မြန်မာ-ဗီယက်နမ် နှစ်နိုင်ငံ ယဉ်ကျေးမှု ပူးပေါင်းဖျော်ဖြေပွဲ ရန်ကုန်မြို့၌ ကျင်းပ

ရန်ကုန် ဧပြီ ၂၈

ပြည်ထောင်စု သမ္မတ မြန်မာနိုင်ငံတော်နှင့် ဗီယက်နမ် ဆိုရှယ်လစ် သမ္မတနိုင်ငံတို့ ပူးပေါင်းဖျော်ဖြေ တင်ဆက်သည့် ``Honoring brands in cultural activities and international integration ´´ ဖျော်ဖြေပွဲကို ယနေ့ ညပိုင်းက ရန်ကုန်မြို့ရှိ အမျိုးသားဇာတ်ရုံတွင် ကျင်းပသည်။

ဖျော်ဖြေပွဲသို့ သာသနာရေးနှင့်ယဉ်ကျေးမှု ၀န်ကြီးဌာန ပြည်ထောင်စုဝန်ကြီး သူရဦးအောင်ကို၊ ရန်ကုန်တိုင်းဒေသကြီး လွှတ်တော် ဒုတိယ ဥက္ကဋ္ဌ ဦးလင်းနိုင်မြင့်၊ မြန်မာနိုင်ငံဆိုင်ရာ ဗီယက်နမ် သံအမတ်ကြီး H.E. Dr. Luan Thuy Duong နှင့် ရန်ကုန်မြို့ရှိ သံရုံးများမှ သံအမတ်ကြီးများနှင့် သံတမန်များ ၊ ဖိတ်ကြားထားသူများ တက်ရောက်ကြသည်။

ရှေးဦးစွာ သာသနာရေးနှင့်ယဉ်ကျေးမှု ၀န်ကြီးဌာန ပြည်ထောင်စုဝန်ကြီး သူရဦးအောင်ကို နှင့် မြန်မာနိုင်ငံ ဆိုင်ရာ ဗီယက်နမ် သံအမတ်ကြီး H.E. Dr. Luan Thuy Duong တို့က နှုတ်ခွန်းဆက် အမှာစကားပြောကြားသည်။

ယင်းနောက် ဖျော်ဖြေပွဲကိုစတင်ရာ မြန်မာနိုင်ငံ အမျိုးသားယဉ်ကျေးမှုနှင့် အနုပညာ တက္ကသိုလ် မှ အနုပညာရှင် များက နတ်တို့ပျော်ရာ ၀တိံသာ ယိမ်းအက၊ ခေတ်ခြောက်ခေတ် ယိမ်းအက(ပျူ၊ ပုဂံ၊ အင်းဝ၊ ကုန်းဘောင်၊ ရတနာပုံ၊ မျက်မှောက်)၊ မြန်မာ့မင်္ဂလာ ယိမ်းအက၊ သာစွမြန်မာပြည် ယိမ်းအကတို့ဖြင့် လည်းကောင်း ၊ ဗီယက်နမ်နိုင်ငံ ယဉ်ကျေးမှု အနုပညာအဖွဲ့က ဗီယက်နမ် အက (Tray  hoi  xuan)၊ ဗီယက်နမ် ယက်တောင် အက တို့အပြင် ဗီယက်နမ် ရိုးရာ တီးမှုတ်ဖျော်ဖြေမှု များဖြင့် လည်းကောင်း ၊ နှစ်နိုင်ငံ ပူးပေါင်း သီဆိုကပြ ဖျော်ဖြေမှုများဖြင့် လည်းကောင်း တင်ဆက် ကပြဖျော်ဖြေကြရာ လာရောက်ကြည့်ရှုကြသည့် ပရိတ်သတ်များ တစ်ခဲနက် အားပေးကြသည်။

ဖျော်ဖြေပွဲနှင့် ပတ်သက်၍ အမျိုးသားယဉ်ကျေးမှုနှင့် အနုပညာ တက္ကသိုလ်(ရန်ကုန်) ပါမောက္ခချုပ် ဦးအောင်နိုင်မြင့်  က ``ဒီကနေ့ကျင်းပတဲ့ အခမ်းအနားကတော့ မြန်မာနိုင်ငံနဲ့ ဗီယက်နမ်နိုင်ငံတို့ရဲ့ ၄၃ နှစ်မြောက် ချစ်ကြည်ရင်းနှီးမှု ဆက်သွယ်တဲ့ အထိမ်းအမှတ် နှစ်အနေနဲ့ ကျင်းပတာဖြစ်ပါတယ်။ နှစ်နိုင်ငံ MoU ထိုးထားပါတယ်။ အဲဒီအကျိုးဆက်အနေနဲ့ အခုလို နှစ်နိုင်ငံ ယဉ်ကျေးမှု အဖွဲ့တွေ ပူးပေါင်းပြီး  ယဉ်ကျေးမှုဖလှယ်ခြင်းပဲ ဖြစ်ပါတယ်။ ကျွန်တော်တို့ နိုင်ငံမှာ အခုလို ကျင်းပနေသလိုပဲ ဗီယက်နမ်နိုင်ငံမှာလည်း မြန်မာနိုင်ငံက ယဉ်ကျေးမှု အနုပညာရှင်အဖွဲ့တွေက သွားရောက်ပြီး တစ်ချိန်တည်းမှာ ဖျော်ဖြေလျက်ရှိပါတယ်´´ ဟုပြောကြားသည်။

ကမာရွတ်မြို့နယ်မှ ဒေါ်သီတာက `` နှစ်နိုင်ငံ ယဉ်ကျေးမှု ဖျော်ဖြေပွဲဆိုလို့ မိသားစုနဲ့ အတူ လာရောက် ကြည့်ရှုတာပါ။ ဗီယက်နမ်နိုင်ငံ ရိုးရာ ယဉ်ကျေးမှု  အကတွေကို အခုမှ ကြည့်ဖူးတာပါ။ အကတွေလည်း တော်တော်ကောင်းပါတယ်။ သူတို့ရဲ့ ရိုးရာသံစဉ်တွေက စိတ်ဝင်စားဖို့ ကောင်းပါတယ်။ အခုလို ဖျော်ဖြေပွဲတွေ များများလုပ်ခြင်းအားဖြင့် နှစ်နိုင်ငံ ချစ်ကြည်ရင်းနှီးမှုတွေ ပိုမိုရရှိလာလိမ့်မယ်လို့ ထင်ပါတယ်´´ဟုပြောသည်။

ယနေ့ဖျော်ဖြေပွဲကို မြန်မာနိုင်ငံ ယဉ်ကျေးမှု အနုပညာ အဖွဲ့နှင့် ဗီယက်နမ်နိုင်ငံ ယဉ်ကျေးမှု အနုပညာ အဖွဲ့တုိ့ ပူးပေါင်းဖျော်ဖြေ တင်ဆက်ခြင်းဖြစ်ပြီး ပြည်ထောင်စု သမ္မတ မြန်မာနိုင်ငံတော်နှင့် ဗီယက်နမ် ဆိုရှယ်လစ် သမ္မတနိုင်ငံ တို့အကြား လက်မှတ်ရေးထိုးခဲ့သည့် Cultural Cooperation Program (2017-2020) အရ အဆိုပါဖျော်ဖြေပွဲကို ကျင်းပရခြင်းဖြစ်ကြောင်း သိရသည်။

သတင်းနှင့်ဓာတ်ပုံ-ဇော်ကြီး