူထောင်နိုင်ရေး ဆွေးနွေး

 

နေပြည်တော် နိုဝင်ဘာ ၁၄

စက်မှုဇုန်များ ဖွံ့ဖြိုးတိုးတက်ရေးနှင့် လုပ်ငန်းခွင်ဘေးအန္တရာယ်ကင်းရှင်းရေးအတွက် စက်မှုဇုန်များတွင် ဘေးကင်းလုံခြုံရေးယဉ်ကျေးမှု (Safety Culture) ထူထောင်ရေးဆိုင်ရာ ဆွေးနွေးပွဲကို ယနေ့မွန်းလွဲပိုင်းတွင် မန္တလေးတိုင်းဒေသကြီး အောင်မြေသာစံမြို့နယ်ရှိ ကနောင်ရိပ်သာ၌ ကျင်းပသည်။

တိုင်းရင်းသားလူမျိုးများအချင်းချင်း ရိုးရာယဉ်ကျေးမှုဓလေ့ထုံးတမ်းများ အပြန်အလှန်သိရှိနားလည်ပြီး ပိုမိုချစ်ကြည်စည်းလုံးလာစေရန်ရည်ရွယ်၍ ရန်ကုန်တိုင်းဒေသကြီးအခြေစိုက် တိုင်းရင်းသားများ၏ လေ့လာရေးခရီးစဉ်နှင့် နှစ်သစ်ကူးကောက်သစ် ညစာစားပွဲကျင်းပ

 

ရန်ကုန် နိုဝင်ဘာ ၁၄

တိုင်းရင်းသားလူမျိုးများအချင်းချင်း ရိုးရာယဉ်ကျေးမှု ဓလေ့ထုံးတမ်းများ အပြန်အလှန် သိရှိနားလည်ပြီး ပိုမိုချစ်ကြည်စည်းလုံးလာစေရန်ရည်ရွယ်၍ ရန်ကုန်တိုင်းဒေသကြီးအခြေစိုက် တိုင်းရင်းသားများ၏ လေ့လာရေးခရီးစဉ်နှင့် နှစ်သစ်ကူးကောက်သစ် ညစာစားပွဲကို ရန်ကုန်မြို့၌ တိုင်းရင်းသားလူမျိုးများရေးရာဝန်ကြီးဌာနနှင့် ရန်ကုန်တိုင်းဒေသကြီးအစိုးရအဖွဲ့တို့၏ ဦးဆောင်မှုဖြင့် ကျင်းပသည်။

အမျိုးသားလုံခြုံရေးဆိုင်ရာအကြံပေးပုဂ္ဂိုလ် နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဖိလစ်ပိုင်နိုင်ငံ၌ ကျင်းပသည့် ဒုတိယအကြိမ် အာဆီယံအမျိုးသားလုံခြုံရေးဆိုင်ရာ အကြံပေးပုဂ္ဂိုလ်များအစည်းအဝေးသို့ တက်ရောက်

 

နေပြည်တော် နိုဝင်ဘာ ၁၄

အမျိုးသားလုံခြုံရေးဆိုင်ရာ အကြံပေးပုဂ္ဂိုလ် နိုင်ငံတော်သမ္မတရုံးဝန်ကြီးဌာန ပြည်ထောင်စုဝန်ကြီး ဦးတင်အောင်စန်း ဦးဆောင်သော မြန်မာကိုယ်စားလှယ်အဖွဲ့သည် ဖိလစ်ပိုင်နိုင်ငံ အမျိုးသားလုံခြုံရေးကောင်စီ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် မစ္စတာ အက်ဒွါဒို ဆန်လိုရန်ဇို အိုဘန် ဂျူနီယာ၏ ဖိတ်ကြားချက်အရ ဒုတိယအကြိမ် အာဆီယံအမျိုးသားလုံခြုံရေးဆိုင်ရာ အကြံပေးပုဂ္ဂိုလ်များ အစည်းအဝေးသို့ တက်ရောက်ရန် နိုဝင်ဘာ ၁၁ ရက်မှ ၁၄ ရက်အထိ ဖိလစ်ပိုင်နိုင်ငံ မနီလာမြို့သို့ သွားရောက်ခဲ့သည်။