နေပြည်တော်
ဇန်နဝါရီ ၂၉
အပြည်ပြည်ဆိုင်ရာ
ပူးပေါင်းဆောင်ရွက်ရေး ဝန်ကြီးဌာန၊ ပြည်ထောင်စုဝန်ကြီး ဦးကျော်တင် သည် ဆားဘီးယားသမ္မတနိုင်ငံ၊
ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. Ivica Dačic အား ယနေ့မွန်းလွဲ
၂ နာရီခွဲတွင် နိုင်ငံခြားရေးဝန်ကြီးဌာနရှိ ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံခဲ့ပြီး
နှစ်နိုင်ငံ ဆွေးနွေးပွဲကို ကျင်းပခဲ့သည်။
ထိုသို့တွေ့ဆုံစဉ်
နှစ်နိုင်ငံအကြား အဆင့်မြင့် ကိုယ်စားလှယ်ခရီးစဉ်များ အပြန်အလှန် သွားရောက် ရန်စီစဉ်ရေး၊
နှစ်နိုင်ငံ နိုင်ငံခြားရေး ဝန်ကြီးဌာနများအကြား ညှိနှိုင်း ဆွေးနွေးပွဲများ ပုံမှန်
ကျင်းပသွားရေး၊ အားကစား၊ ကုန်သွယ်ရေး၊ ပညာရေး၊ သတင်းမီဒီယာနှင့် ယဉ်ကျေးမှု ကဲ့သို့သော
နယ်ပယ်များတွင် နှစ်နိုင်ငံ ပူးပေါင်းဆောင်ရွက်မှု တိုးမြှင့်ရေး ကိစ္စရပ်များနှင့် ဒေသတွင်း
နှင့် နိုင်ငံတကာရေးရာ ကိစ္စရပ်များအပေါ် အမြင်ချင်း ဖလှယ်ခဲ့သည်။
တွေ့ဆုံပွဲအပြီးတွင်
ပြည်ထောင်စုသမ္မတ မြန်မာနိုင်ငံတော်အစိုးရနှင့် ဆားဘီးယားသမ္မတ နိုင်ငံအစိုးရတို့အကြား
သံတမန်နှင့် အထူးနိုင်ငံကူးလက်မှတ် ကိုင်ဆောင်သူများအတွက် ဗီဇာ ကင်းလွတ်ခွင့်ပြုရေး
သဘောတူစာချုပ်ကို အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဌာန၊ ပြည်ထောင်စုဝန်ကြီး
ဦးကျော်တင်နှင့် ဆားဘီးယားသမ္မတနိုင်ငံ၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး
H.E. Mr. Ivica Dacic တို့က လက်မှတ်ရေးထိုးခဲ့ကြသည်။
မွန်းလွဲပိုင်းတွင်
အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန၊ ပြည်ထောင်စု ဝန်ကြီးသည် ဆားဘီးယားသမ္မတနိုင်ငံ၊
ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးဆောင်သော ကိုယ်စားလှယ် အဖွဲ့အား နေပြည်တော်ရှိ
Park Royal ဟိုတယ်တွင် နေ့လယ်စာစားပွဲဖြင့် တည်ခင်းဧည့်ခံခဲ့သည်။
(သတင်းစဉ်)
No comments:
Post a Comment