ချမ်းမြသာစည် ဇူလိုင် ၈
မန္တလေးတိုင်းဒေသကြီး၊ ဝန်ကြီးချုပ်ဖလား ခရိုင်ပေါင်းစုံအသက်(၂၅)နှစ်အောက် အမျိုးသား/သမီး ကြက် တောင်ရိုက်ပြိုင်ပွဲ၏ဆုချီးမြှင့်ပွဲ အခမ်းအနားကို ချမ်းမြသာစည်မြို့နယ်ရှိ မန္တလာသီရိအားကစားကွင်း Multipurpose ခန်းမတွင် ယနေ့နံနက် ၇ နာရီခွဲက ကျင်းပရာ တိုင်းဒေသ ကြီးဝန်ကြီးချုပ် တက်ရောက် ချီးမြှင့်သည်။
အခမ်းအနားတွင် တိုင်းဒေသကြီးဝန်ကြီးချုပ် ဝဏ္ဏကျော်ထင် ဦးမောင်ကိုက အားကစားသမားများအား တွေ့ဆုံ အားပေးစကားပြီးနောက် ပြိုင်ပွဲ၌ ပထမရရှိသော မန္တလေးခရိုင်အသင်းအား တံခွန်စိုက်ဆုနှင့်အတူ ဆုငွေ (၁၀)သိန်းကျပ် ပေးအပ်ချီးမြှင့်ပေးပြီး ဆက်လက်၍ တာဝန်ရှိသူများက ဆုရရှိသည့် အားကစားသမားများအား ဆုများအသီးသီးချီးမြှင့်ပေးအပ်ခဲ့ကြသည်။
အခမ်းအနားသို့ တိုင်းဒေသကြီးဝန်ကြီးချုပ် ဝဏ္ဏကျော်ထင် ဦးမောင်ကို၊ တိုင်းဒေသကြီး သယံဇာတရေးရာ ဝန်ကြီးဦးမျိုးအောင်၊ စီးပွားရေးရာဝန်ကြီးဦးသိန်းဌေး၊ လူမှုရေးရာဝန်ကြီး ဦးယဉ်ထွေး၊ စည်ပင်သာယာရေး ဝန်ကြီး ဦးကျော်ဆန်းနှင့် ဌာနဆိုင်ရာတာဝန်ရှိသူများ၊ ဖိတ်ကြားထားသောဧည့်သည်တော်များ၊ အုပ်ချုပ်သူ နည်းပြများနှင့် အားကစားသမားများ တက်ရောက်ခဲ့ကြကြောင်း သိရသည်။
ခင်စိမ်း၀င်း (မြို့နယ် ပြန်/ဆက်)
No comments:
Post a Comment