နေပြည်တော် ဇန်နဝါရီ ၂၂
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ပြည်ထောင်စုဝန်ကြီး
ဒေါက်တာ သန်းမြင့်သည် ရန်ကုန်မြို့အခြေစိုက် မလေးရှားနိုင်ငံ သံရုံးမှ သံအမတ်ကြီး
H.E. Mr. Zahairi Baharim အား ယနေ့ မွန်းလွဲ ၂ နာရီတွင် စီးပွားရေးနှင့် ကူးသန်းရောင်းဝယ်ရေး
ဝန်ကြီးဌာန၊ ဝန်ကြီးရုံး၌ လက်ခံ တွေ့ဆုံခဲ့သည်။
တွေ့ဆုံစဉ် မြန်မာ-မလေးရှား နှစ်နိုင်ငံအကြား ကုန်သွယ်မှုနှင့်
ရင်းနှီးမြှုပ်နှံမှုများ တိုးမြှင့် ဆောင်ရွက်သွားရေး၊ ဖွံ့ဖြိုးတိုးတက်ရေးဆိုင်ရာ
စိန်ခေါ်မှုများကို အတူတကွ ဖြေရှင်းနိုင်ရန်၊ အလားအလာရှိသော နယ်ပယ်များနှင့် ကုန်သွယ်မှုဆိုင်ရာ
အခွင့်အလမ်းများ ဖန်တီးနိုင်ရန်နှင့် ရင်းနှီးမြှုပ်နှံမှု ပတ်ဝန်းကျင်ကောင်းများ ဖန်တီးနိုင်
ရန်တို့အတွက် နှစ်နိုင်ငံအကြား အစိုးရ အချင်းချင်း၊ ပြည်သူအချင်းချင်း ပိုမိုနီးကပ်စွာ
ပူးပေါင်း ဆောင်ရွက်သွားရေး၊ ပြည်ပမှ မော်တော်ယာဉ် တပ်ဆင် ထုတ်လုပ်မှုလုပ်ငန်းများ မြန်မာနိုင်ငံတွင်
အခြေချ ဆောင်ရွက်နိုင်ရေး၊ မြန်မာနိုင်ငံရှိ လေဆိပ်များ၌ လေဆိပ်စီမံ ခန့်ခွဲမှုဆိုင်ရာ
လုပ်ငန်းစဉ်များတွင် ပူးပေါင်းဆောင်ရွက်ခြင်းဖြင့် လေဆိပ်များအား ခရီးသည် ပို့ဆောင်ရေးအပြင်
စီးပွားရေးဆိုင်ရာ ပို့ဆောင်ဆက်သွယ်ရေး လုပ်ငန်းအဖြစ် တွင်ကျယ်စွာ အဆင့်မြှင့်တင် အသုံးပြုနိုင်ရေး၊
မလေးရှားနိုင်ငံရှိ မြန်မာရွှေ့ပြောင်း လုပ်သားများအား ကူညီပေးရေး၊ နှစ်နိုင်ငံ ပြည်သူများအကြား
ခရီးသွားလုပ်ငန်းများ ဖွံ့ဖြိုးတိုးတက်စေရေးနှင့် မလေးရှားနိုင်ငံမှ စီးပွားရေး လုပ်ငန်းရှင်များ
လာရောက်မည့် အစီအစဉ်များအား ကူညီ ပူးပေါင်း ဆောင်ရွက်သွားနိုင်ရေး တို့ကို ရင်းနှီးပွင့်လင်းစွာ
ဆွေးနွေးခဲ့ကြသည်။
(သတင်းစဉ်)
No comments:
Post a Comment