လပွတ္တာ မေ ၁၇
ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းဦးဆောင်သောအဖွဲ့သည် ယမန်နေ့နံနက်ပိုင်းတွင် လပွတ္တာမြို့၊ ကမ်းနားလမ်းရှိဦးဟိုက်ပင့်တံတားတွင် လပွတ္တာမြို့ပေါ်၌ မုန်တိုင်းဘေးရှောင်ရန်ရောက်ရှိနေသည့် ပြည်သူများမှ ၎င်းတို့နေထိုင်ရာကျေးရွာအုပ်စုများသို့ ပြန်လည်ထွက်ခွာမှုအခြေအနေများအား ကြည့်ရှုအားပေးခဲ့ပြီး မုန်တိုင်းဘေးရှောင်ပြည်သူများကို စားသောက်ဖွယ်ရာများ ပေးဝေလှူဒါန်းခဲ့ကြောင်းသိရသည်။
ထိုသို့ဆောင်ရွက်ရာတွင် တိုင်းဒေသကြီးဝန်ကြီးချုပ်သည် လပွတ္တာမြို့မှကျေးရွာအသီးသီးသို့ ပြန်ကြမည့်မုန်တိုင်းဘေးရှောင် နေရပ်ပြန်ပြည်သူများကို ရင်းနှီးနွေးထွေးစွာတွေ့ဆုံ၍အားပေးစကားများပြောကြားခဲ့ပြီး မုန်တိုင်းဘေးရှောင်ပြည်သူ (၂၇၈၈)ဦးတို့အားထမင်းဘူး၊ ခေါက်ဆွဲခြောက်၊ မုန့်နှင့်ရေသန့်ဘူးတို့အား ကျွေးမွေးလှူဒါန်းခဲ့သည်။
ဝန်ကြီးချုပ်သည် လပွတ္တာခရိုင်နှင့် မြို့နယ်စီမံအုပ်ချုပ်ရေးအဖွဲ့မှ စီစဥ်ထားသောရေယာဥ် (၂၄)စီးဖြင့် မုန်တိုင်းရှောင်ပြည်သူများအား ၄င်းတို့၏နေရပ်ဒေသများသို့ ပြန်လည်ပို့ဆောင်ပေးနေမှုအခြေအနေများအား ကြည့်ရှုခဲ့ကြောင်း သိရသည်။
ခရိုင်ပြန်/ဆက်
No comments:
Post a Comment