တိုကျို - ဇူလိုင် ၅
ဂျပန်နိုင်ငံ တိုကျိုမြို့တွင် ရောက်ရှိနေသော
နိုင်ငံတော်သမ္မတ ဦးသိန်းစိန်သည် ယနေ့ နံနက် ၈ နာရီတွင် ခေတ္တတည်းခိုသည့် Hotel New
Otani ၌ သံရုံးယာယီတာဝန်ခံ သံမှူးကြီး ဦးဝင်းအောင်နှင့် သံရုံး၊ စစ်သံရုံးတို့မှ ၀န်ထမ်းများ၊
မိသားစုဝင်များ၊ ပညာတော်သင်ကျောင်းသား၊ ကျောင်းသူနှင့် တွေ့ဆုံသည်။
တွေ့ဆုံစဉ် နိုင်ငံတော်သမ္မတက သြ၀ါဒစကားပြောကြားပြီး
ဝန်ထမ်းများ၊ မိသားစုဝင်များနှင့် ကျောင်းသား ကျောင်းသူများအား ထောက်ပံ့ငွေနှင့် လက်ဆောင်
ပစ္စည်းများ ပေးအပ်သည်။
ထို့နောက် ဒေသစံတော်ချိန် နံနက် ၈ နာရီခွဲတွင်
နိုင်ငံတော်သမ္မတသည် CP ကုမ္ပဏီ ဥက္ကဋ္ဌ မစ္စတာ ဒန်နင်း
ချာရာဗန်နော့ (Mr. Dhanin Chearavanont) နှင့် ဂျပန်နိုင်ငံ Itochu Corporation ဥက္ကဋ္ဌ
မစ္စတာ မာဆာဟီရို အိုကာဖူဂျီ ( Mr. Masahiro Okafuji ) တို့နှင့် တွေ့ဆုံသည်။
ထိုသို့တွေ့ဆုံစဉ် မြန်မာနိုင်ငံမှ ထွက်ရှိသည့်
သစ်သီးဝလံများအား တန်ဖိုးမြှင့် ထုတ်ကုန်အဖြစ် ပြည်ပ သို့တင်ပို့ရောင်းချနိုင်ရေးနှင့်
စပ်လျဉ်း၍ ဆွေးနွေးခဲ့ကြသည်။
ယင်းနောက် နံနက် ၉ နာရီခွဲတွင် မစ်ဆူဘီရှီကုမ္ပဏီ
ဥက္ကဋ္ဌ မစ္စတာ ကင် ကိုဘာယာရှီ ( Mr. Ken Kobayashi)
အား လက်ခံတွေ့ဆုံသည်။
တွေ့ဆုံပွဲတွင် သီလ၀ါအထူးစီးပွားရေးဇုန်ဖွံဖြိုးတိုးတက်ရေး၊
တံတားဦး နိုင်ငံတကာလေဆိပ်ဖွံ့ဖြိုးတိုးတက်ရေး၊ ရန်ကုန်မြို့ မြန်မာ့မီးရထားရုံးချုပ်နေရာတွင်
စီးပွားရေးအဆောက်အအုံ စီမံကိန်း အကောင် အထည်ဖော် ရေးတို့နှင့် စပ်လျဉ်း၍ ဆွေးနွေးခဲ့ကြသည်။
No comments:
Post a Comment