ပန်းတနော် မတ် ၆
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ကျုံတိုင်းကလေးကျေးရွာ၌ ယမန်နေ့ည ၁၁ နာရီ ၄၅ မိနစ် အချိန်ခန့် က မီးဖိုမီးကြွင်းမီးကျန်မှတစ်ဆင့် မီးလောင်မှုဖြစ်ပွားခဲ့ကြောင်း သိရသည်။
မီးလောင်မှုဖြစ်ပွားရာသို့ မြို့နယ်မီးသတ်ဦးစီးမှူး ဦးမောင်မောင်ဦး ဦးစီးသော သန္ဓေတပ်ဖွဲ့ဝင် (၂၇)ဦးတို့သည် မီးငြှိမ်းသတ်ယာဉ်(၂)စီး၊ ပသွယ်နယ်မြေမီးသတ်စခန်းမှ မီးငြှိမ်းသတ်ယာဉ် (၁) စီးနှင့် အရန်မီးသတ်တပ်ဖွဲ့ဝင် (၁၀)ဦး၊ ကျေးရွာပြည်သူများက ဝိုင်းဝန်းမီးငြှိမ်းသတ်ခဲ့သည်။
မီးလောင်မှုကြောင့် လူနေအိမ် (၃၈)လုံး ပျက်စီးဆုံးရှုံးခဲ့ကြောင်း၊ လူနှင့်တိရိစ္ဆာန်ထိခိုက်ဒဏ်ရာရ သေဆုံးမှု မရှိကြောင်း၊ မီးဘေးဒုက္ခသည် အိမ်ထောင်စု (၁၈) စု၊ လူဦးရေ စုစုပေါင်း (၁၄၂) ဦးတို့အား သာသနာ့ပါလ ဘုန်းတော်ကြီးကျောင်းတွင် ယာယီနေရာချထားပေးလျက်ရှိကြောင်းနှင့် မီးလောင်မှုဖြစ်စဉ်နှင့် ပတ်သက်၍ ပန်းတနော်မြို့နယ် ဇရပ်လှကြီးနယ်မြေရဲစခန်းမှ အမှုဖွင့်အရေးယူဆောင်ရွက်ထားကြောင်း သိရသည်။
ပြည့်ဖြိုးကျော်( ပြန်/ ဆက်)
No comments:
Post a Comment