မုံရွာ၊ သြဂုတ် ၁၁
စစ်ကိုင်းတိုင်းဒေသကြီး အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးနှင့် ခရိုင်/မြို့နယ် ကိုဗစ်-၁၉ရောဂါ ကာကွယ် ထိန်းချုပ်ကုသရေးနှင့် အရေးပေါ်တုန့်ပြန်ရေးကော်မတီတို့မှ တာဝန်ရှိသူများလိုက်ပါ၍ ယနေ့ နံနက်(၁၀)နာရီက မုံရွာမြို့ ပြည်သူ့အားကစားကွင်းတွင် စစ်ကိုင်းတိုင်းဒေသကြီး အစိုးရအဖွဲ့၏ အစီအစဥ်ဖြင့် ကိုဗစ်-၁၉ရောဂါ ကာကွယ်ရေးအထောက်အကူပြု (၄၀)လီတာဆံ့အရည်ပါပြီး အောက်စီဂျင်အိုး (၂၀၀)လုံးနှင့် Flow Meter (၂၀၀)ခု ထပ်မံရောက်ရှိမှုအား ကြည့်ရှုစစ်ဆေးခဲ့ကြသည်။
စစ်ကိုင်းတိုင်းဒေသကြီး
အတွင်းရှိ ခရိုင်နှင့်မြို့နယ်များတွင် တိုင်းဒေသကြီးအစိုးရအဖွဲ့၏ လမ်းညွှန်မှုဖြင့်
ကိုဗစ်-၁၉ရောဂါ ကာကွယ် ထိန်းချုပ်ကုသရေးနှင့် အရေးပေါ်တုံ့ပြန်ရေးကော်မတီနှင့် သက်ဆိုင်ရာဌာန
ဆိုင်ရာများ၊ စေတနာ့ဝန်ထမ်းလူမှုရေးအဖွဲ့အစည်းများ၊ နယ်မြေခံတပ်မတော်ဆေး အဖွဲ့များနှင့်
တပ်မတော်သားများ၊ စေတနာရှင်အလှူရှင်များပူးပေါင်း၍ ကိုဗစ်-၁၉ရောဂါ ကာကွယ် ထိန်းချုပ်ကုသရေးနှင့် စပ်လျဉ်းသော
လုပ်ငန်းများကို အရှိန်အဟုန်မြှင့် ဆောင်ရွက်လျက်ရှိရာတွင် တိုင်းဒေသကြီးအတွင်း ခရိုင်နှင့်မြို့နယ်များသို့ ဇူလိုင်လ (၂၂)ရက်မှ စတင်၍ အောက်စီဂျင်အိုး(၉၀၀)ကို
ဖြန့်ဝေးပေးထားပြီး ဖြစ်ကြောင်းနှင့် ယနေ့ထပ်မံရောက်ရှိလာသော ကိုဗစ်-၁၉ရောဂါ ကာကွယ်ရေးအထောက်အကူပြု (၄၀)လီတာဆံ့အရည်ပါပြီး
အောက်စီဂျင်အိုး (၂၀၀)လုံးနှင့် Flow Meter (၂၀၀)ခုကိုလည်း တိုင်းဒေသကြီးအတွင်းရှိ
ခရိုင်/မြို့နယ် ပြည်သူ့ကျန်းမာရေးဦးစီးဌာနသို့ ဆက်လက်ဖြန့်ဝေပေး သွားမည်ဖြစ်ကြောင်း
သိရသည်။
ခရိုင်(ပြန်/ဆက်)
No comments:
Post a Comment