နေပြည်တော်
ဇန်နဝါရီ ၂၂
လူမူဝန်ထမ်း၊
ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးသည်
UNFPA မှ မြန်မာနိုင်ငံဆိုင်ရာ ကိုယ်စားလှယ်အဖြစ် စတင် တာဝန်ထမ်းဆောင်လျက်ရှိသော Mr.
Ramanathan Balakrishnan နှင့် အဖွဲ့အား အဆိုပါ ၀န်ကြီးဌာန မေခလာခန်းမတွင် လက်ခံတွေ့ဆုံသည်။
တွေ့ဆုံစဉ်
ဝန်ကြီးဌာနက Life-Cycle approach ဖြင့် ဆောင်ရွက်လျက်ရှိ သည့် လူမှုကာကွယ် စောင့်ရှောက်ရေး
လုပ်ငန်းများ၊ ဘေးအန္တရာယ် စီမံခန့်ခွဲရေးကိစ္စ များတွင် UNFPA မှ ပူးပေါင်းပါဝင် ဆောင်ရွက်နိုင်မည့်
ကိစ္စရပ်များ၊ လူငယ်မူဝါဒအား ရေးဆွဲ အတည်ပြုနိုင်ခဲ့ပြီးနောက် လုပ်ငန်း စီမံချက်များဖြင့်
ဆက်လက် အကောင်အထည်ဖေါ်ရာတွင် ပြည်ထောင်စုအဆင့်၊ တိုင်းဒေသကြီး/ ပြည်နယ်အဆင့်တို့တွင်
ဆက်လက်ဆောင်ရွက်လျက်ရှိသည့် ကိစ္စရပ်များ၊ အမျိုးသမီးများ အကြမ်းဖက်ခံရမှုမှ ကာကွယ်တားဆီးရေးဆိုင်ရာ
ဥပဒေရေးဆွဲ ဆောင်ရွက်နေမှု အခြေအနေများ၊ ကျား/မ တန်းတူညီမျှရေးဆိုင်ရာ ကိစ္စရပ်များ၊
အမျိုးသမီးများအပေါ် အကြမ်းဖက်မှု ရပ်တန့်ရေး (၁၆)ရက်တာ လှုပ်ရှားမှုကျင်းပ ဆောင်ရွက်ခဲ့မှုများ၊
ကလေးသူငယ် အခွင့်အရေး ဆိုင်ရာ ဥပဒေ ပြင်ဆင်ရေး ဆွဲဆောင်ရွက်မှု အခြေအနေများ၊ လိင်မှုဆိုင်ရာ
အကြမ်းဖက်မှု ခံစားခဲ့ရသူများအတွက် စိတ်ကျန်းမာရေး၊ စိတ်လူမှု အထောက်အပံ့များ ထိရောက်စွာ
ဆောင်ရွက်နိုင်ရေး ကိစ္စရပ်များနှင့် စပ်လျဉ်း၍ ဆွေးနွေးခဲ့ကြကြောင်း သတင်းရရှိသည်။
(သတင်းစဉ်)
No comments:
Post a Comment