နေပြည်တော် အောက်တိုဘာ ၂၃
အနောက်တောင်တိုင်းစစ်ဌာနချုပ်၏ အသံမစဲမဟာပဋ္ဌာန်းရွတ်ဖတ်ပူဇော်ပွဲဖွင့်ပွဲကို ယနေ့နံနက်ပိုင်းတွင် တိုင်းစစ်ဌာနချုပ် သာသနာ့ဝံသဓမ္မာရုံ၌ကျင်းပရာ ဧရာဝတီတိုင်းဒေသကြီး ပုသိမ်မြို့ တိုက်ကြီးကျောင်းပရိယတ္တိစာသင်တိုက် ပဓာနနာယကဆရာတော် ဘဒ္ဒန္တဉာကိန္ဒ အမှူးပြုသော သံဃာတော်များ ကြွရောက်တော်မူကြပြီး တိုင်းမှူး ဗိုလ်မှူးချုပ်ကြည်ခိုင်နှင့် အရာရှိ၊ စစ်သည်၊ မိသားစုများ၊ ဖိတ်ကြားထားသူများ တက်ရောက်ကြသည်။
ဦးစွာ တိုင်းမှူးနှင့် တက်ရောက်လာကြသူများက
သံဃာတော်များအား အရုဏ်ဆွမ်းဆက်ကပ်လှူဒါန်းကြပြီး တိုက်ကြီးကျောင်းပရိယတ္တိစာသင်တိုက်
ပဓာနနာယကဆရာတော်ထံမှ ငါးပါးသီလခံယူဆောက်တည်ကြသည်။
ထို့နောက် တိုင်းမှူးနှင့် တက်ရောက်လာကြသူများက
တိုက်ကြီးကျောင်းပရိယတ္တိစာသင်တိုက် တိုက်အုပ်ဆရာတော် ဘဒ္ဒန္တသုမနထံမှ ဩဝါဒကထာနာကြားကြပြီး
တိုက်ကြီးကျောင်း ပရိယတ္တိစာသင်တိုက် ဆရာတော်ဘဒ္ဒန္တတေဇဝံသက ပဋ္ဌာန်းတရားနာကြားရန်အတွက်
နတ်ဗြဟ္မာများအား ဖိတ်ကြားသည်။
ယင်းနောက် သံဃာတော်များက ပဋ္ဌာန်းပစ္စယုဒ္ဒေသပါဠိတော်ကို
ရွတ်ဖတ်ပူဇော်ကြပြီး အလှည့်ကျဆရာတော်က ပဋ္ဌာန်းဒေသနာတော်ကို စတင်ရွတ်ဖတ်ပူဇော်ခဲ့ကြောင်း
သိရသည်။
သတင်းစဉ်
No comments:
Post a Comment