ဘဝတု သဗ္ဗမင်္ဂလာ မင်္ဂလာရှိကြပါစေ၊ မင်္ဂလာရှိအောင်နေကြပါ။ ဆုပေးစကားနဲ့ အဆုံးအမစကားနှစ်မျိုးမှာ ဆုပေးစကားကို နှစ်သက်ကြသလို အဆုံးအမစကားကိုလည်း တန်ဖိုးထားကြပါ။ မင်္ဂလာရှိအောင်နေပါ။ မြတ်စွာဘုရားရဲ့ မင်္ဂလသုတ္တံတရားတော်မှာ မင်္ဂလာရှိအောင်နေဖို့ (၃၈)မျိုး မိန့်တော်မူခဲ့တယ်။ အဲ့ဒီအထဲကမှ မာတာပိတုဥပဋ္ဌာနံ မိဘကိုပြုစုလုပ်ကျွေး၊ မေတ္တာဆိုတာ မိခင်/အမေပါပဲ။ ပညာဆိုတာ ဖခင်/ ဆရာသမားလည်းဟုတ်တယ်၊ ဖခင်လည်းဟုတ်တယ်၊ မိဘကို ပြုစုလုပ်ကျွေး၊ လောကမိဘကို ပြုစုစောင့်ရှောက်တာလည်း မင်္ဂလာရှိသလို မေတ္တာတရားလည်း မွေးမြူကြပါ စောင့်ရှောက်ကြပါ။ အားလုံးအပေါ် မေတ္တာထားကြပါ၊ ပညာဉာဏ်ကိုလည်းရှာဖွေကြပါ၊ တိုးပွားအောင်ကြိုးစားကြပါ၊ မိမိသန္တန်မှာ မေတ္တာ/ပညာကို ပြုစုစောင့်ရှောက်ကြီးပွားတိုးတက်အောင် ဆောင်ရွက်သကဲ့သို့ လောကမိဘတွေကိုလည်း စိတ်ချမ်းသာကိုယ်ကျန်းမာဖြစ်အောင် ပြုစုစောင့်ရှောက်နိုင်တာဟာ အလွန်မင်္ဂလာရှိတဲ့တရားပါပဲ မင်္ဂလာရှိအောင် နေနိုင်ကြပါစေကုန်သတည်း။
No comments:
Post a Comment