ကွာလာလမ်ပူ မတ် ၁၂
နိုင်ငံတော်သမ္မတ ဦးသိန်းစိန်နှင့် ဇနီး
ဒေါ်ခင်ခင်ဝင်းတို့အား မလေးရှားနိုင်ငံ ဘုရင် ဆူလတန် အဗ္ဗဒူဟာလင်မ် မူအက်ဒ်ဇမ်ရှားနှင့်
မိဖုရား ရာဂျာပါမိုင်ဆူရီ အက်ဂွန်တွန်ကူ ဟာဂျာဟာမီနာ တို့က ဂုဏ်ပြုကြိုဆိုသည့် အခမ်းအနားကို
ယနေ့ ဒေသစံတော်ချိန် ညနေ ၅ နာရီတွင် မလေးရှားနိုင်ငံ ကွာလာလမ်ပူမြို့ရှိ ပါလီမန် ရင်ပြင်၌ကျင်းပသည်။
ရှေးဦးစွာ နိုင်ငံတော်သမ္မတ နှင့် ဇနီးတို့သည်
ဂုဏ်ပြုကြိုဆိုသည့် ပါလီမန် ရင်ပြင်သို့ရောက်ရှိလာရာ မလေးရှားနိုင်ငံဘုရင်နှင့် ဇနီးတို့က
ရင်းနှီးခင်မင်စွာ ကြိုဆို နှုတ်ဆက်ကြသည်။
ယင်းနောက် မြန်မာနိုင်ငံတော်သီချင်းနှင့်
မလေးရှားနိုင်ငံသီချင်းတို့ကို ဂုဏ်ပြု တပ်ဖွဲ့က တီးမှုတ်ကြသည်။
ထို့နောက် နိုင်ငံတော်သမ္မတနှင့် မလေးရှားနိုင်ငံဘုရင်တို့သည်ဂုဏ်ပြုတပ်ဖွဲ့၏
အလေးပြုခြင်းကို ခံယူကြပြီး နိုင်ငံတော်သမ္မတ က ဂုဏ်ပြုတပ်ဖွဲ့ကို စစ်ဆေးသည်။
ယင်းနောက် နိုင်ငံတော်သမ္မတနှင့် မလေးရှားဘုရင်တို့သည်
အခမ်းအနားသို့ တက်ရောက်လာကြသူအဖွဲ့ဝင်များအား အပြန်အလှန် မိတ်ဆက်ပေးကြသည်။
No comments:
Post a Comment