နေပြည်တော်၊ မေ ၇
ကချင်ပြည်နယ်၊ မြစ်ကြီးနားခရိုင်၊ အင်ဂျန်းယန်ဒေသမှ
နယ်မြေလုံခြုံရေး အခြေနေအရ ခေတ္တ တိမ်းရှောင် လာသော မိသားစုဝင် (၂၂၇)ဦး တို့အတွက် ထောက်ပံ့ပစ္စည်းများ
ပေးအပ်ခြင်း အခမ်းအနားကို ယနေ့ နံနက်ပိုင်းတွင် ဝိုင်းမော်မြို့နယ်၊ ရှငေါ်ကျေးရွာ၌
ကျင်းပပြုလုပ်သည်။
အခမ်းအနားသို့ ချင်းပြည်နယ် ဒေသဖွံ့ဖြိုးမှုကြီးကြပ်ရေးရုံးမှ
ညွှန်ကြားရေးမှူး ဦးအောင်ကျော်ထူး၊ မြစ်ကြီးနားခရိုင် အထွေထွေ အုပ်ချုပ်ရေးဦးစီးဌာနမှ
တာဝန်ရှိသူများ၊ ဌာနဆိုင်ရာအဖွဲ့အစည်းများနှင့် နေရပ်တိမ်းရှောင် တိုင်းရင်းသားပြည်သူများ
တက်ရောက် ကြသည်။
ယင်းအခမ်းအနားတွင် နယ်စပ်ရေးရာဝန်ကြီးဌာနက
ထောက်ပံ့ပေးသော ငွေကျပ် (၃၁၆၄၂၀၀) တန်ဖိုးရှိ ရိက္ခာတစ်လစာ၊ ဆန် (၈၂)အိတ်၊ ဆီ(၁၄၀)ပိဿာ၊
ကုလားပဲ(၂၁၁) ပိဿာ၊ ဆား(၃၅)ပိဿာတို့ကို ညွှန်ကြားရေးမှူး ဦးအောင်ကျော်ထူးကပေးအပ်ရာ ဒေသခံပြည်သူ
များက လက်ခံရယူပြီး ကျေးဇူး တင်စကားပြန်လည်ပြောကြားခဲ့သည်။
နယ်စပ်ရေးရာဝန်ကြီးဌာနအနေဖြင့် ကချင်ပြည်နယ်အတွင်းရှိ
ခေတ္တတိမ်းရှောင် မိသားစုဝင် (၂၃၈၀)ဦး အတွက်
ဆန်(၈၈၃)အိတ်၊ ဆီ (၁၃၉၀)ပိဿာ၊ ကုလားပဲ(၂၃၃၇) ပိဿာ၊ ဆား၄၅၀)ပိဿာ၊ စောင် (၁၆၂)ထည်နှင့်
ခြင်ထောင် (၈၂)လုံးတို့အား ဖားကန့်မြို့ နယ်၊ မံဝယ် ကျေးရွာ၊ မြစ်ကြီးနားမြို့နယ်၊
တန်ဖဲကျေးရွာ၊ မိုးကောင်းမြို့နယ်၊ နမ္မတီးမြို့၊ တနိုင်းမြို့နယ်၊အောင်လော့ဒ်ကျေးရွာများတို့တွင်
နယ်မြေခံ တပ်မတော် နှင့်ပူးပေါင်း၍ ထောက်ပံ့ပေးအပ်ခဲ့ပြီး ဆက်လက်၍လည်း ကျန်းမာရေးအတွက်
ဆေးဝါး ပစ္စည်းများ၊ ကလေး သူငယ်များအတွက် အာဟာရဖြည့်စွက်စာများ ထပ်မံပေးပို့ရေး စီစဉ်ဆောင်ရွက်
လျက်ရှိ ကြောင်း သတင်းရရှိသည်။
(သတင်းစဉ်)
No comments:
Post a Comment