ရွာငံမြို့နယ်တွင် အောက်ဆီဂျင်စက်ရုံတည်ဆောက်နိုင်ရေးအတွက် အလှူငွေထည့်ဝင်ရန်နှိုးဆော်

 

ရွာငံ ဩဂုတ် ၁၁

ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်တွင်အောက်ဆီဂျင်စက်ရုံကို ရွာငံမြို့နယ်သံဃာနာယကအဖွဲ့မှ ဆရာတော်ကြီးများနှင့် အနန္တဇိနမျက်စိဆေးရုံမှ ဆရာတော်၏ ဦးဆောင်မှုဖြင့် မြို့နယ်ကိုဗစ်-၁၉ကော်မတီများ၊ စေတနာရှင်၊ အလှူရှင်များ ပူးပေါင်း၍ အနန္တဇိနဘုရားကုန်းတော်ပေါ်တွင် တည်ဆောက်သွားမည်ဖြစ်သည်။

အဆိုပါအောက်ဆီဂျင်စက်ရုံအမျိုးအစားမှာ CAP-O-15 ဖြစ်ပြီး ၂၄နာရီ(တစ်ရက်)အတွင်း 40L Oxygen Cylinder အရေအတွက် အလုံး(၆၀)မှ (၉၀)လုံးထိဖြည့်သွင်းနိုင်မည်ဖြစ်ပါသောကြောင့် အောက်ဆီဂျင် လိုအပ်ချက်ကို အပြည့်အဝအသုံးပြုနိုင်မှာလည်းဖြစ်ပါသဖြင့် အောက်ဆီဂျင်စက်ရုံတည်ဆောက်နိုင်ရန်အတွက်  အလှူငွေအနည်းအများမဆို ထည့်ဝင်လှူဒါန်းနိုင်ပါကြောင်းနှင့် အလှူငွေများ လှူဒါန်းလိုပါကလည်း ဦးဇော်ဦး-၀၉၄၂၈၃၆၉၀၆၁၊ ဦးသက်ဇင်ငြိမ်း(ခ)ကိုပြူး-၀၉၅၂၈၀၉၄၇၊ ဦးကိုကို(ရွာမ)-၀၉၄၂၉၃၅၉၆၅၅၊ ဦးမောင်စိုး(ရွာမ) -၀၉၄၂၈၃၆၉၃၈၅၊ ဒေါ်စုစုအောင်-၀၉၄၂၈၃၆၉၀၆၂နှင့် ဦးစည်သူ(ဒုမြို့နယ်အုပ်ချုပ်ရေးမှူး) -၀၉၂၅၉၂၁၆၅၆၉ တို့တွင် ထည့်ဝင်လှူဒါန်းနိုင်ပါကြောင်း သိရသည်။

ပြည့်ဖြိုးသန့်