မိုင်းငေါ့မြို့ အခြေခံပညာ အထက်တန်းကျောင်းတွင် Quarantine Centre ဖွင့်လှစ်ထားရှိ

မိုင်းငေါ့ ဩဂုတ် ၁၁

ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုင်းငေါ့မြို့တွင် ကိုဗစ်-၁၉ ရောဂါကာကွယ် ထိန်းချုပ်၊ ကုသ‌ရေး လုပ်ငန်းများကို အရှိန်အဟုန်မြှင့်ဆောင်ရွက်လျက်ရှိရာ ကိုဗစ်-၁၉‌ ရောဂါကူးစက်ပြန့်ပွားမှုမရှိစေရေးအတွက် ယမန်နေ့က စတင်၍  Quarantine Centre ကိုဖွင့်လှစ်ထားရှိ ပါသည်။

အဆိုပါ Quarantine Centre တွင် ကိုဗစ်-၁၉ ရောဂါပိုးတွေ့လူ များနှင့် ထိတွေ့ဆက်စပ်သူများ ၊ Stay at  Home သတ်မှတ်ထားသော မြို့နယ်များမှ ပြန်လာသူ ဒေသခံ ပြည်သူများအား ကိုဗစ်-၁၉ ရောဂါကာ ကွယ်၊ ထိန်းချုပ်၊ ကုသရေး ကော်မတီ၏ ကြီးကြပ်မှုဖြင့် မိုင်းငေါ့မြို့ အခြေခံပညာအထက်တန်းကျောင်း  Quarantine Centre တွင် (၁၄) ရက် ထားရှိသွားမည် ဖြစ်ပါသည်။

မိုင်းငေါ့ မြို့၌ ကိုဗစ်-၁၉ ရောဂါဖြစ်ပွားသည့် ကာလတစ်လျှောက် ကိုဗစ်-၁၉ရောဂါ ပိုးတွေ့ လူနာ အမျိုးသား(၇)ဦး၊ အမျိုးသမီး(၂)ဦး စုစုပေါင်း(၉)ဦး ရှိခဲ့ရာအမျိုးသား(၅)ဦး၊အမျိုးသမီး (၂)ဦးတို့မှာ ကျန်းမာရေးပြန်လည်ကောင်းမွန်လာသောကြောင့် ယခုအခါ မိုင်းငေါ့ မြို့တွင် ကိုဗစ်-၁၉ ရောဂါ ပိုးတွေ့ လူနာ အမျိုးသား(၂)ဦးသာ ကျန်ရှိတော့ကြောင်း ကျန်းမာရေးဦးစီးဌာန မှ တာဝန်ရှိသူတစ်ဦး၏ ပြောကြားချက် အရသိရှိရပါသည်။

မြင့်သွယ်(မိုင်းငေါ့ ပြန်/ဆက်)