ဒုတိယသမ္မတဒေါက်တာ စိုင်းမောက်ခမ်း ၂၀၁၅ ခုနှစ် ကမ္ဘာ့လူဦးရေနေ့ အထိမ်းအမှတ် အခမ်းအနားသို့ တက် ရောက် အမှာစကား ပြောကြား

နေပြည်တော် ဇူလိုင် (၁၁)

လူဦးရေဆိုင်ရာလုပ်ငန်းများကို အသိပညာပေးရန်ဆိုသည့် ရည်ရွယ် ချက်ဖြင့် လူဦးရေသန်း(၅၀၀၀)ပြည့်သည့် ၁၉၈၇ခုနှစ်မှစတင်ပြီး ဇူလိုင် (၁၁)ရက်ကို ကမ္ဘာ့လူဦးရေနေ့အဖြစ်သတ်မှတ်ခဲ့သည်။ ယခုနှစ်ကမ္ဘာ့ လူဦးရေနေ့ ဆောင်ပုဒ်မှာ “ Vulnerable Populations in Emergencies” “ထိခိုက်လွယ်သူ၊ ဖေးမကူ၊ အရေးပေါ်ဟူက စောင့်ရှောက် ကြ”   ဟူ၍ ဖြစ် သည်။     

ယခုနှစ်ကမ္ဘာ့လူဦးရေနေ့တွင် အဓိကပေးလိုသည့် သတင်းအချက် အလက်မှာ “အမျိုးသမီးများနှင့် မိန်းကလေး ငယ်များအတွက် ဂုဏ်သိက္ခာ၊ လုံခြုံမှုနှင့် မျိုးဆက်ပွား ကျန်းမာရေးဆိုင်ရာ သတင်းအချက် အလက်များ အချိန်တိုင်း ရရှိရေးနှင့်  အမျိုးသမီးတစ်ဦး၏ အသက်တစ်ချောင်းသည် မည်သည့်အချိန်၊ မည်သည့်အခြေအနေ တွင်မဆို ခြွင်းချက်မရှိ တန်ဖိုးရှိနေ စေရမည်” ဖြစ်ကြောင်း သိရသည်။

၂၀၁၅ခုနှစ် ကမ္ဘာ့လူဦးရေနေ့ အထိမ်းအမှတ် အခမ်းအနားကို ယနေ့ နံနက် (၉)နာရီခွဲတွင် နေပြည်တော်ရှိ Royal ACE ဟိုတယ်၌ ကျင်းပရာ ဒုတိယသမ္မတဒေါက်တာ စိုင်းမောက်ခမ်း တက်ရောက်၍ အမှာစကား ပြောကြားသည်။

အခမ်းအနားတွင် ဒုတိယသမ္မတက အရေးပေါ်အခြေအနေ ကျရောက်ချိန်များတွင် အမျိုးသမီးများနှင့် မိန်းကလေး ငယ်များအား ပိုမို ထိခိုက်နိုင်ပြီး ယင်းတို့၏အမှန်တကယ်လို အပ်ချက်များကို လစ်လျူရှုခံ နေရပါ ကြောင်း၊ ယနေ့ကမ္ဘာ့လူဦးရေမှာ သန်း(၇၃၀၀)ကျော်ရှိပြီး လူဦးရေ တိုးတက်မှုနှင့် အတူစိန်ခေါ်မှုများစွာ ရှိနေပါ ကြောင်း၊ အရေးပေါ် အခြေအနေများတွင် မျိုးဆက်ပွားကျန်းမာရေး ပြဿနာများကြောင့် အမျိူးသမီးများမှာ အများဆုံးထိခိုက်ခံစားရကြောင်း၊ လေ့လာတွေ့ရှိချက်အရ အရေးပေါ်အခြေအနေ နှင့်ကြုံတွေ့ရသည့် လူဦးရေ၏ (၄)ရာခိုင်နှုန်းခန့်မှာ ကိုယ်ဝန်ရှိလာနိုင်ပြီး(၁၅) ရာခိုင်နှုန်းခန့်မှာ ရှုပ်ထွေးသည့် မျိုးဆက် ပွားကျန်း မာရေး ပြဿနာများနှင့် ကြုံတွေ့ရသည်ကို လေ့လာတွေ့ရှိရ ပါကြောင်း။

ကမ္ဘာ့နေရာ အနှံ့အပြားတွင် ဖြစ်ပေါ်နေသည့် ပဋိပက္ခအငြင်းပွားမှု များနှင့် သဘာဝဘေးအန္တရာယ်များကြောင့် လူဦးရေသန်း(၅၀)ကျော်မှာ ၄င်းတို့၏နေအိမ်မှ ထွက်ပြေးတိမ်းရှောင် နေကြရပါကြောင်း၊ ထွက်ပြေး တိမ်းရှောင် သည့် လူဦးရေ၏လေးပုံသုံးပုံမှာ အမျိုးသမီးများ နှင့်ကလေး များပင်ဖြစ်ပြီး လာမည့်နှစ်တွင် (၇၈)သန်းအထိ မြှင့်တက် လာနိုင်သည် ဟုခန့်မှန်းထားပါကြောင်း။

သို့ဖြစ်၍ အရေးပေါ်အခြေအနေတွင် အမျိုးသမီးများ၊ ကလေးများ နှင့်လူငယ်လူရွယ်များအတွက် လိုအပ်ချက် များကို အထူးအလေးပေး ကူညီဆောင်ရွက်ကြရန် လိုအပ်ပါကြောင်း၊ လူဝင်မှုကြီးကြပ်ရေးနှင့်ပြည် သူ့အင် အားဝန်ကြီးဌာန အနေဖြင့် ၂၀၁၄ခုနှစ်တွင် နှစ်ပေါင်း (၃၀)ကျော် ကြာ မကောက်ယူနိုင်ခဲ့သည့် လူဦးရေနှင့် အိမ်အကြောင်း အရာ သန်းခေါင် စာရင်းကိုတစ်နိုင်ငံလုံးအတိုင်းအတာဖြင့် အောင်မြင်စွာကောက်ယူနိုင်ခဲ့ ပါကြောင်း။

မြန်မာနိုင်ငံလူဦးရေ၏ (၆၀)ရာခိုင်နှုန်းကျော်သည် မိခင်နှင့်ကလေး များဖြစ်သည့်အတွက် မိခင်နှင့် ကလေး ကျန်းမာရေး စောင့်ရှောက်မှုလုပ် ငန်းများကို ဦးစားပေးလုပ်ငန်းအဖြစ် အမျိုးသားကျန်းမာရေး စီမံကိန်းတွင် ထည့်သွင်းရေးဆွဲဆောင်ရွက်လျက် ရှိပါကြောင်း၊ ကျန်းမာရေးဝန်ကြီး ဌာနကရရှိသည့် သတင်းအချက် အလက် များအရ မြန်မာနိုင်ငံတွင် တစ်နှစ် လျှင်ကိုယ်ဝန်ဆောင်မိခင်ပေါင်း (၉)သိန်းကျော်ရှိပြီး မွေးဖွားမှုပြဿနာ ကြောင့် သေဆုံးရသည့်မိခင် (၂၀၀၀)ကျော်ခန့်ရှိသည်ဟု သိရှိရပါ ကြောင်း။

၂၀၁၄ခုနှစ်သန်းခေါင်းစာရင်းအရ တစ်နှစ်အောက်ကလေး သေဆုံး မှုနှုန်းတွင် အရှင်မွေးကလေး(၁၀၀၀)တွင် (၆၂)ဦး သေဆုံးသည့်အတွက် အိမ်နီးချင်းနိုင်ငံများနှင့် နှိုင်းယှဉ်ပါက ကိုယ်ဝန်ဆောင်မိခင်နှင့် ကလေး သေဆုံးနှုန်း မြင့်မားနေဆဲဖြစ်ပါကြောင်း၊ သို့ဖြစ်၍ ကျန်းမာရေးဝန်ကြီး ဌာနအနေဖြင့် အမျိုးသမီးများ၊ မိခင်နှင့် ကလေး များအတွက် ကျန်းမာရေး စောင့်ရှောက်မှုများကို ပိုမိုအလေးထားဆောင်ရွက်ပေးရမည် ဆိုသည်မှာ ပေါ်လွင် ပါကြောင်း။

၂၀၁၃ခုနှစ်တွင် သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ၊ ၂၀၁၄ ခုနှစ်တွင် အမျိုးသားအဆင့်၊ လူမှုကာ ကွယ် စောင့်ရှောက်ရေး မဟာဗျူဟာ စီမံချက်ကို ပြဌာန်းနိုင်ခဲ့ပါကြောင်း၊ ပြောကြားသည်။

ထို့နောက် ပြည်ထောင်စုဝန်ကြီး ဦးခင်ရီက ၂၀၁၅ခုနှစ် ကမ္ဘာ့လူဦး ရေနေ့ ဆောင်ပုဒ်ဖြစ်သည့် “ ထိခိုက် လွယ်သူ၊ ဖေးမကူ၊ အရေးပေါ်ဟူက စောင့်ရှောက်ကြ” နှင့် ဆက်စပ်သည့် ၀န်ကြီးဌာနများနှင့် ကုလ သမဂ္ဂ လူဦးရေရန်ပုံငွေအဖွဲ့(UNFPA) တို့မှ ဆောင်ရွက်နေသောလုပ်ငန်းများနှင့် စပ်လျဉ်း၍ ရှင်းလင်း ပြောကြားသည်။

ဆက်လက်၍ မြန်မာနိုင်ငံဆိုင်ရာ ကုလသမဂ္ဂလူဦးရေရန်ပုံငွေအဖွဲ့ ဌာနေကိုယ်စားလှယ် Ms. Janet E. Jackson ကကုလသမဂ္ဂလူဦးရေ ရန်ပုံငွေအဖွဲ့၏ ဆောင်ရွက်ချက်များကို ရှင်းလင်းပြောကြားသည်။

ယင်းနောက် ဒုတိယသမ္မတနှင့်အဖွဲ့သည် ၀န်ကြီးဌာနများနှင့် ကုလသမဂ္ဂလူဦးရေရန်ပုံငွေအဖွဲ့တို့မှ လူဦးရေနှင့် သန်းခေါင် စာရင်းဆိုင်ရာ ဆောင်ရွက်ချက်မှတ်တမ်းဓာတ်ပုံများအား ကြည့်ရှုကြသည်။

ယနေ့အခမ်းအနားသို့ ပြည်ထောင်စုဝန်ကြီးများ၊ ဒုတိယ၀န်ကြီးများ၊ ကုလသမဂ္ဂအဖွဲ့အစည်းများမှ ကိုယ်စား လှယ်များ၊ တာဝန်ရှိသူများနှင့် ဖိတ်ကြားထားသူများတက်ရောက်ကြသည်။