ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ အထိမ်းအမှတ်အခမ်းအနား တာချီလိတ်၌ကျင်းပ

တာချီလိတ် ဒီဇင်ဘာ ၇

၂၀၁၆ ခုနှစ်၊ ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ အထိမ်းအမှတ်အခမ်းအနားကို ယနေ့  ဒီဇင်ဘာ ၇ ရက်၊ နံနက် ၉ နာရီက  တာချီလိတ်မြို့၊ မကာဟိုခမ်းရပ်ကွက်ရှိ  အောင်မြတ်ခန်းမ၌ ကျင်းပပြု လုပ်ကြောင်းသိရသည်။

ရှေးဦးစွာ ခရိုင်အုပ်ချုပ်ရေးမှူး ဦးတင်ဝင်းရွှေက အဖွင့်အမှာစကားပြောကြားပြီး၊ ခရိုင်ကုသရေးဦးစီးဌာနမှူး ခရိုင် ဆေးရုံအုပ်ကြီး ဒေါက်တာဇင်ကိုကိုအောင်က AIDS ရောဂါဖြစ်ပွားမှု အခြေအနေများကို ရှင်းလင်းပြောကြားသည်။ ထို့နောက် ခရိုင်ပြည်သူ့ ကျန်းမာရေးဦးစီးဌာနမှ ခုခံအားကျဆင်းမှုနှင့် ကာလသားရောဂါ တိုက်ဖျက်ရေးအဖွဲ့၊ အဖွဲ့ခေါင်းဆောင် ဒေါက်တာနန်းမိုမိုဟွမ် က ခရိုင်အတွင်း HIV ၊ AIDS ရောဂါတိုက်ဖျက်ရေးလုပ်ငန်းများ ဆောင်ရွက်နေမှုများကိုလည်းကောင်း၊ ASG အဖွဲ့ ဥက္ကဋ္ဌ ဒေါက်တာမြင့်အောင်က World AIDS Day ဆောင်ပုဒ် “ အားလုံးလက်တွဲကာကွယ် အိပ်ခ်ျအိုင်ဗွီကူးစက်မှုအန္တရာယ် ” “ HANDS UP FOR # HIV PREVENTION” အကြောင်းကို လည်းကောင်း  ရှင်းလင်းဟောပြောသည်။

ဆက်လက်၍ ကမ္ဘာ့ခုခံအားကျဆင်းမှု ကူးစက်ရောဂါတိုက်ဖျက်ရေးနေ့ အထိမ်းအမှတ်အဖြစ် အခြေခံပညာ အထက်တန်း၊ အလယ်တန်း၊ မူလတန်းအဆင့် ပန်းချီ၊ ပိုစတာ၊ ကာတွန်းပြိုင်ပွဲ၊ စာစီစာကုံးပြိုင်ပွဲများနှင့် ကဗျာရွတ် ဆိုပြိုင်ပွဲများတွင်  ဆုရကျောင်းသားကျောင်းသူများအား  စစ်ဗျူဟာအဖွဲ့(အခြေချ)တာချီလိတ်မှ စစ်ဗျူဟာမှူး ဗိုလ်မှူးကြီး ကျော်ကိုထိုက် ၊ ခရိုင်အုပ်ချုပ်ရေးမှူး ဦးတင်ဝင်းရွှေ ၊ မြို့နယ်အုပ်ချုပ်ရေးမှူး  ဦးထွန်းဝင်းအောင်နှင့် တာဝန်ရှိသူများက ဆုများ ပေးအပ် ချီးမြှင့်ပြီး၊ တက်ရောက်လာသူများက ခန်းမအတွင်း ပြသထားသည့် အသိပညာပေး နံရံကပ်စာစောင်နှင့် ဓာတ်ပုံပြဘုတ်များ အား ကြည့်ရှုလေ့လာခဲ့ကြောင်း သိရသည်။

တာချီလိတ် (ခရိုင်ပြန်/ဆက်)