နေပြည်တော် မတ် ၁၉
အမျိုးသားလွှတ်တော် ဥက္ကဋ္ဌ ဦးခင်အောင်မြင့်သည်
နယူးဇီလန်နိုင်ငံ အော့ကလန် နည်းပညာ တက္ကသိုလ် Auckland University
of Technology ၏ Pro-Vice Chancellor ၊ ပါမောက္ခ Nigel Hemmington ဦးဆောင်သော ကိုယ်စားလှယ် အဖွဲ့အား ယနေ့
နံနက (၉) နာရီတွင် နေပြည်တော်ရှိ လွှတ်တော် အဆောက် အအုံ အမျိုးသား လွှတ်တော် ဧည့်ခန်းမဆောင်၌
လက်ခံတွေ့ဆုံသည်။
အဆိုပါ တွေ့ဆုံပွဲသို့ အမျိုးသားလွှတ်တော်
ဥက္ကဋ္ဌနှင့်အတူ အမျိုးသားလွှတ်တော် ကိုယ်စားလှယ်များ ဖြစ်ကြသည့် အမျိုးသား လွှတ်တော်၊ ဗီယက်နမ်-မြန်မာ
လွှတ်တော်ချင်း ချစ်ကြည်ရင်းနှီးရေး အသင်းဥက္ကဋ္ဌ၊ သတ္တုသယံဇာတနှင့် ပတ်ဝန်းကျင် ထိန်းသိမ်းရေးကော်မတီ
အဖွဲ့ဝင် ဦးနေ၀င်းထွန်း၊ လွှတ်တော်အခွင့် အရေးကော်မတီ အတွင်းရေးမှူး ဒေါ်နန်းနီနီအေး၊
အစိုးရ၏အာမခံချက်များ၊ ကတိများနှင့် တာဝန်ခံ ချက်များ စိစစ်ရေးကော်မတီအဖွဲ့ဝင် ဦးတင်ရှန်၊
ပညာရေး၊ ကျန်းမာရေး၊ အမျိုးသမီးနှင့် ကလေးသူငယ် ဆိုင်ရာကော်မတီအဖွဲ့ဝင် ဦးကံညွန့်နှင့်
အမျိုးသားလွှတ်တော်ရုံးမှ တာဝန်ရှိသူများ တက်ရောက်ကြသည်။
No comments:
Post a Comment