လူငယ်ဘက်စုံဖွံ့ဖြိုးရေးပွဲတော်ကြီး အောင်မြင်စွာကျင်းပ နိုင်ဖို့ ဘက်ပေါင်းစုံက ပါဝင်ဆောင်ရွက်ပေးရမှာပါ။ ဒီပွဲတော်မှာ ကျွန်မတို့မန္တလေးတိုင်းဒေသကြီးအတွင်းမှာရှိတဲ့ တက္ကသိုလ်၊ ဒီဂရီကောလိပ် ၃၁ ကျောင်းသာမက အသက်မွေးပညာသင် ကျောင်းတွေနဲ့ အခြေခံပညာကျောင်း၊ ကိုယ်ပိုင်ကျောင်းတွေ အပြင် လူငယ်ပွဲတော်ဆိုတဲ့အတိုင်း လူငယ်အဖွဲ့အစည်းတွေ၊ အရပ်ဘက်အသင်းအဖွဲ့တွေအားလုံး ပါဝင်ဆင်နွှဲနိုင်ဖို့ ဖိတ်ခေါ် ထားပါတယ်။ ဒီပွဲတော်မှာ ကျွန်မတို့နဲ့သက်ဆိုင်တဲ့ အသိပညာ ဗဟုသုတမျှဝေကြမယ့် ပြခန်းပေါင်း ၉ဝ ကျော် ပါဝင်ပြသမှာဖြစ် ပြီး ပြခန်းတွေ အနေနဲ့လည်း ကျွန်မတို့ တက္ကသိုလ်အသီးသီးမှာ သုတေသနပြု ဆောင်ရွက်ထားကြတဲ့ သင်ခန်းစာတွေ ပြသသွား မယ့်အပြင် ပြခန်းတွေလည်း ထည့်သွင်းပြသသွားမှာ ဖြစ်ပါတယ်။
အင်္ဂလိပ်စာနဲ့ မြန်မာစာစွမ်းရည်ပြပွဲတွေ၊ ကျပန်းစကားပြော ပြိုင်ပွဲနဲ့ ကဗျာရွတ်ပြိုင်ပွဲတွေ၊ လူငယ်စကားဝိုင်း ဆွေးနွေးပွဲတွေ လည်း ပါဝင်ပါတယ်။ ထူးထူးခြားခြားအနေနဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ လူငယ်စကားဝိုင်း ဆွေးနွေးပွဲ အစီအစဉ် ပါဝင်ပါတယ်။ အားလုံးက ဒီပွဲတော်ကို စိတ်ဝင်တစားရှိကြ ပါတယ်။ ဒါ့ကြောင့် ပထမဆုံးအကြိမ်အဖြစ်ကျင်းပမယ့် လူငယ် ဘက်စုံဖွံ့ဖြိုးရေးပွဲတော်ကို လာရောက်ဆင်နွှဲကြဖို့ ဖိတ်ခေါ် ပါတယ်။
ကိုယ်ပိုင်ကျောင်းများအသင်း ဥက္ကဋ္ဌ)
ကျွန်မတို့ကိုယ်ပိုင်ကျောင်းတွေက တက္ကသိုလ်ဝင်စာမေးပွဲ ဖြေဆိုကြမယ့် ကျောင်းသား၊ ကျောင်းသူတွေသွားရောက် လေ့လာဖို့ စီစဉ်ထားပါတယ်။ တက္ကသိုလ်တွေက အကောင်းဆုံး အသိပညာပေး အစီအစဉ်တွေ ထည့်သွင်းပြသထားကြမယ်။ ဒါ့ကြောင့် ဒီပြခန်းတွေကို သွားရောက်လေ့လာမယ်။ ပွဲတော် စည်ကား သိုက်မြိုက်စွာကျင်းပနိုင်ဖို့ ကျွန်မတို့ ကိုယ်ပိုင်ကျောင်း တွေ အသင်းက ရန်ပုံငွေသိန်းတစ်ရာ ထည့်ဝင်လှူဒါန်းတဲ့အပြင် အမှတ်တရပစ္စည်းလေးတွေ လက်ဆောင်ပေးမယ့် အစီအစဉ်နဲ့ ပွဲတော်ကို သတိတရရှိနေစေဖို့အတွက် အမှတ်တရပစ္စည်းတွေကို လည်း ရောင်းချသွားမှာ ဖြစ်ပါတယ်။ ပွဲတော်ဟာ လူငယ်ပွဲတော် ဖြစ်တဲ့အတွက် ပညာရေး၊ ကျန်းမာရေး၊ စီးပွားရေး၊ အလုပ်အကိုင် အခွင့်အလမ်း၊ အနုပညာရပ်များနဲ့ တီထွင်ဖန်တီးမှုတွေ အားလုံး ပါဝင်ပြသထားမှာဖြစ်တဲ့အတွက် သွားရောက်လေ့လာခြင်း ဖြင့် အသိပညာဗဟုသုတတွေ ရရှိစေမှာဖြစ်တယ်။ အားလုံး ပါဝင်ဆင်နွှဲကြဖို့ တိုက်တွန်း ဖိတ်ခေါ်ပါတယ်။
ဒီပွဲတော်ရဲ့ ဖွင့်ပွဲမှာ ကျွန်တော်တို့ အခြေခံပညာကျောင်း တွေက ကျောင်းသား၊ ကျောင်းသူ ၃ဝဝ နဲ့ စကားဝိုင်း ဆွေးနွေး ပွဲမှာ ကျောင်းသားကျောင်းသူ ၁ဝဝ တက်ရောက်ဖို့ ရွေးချယ် ထားပါတယ်။ အခြေခံပညာကျောင်းတွေအနေနဲ့ စိုက်ပျိုးရေးနဲ့ စိမ်းလန်းစိုပြည်ရေး၊ တိုင်းရင်းသားဘာသာစကား စာပေဆိုင်ရာ ပြခန်းငါးခန်း ပြသသွားမှာပါ။ ဒီပွဲတော်ကနေအသိပညာဗဟုသု တတွေ တိုးပွားလာမှာဖြစ်တဲ့အတွက် လူငယ်တွေအားလုံး ပါဝင် စေချင်ပါတယ်။
ပြည်သူ့ဆက်ဆံရေးဦးစီးဌာန တိုင်းဒေသကြီး ဦးစီးမှူး)
ဒီပွဲတော်မှာတော့ စာအုပ်အရောင်းဆိုင်တွေနဲ့ အခြားပြခန်း တွေ စုစုပေါင်း ၃ဝဝ နီးပါး ပါဝင်ပြသသွားမှာပါ။ အိုင်တီဆိုင်ရာ လှုပ်ရှားမှုပြခန်းတွေ၊ တက္ကသိုလ်၊ ကောလိပ်တွေ၊ အဆင့်မြင့် ပညာတွေကနေ ပြသမယ့် ပညာရပ်ဆိုင်ရာပြခန်းတွေ၊ ပြည်သူ လူထုနဲ့ ကျောင်းသားလူငယ်တွေဖွံ့ဖြိုးတိုးတက်ဖို့အတွက် ပြသပေးမယ့် အသိပညာပေးပြခန်းတွေလည်း ပါဝင်ပြသပေး မှာပါ။
ပွဲတော်ကြီးတစ်ခုလုံးမှာတော့ အဓိကလှုပ်ရှားမှုကြီး ငါးခုပါဝင်ပါတယ်။ ဒါတွေကတော့ အနုပညာ၊ အားကစား၊ စာပေ၊ နည်းပညာနဲ့ အလုပ်အကိုင်အခွင့်အလမ်းတွေပြသမယ့် အစီ အစဉ်တွေပါ။
ဘက်ပေါင်းစုံကနေ ဖျော်ဖြေရေးအစီအစဉ်တွေ၊ အသိပညာပေးရေးအစီအစဉ်တွေ၊ ကိုယ်တိုင်ပါဝင်ဆင်နွှဲနိုင်တဲ့ အစီအစဉ်တွေ ပါဝင်တာဖြစ်တဲ့အတွက် လူငယ်တွေအတွက် တစ်သက်မမေ့နိုင်မယ့် ပွဲတော်ကြီး တစ်ခုလည်းဖြစ်ပါတယ်။
ကာယပညာသိပ္ပံ (မန္တလေး) ကျောင်းအုပ်ကြီး)
မန္တလေးတက္ကသိုလ်ဝင်းအတွင်း ကျင်းပမယ့် လူငယ် ဘက်စုံဖွံ့ဖြိုးရေးပွဲတော်မှာ အားကစားဆိုင်ရာ လှုပ်ရှားမှုတွေ အနေနဲ့ လွန်ဆွဲပြိုင်ပွဲ၊ အမျိုးသမီးထုပ်ဆီးတိုးပြိုင်ပွဲ၊၊
ဘတ်စကက်ဘောဂိုးသွင်းပြိုင်ပွဲ၊ ခေါင်းအုံးရိုက်ပြိုင်ပွဲနဲ့ ကြံ့ခိုင်စွမ်းရည်ပြိုင်ပွဲတွေ ထည့်သွင်းကျင်းပပေးသွားမယ်။ ဒါ့အပြင် သရုပ်ပြအားကစားနည်းတွေအဖြစ် တက္ကသိုလ်/ ကောလိပ်ပေါင်းစုံ ဘော်လီဘောပြိုင်ပွဲတွေ၊ ပိုက်ကျော်ခြင်း ပြိုင်ပွဲတွေ၊ ဝူရှူးအားကစားနည်း၊ ကျွမ်းဘားအား ကစားနည်း၊ ကရာတေးဒိုအားကစားနည်းတွေနဲ့ Myanmar Fitness Danceတွေ ပါဝင်မှာဖြစ်ပါတယ်။ သြဂုတ် ၁၂ ရက် နံနက် ၅ နာရီခွဲမှာ လူငယ်ဘက်စုံ ဖွံ့ဖြိုးရေးပွဲတော်ကျင်းပတဲ့ မုခ်ဦးရှေ့ ကနေ မန္တလေးတက္ကသိုလ်အတွင်းလမ်းတွေမှာ လမ်းလျှောက်မယ့် စုပေါင်းလမ်းလျှောက်ပွဲလည်း ပါဝင်မှာဖြစ်ပါတယ်။ အားကစားဆိုင်ရာ ဓာတ်ပုံပြပွဲတွေလည်း ထည့်သွင်းကျင်းပ သွားမှာ ဖြစ်ပါတယ်။
အဆိုပါပွဲတော်တွင် ဖျော်ဖြေရေးအစီအစဉ်အနေဖြင့် ဧည့်သည်အဆိုတော်များ ဖြစ်ကြသည့် အိုင်းရင်းဇင်မာမြင့်၊ ရင်ဂို၊ ယုန်လေး၊ မီမီဝင်းဖေတို့နှင့်အတူ ငြိမ်းချမ်းရေးဂီတပွဲတော် ဆုရ အဆိုရှင်များကလည်း ပွဲတော်ကျင်းပရက်အတွင်း နံနက် ပိုင်းနှင့် ညနေပိုင်းတို့တွင် ဧည့်ခံသီဆိုဖျော်ဖြေပေးသွားမည် ဖြစ်ကြောင်း သိရသည်။
တင်မောင်၊ မင်းထက်အောင်(မန်းကိုယ်ပွား)
No comments:
Post a Comment