မန္တလေး
မတ် ၁၄
မန္တလေးမြို့တော် စည်ပင်သာယာရေး ကော်မတီဝင်လောင်း
အမည်စာရင်း တင်သွင်းနိုင်ကြောင်း ရွေးကောက်ပွဲ ကော်မရှင်က မတ်၁၂ ရက်က ကြေညာထားကြောင်း
သိရသည်။
အောင်မြေသာစံမြို့နယ်၊ ချမ်းအေးသာစံ မြို့နယ်၊
မဟာအောင်မြေမြို့နယ်၊ ချမ်းမြသာစည်မြို့နယ်၊ ပြည်ကြီး တံခွန်မြို့နယ်၊ အမရပူရမြို့နယ်
မဲဆန္ဒနယ်များမှ ကော်မတီဝင် တစ်ဦးစီကို ရွေးကောက်တင်မြှောက်မည် ဖြစ်သည့်အတွက် သတ်မှတ် အရည် အချင်းနှင့်
ပြည့်စုံ၍ ကော်မတီဝင်လောင်းအဖြစ် ရွေးကောက်ပွဲတွင် ပါဝင်ယှဉ်ပြိုင်လိုသော နိုင်ငံသားများသည်
ကော်မတီ ဝင်လောင်းအဖြစ် အမည်စာရင်း တင်သွင်းလွှာကို ၂၇ လမ်း၊ ၇၁ လမ်းနှင့် ၇၂ လမ်းကြားတွင်
ဖွင့်လှစ်ထားရှိသော မန္တလေးမြို့တော် စည်ပင်သာယာရေး ကော်မတီဝင် ရွေးကောက်ပွဲ ကော်မရှင်သို့
မတ် ၁၆ ရက်မှ မတ်လ၂ဝ ရက် အထိ ရုံးချိန်အတွင်း ကိုယ်တိုင်လာရောက် တင်သွင်းနိုင်သည်ဟု
သိရသည်။
အမည်စာရင်းတင်သွင်းလွှာများကို (ရုံးချိန်အတွင်း)
မန္တလေးမြို့တော် စည်ပင်သာယာရေး ကော်မတီ ရွေးကောက်ပွဲ ကော်မရှင် ဥက္ကဋ္ဌမှ တာဝန်ပေးအပ်ထားသူ
ကော်မရှင်ရုံး အဖွဲ့မှူးထံ တင်သွင်းရမည်ဖြစ်သည်။ ကော်မတီဝင်လောင်း အမည်စာရင်း တင်သွင်းလွှာကို
သတ်မှတ်ပုံစံများဖြင့် တင်သွင်းရမည်ဖြစ်ပြီး လျှောက်ထားလွှာပုံစံကို မန္တလေးမြို့တော် စည်ပင် သာယာရေး ကော်မတီဝင် ရွေးကောက်ပွဲကော်မရှင် ရုံးတွင် လာရောက် ထုတ်ယူနိုင်သည်။ ရွေးကောက်ပွဲကို မေလ ပထမရက် သတ္တပတ် အတွင်းတွင် ကျင်းပ
သွားမည်ဖြစ်သည်။
ကော်မတီဝင်လောင်း အမည်စာရင်း လျှောက်ထားလွှာတင်သွင်းသူသည်
မှတ်ပုံတင် ကြေးငွေကျပ် ၃ဝဝဝဝဝ တိတိကို မြန်မာ့ စီးပွား ရေးဘဏ်ခွဲ(၂) မန္တလေးမြို့၊ မန္တလေးမြို့တော်
စည်ပင်သာယာရေးကော်မတီ ငွေစာရင်း အမှတ်-၁ဝ၉၁ သို့ မန္တလေး မြို့တော် စည်ပင်သာယာရေး ကော်မတီဝင်လောင်း မှတ်ပုံတင်ကြေးခေါင်းစဉ်ဖြင့် ပေးသွင်းရမည်။ ပေးသွင်းသည့် ချလန် မူရင်းအား ပူးတွဲတင်ပြရမည်။
ကော်မတီဝင်လောင်း အမည်စာရင်းတင်သွင်းခြင်းနှင့်
ပတ်သက်၍ စုံစမ်းမေးမြန်းလိုပါက ရုံးအဖွဲ့မှူး၊ ဖုန်းနံပါတ်-ဝ၉၇၉၆၁၅၇၉၆ဝ နှင့် ရုံးဖုန်းနံပါတ်
ဝ၂-၆၇၄၂၁ သို့ ရုံးချိန် အတွင်း ဆက်သွယ် မေးမြန်းနိုင်သည်။
အမည်စာရင်း တင်သွင်းလွှာများကို မတ် ၂ဝ
ရက် ညနေ ၄ နာရီခွဲတွင် နောက်ဆုံးထား၍ တင်သွင်းရမည်။ သတ်မှတ်ချိန် ကျော်လွန်တင်သွင်းလာသော
အမည်စာရင်း တင်သွင်းလွှာများကို လက်ခံစဉ်းစားမည် မဟုတ်ကြောင်း အသိပေး ကြေညာထားသည်။
No comments:
Post a Comment