မူဆယ် စက်တင်ဘာ ၄
ရှမ်းပြည်နယ်၊ မူဆယ်ခရိုင်သည် တရုတ်နိုင်ငံနှင့် နယ်စပ်ချင်းထိစပ်ပြီး ကိုဗစ်-၁၉ရောဂါ ကူးစက်ခံစားမှုလည်း အတူတူပင်ဖြစ်ခဲ့ပါသည်။
ထို့ကြောင့် တရုတ်ပြည်သူ့သမ္မတ နိုင်ငံတော်အစိုးရက
နယ်စပ်ချင်းထိစပ်သော ရပ်ဝန်း ပြည်သူအချင်းချင်း ကူးလူးဆက်ဆံနေရသော မူဆယ်၊ နမ့်ခမ်း၊
မုံးကိုး၊ မန့်ဟီးရိုး၊ ပန်ဆိုင်း(ကြူကုတ်)မြို့နယ်များအတွင်းရှိ ပြည်သူများအတွက် ကိုဗစ်-၁၉
ကာကွယ်ဆေး (Sinophtam) အမျိုးအစား၊ အလုံးပေါင်း၂၀၀၀၀၀(နှစ်သိန်း)အား အခမဲ့ကူညီ လှူဒါန်းပေးမည်
ဖြစ်သည်။
ယမန်နေ့ ညနေ ၅ နာရီက ပထမဆုံးအသုတ် ဆေးလုံး(၁၀၀၀၀)
တစ်သောင်းကို ရွှေလီကျန်းမာရေးဌာန၊ CDC ရောဂါခုခံတိုက်ဖျက်ရေးဌာနမှ ဒုတိယဌာနမှူး မစ္စဝမ်ယိုးပန်နှင့်
အဖွဲ့မှတဆင့် မူဆယ်မြို့ နန်းတော်နယ်စပ်ဂိတ်သို့ ပို့ဆောင်ပေးအပ် လာပါသည်။
ထိုသို့တရုတ်နိုင်ငံအစိုးရမှ ပေးပို့လှူဒါန်းလာသော
ကိုဗစ်-၁၉ရောဂါ ကာကွယ်ဆေး Sinophram အမျိုးအစား အလုံး ၁၀၀၀၀ ကို မြို့နယ်အုပ်ချုပ်ရေးမှူး
ဦးဇော်လင်းနှင့်အဖွဲ့က လက်ခံရယူပါသည်။
အဆိုပါကာကွယ်ဆေး အားလုံးရောက်ရှိလာပါက မူဆယ်ရပ်ဝန်းပြည်သူများ
အလုံအလောက် ဆေးထိုးနှံနိုင်မည် ဖြစ်ကြောင်း သိရသည်။
အယ်လ်စိုး
No comments:
Post a Comment