မိုင်းကိုင်
ဇွန် ၂၇
ရှမ်းပြည်နယ်၊ လွိုင်လင်ခရိုင်၊ မိုင်းကိုင်မြို့နယ်
အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င် ရောင်းဝယ်မှု တိုက်ဖျက်ရေးနေ့
အထိမ်းအမှတ် နံရံကပ်စာစောင် ၊ဓါတ်ပုံပြပွဲ၊ ဟောပြောပွဲ အခမ်းအနား များကို ဇွန်လ(၂၆)ရက်နေ့တွင် မြို့နယ်ပြန်ကြားရေးနှင့်
ပြည်သူ့ဆက်ဆံရေးဦးစီးဌာန၊ မိုင်းကိုင် အ.ထ.က (မြတ်သီရိခန်းမ) တို့၌ ကျင်းပပြုလုပ်ခဲ့ပါသည်။
မူးယစ်ပညာပေး နံရံကပ်စာစောင်၊ ဓါတ်ပုံပြပွဲကို
မြို့နယ်ပြန်/ဆက်ဌာနရုံးတွင် ကျင်းပပြုလုပ်ခဲ့ပြီး မြို့နယ်အုပ်ချုပ်ရေးမှူး ဦးညီညီလွင်စိုး၊
ပြည်နယ်လွှတ်တော် ကိုယ်စားလှယ် ဦးစိုင်းပန်၊ ပြန်/ဆက်ဌာန မြို့နယ်ဦးစီးမှူး ဒေါ်နန်းလှိုင်လှိုင်ဦး တို့က
ဖဲကြိုးဖြတ်ဖွင့်လှစ်ပေးခဲ့ပါသည်။
မူးယစ်ပညာပေး ပြခန်းကို ဇွန်လ (၂၆) ရက်နေ့မှ ဇွန်လ(၃၀)ရက်နေ့အထိ ဌာနဆိုင်ရာများ၊
လုပ်သား ပြည်သူများ၊ ကျောင်းသား/သူများ လေ့လာကြည့်ရှု နိုင်ရန်အတွက် ခင်းကျင်းပြသထားမည်ဖြစ်ရာ ပြခန်းကြည့် ပရိသတ်များဖြင့် စည်ကားလျှက်ရှိပါသည်။
မူးယစ်ပညာပေး ဟောပြောပွဲကို ဇွန်လ(၂၆)ရက်နေ့၊
မွန်းလွဲ(၁)နာရီတွင် အ.ထ.က (မြတ်သီရိခန်းမ)၌ ကျင်းပပြုလုပ်ခဲ့ပြီး မိုင်းကိုင်မြို့နယ် အုပ်ချုပ်ရေးမှူးက အဖွင့်အမှာစကား ပြောကြားကာ
မြန်မာနိုင်ငံရဲတပ်ဖွဲ့ မှ မြို့နယ်မှူး၊ ရဲတပ်ဖွဲ့ စခန်းမှူး၊ ကျန်းမာရေးဦးစီးဌာနမှူး၊
ပြန်/ဆက်ဌာန မြို့နယ်ဦးစီးမှူး တို့က အသီးသီး ပညာပေး ဟောပြောခဲ့ကြပါသည်။ အဆိုပါမူးယစ်ဆေးဝါး
ပညာပေးဟောပြောပွဲအဖွဲ့သည် ဇွန်လကုန်အထိ ရပ်ကွက်/ကျေးရွာ အုပ်စုများသို့ ကွင်းဆင်း၍
မူးယစ်ပညာပေး ဟောပြောပွဲများ ဆက်လက်ဆောင်ရွက်သွား
မည်ဖြစ်ကြောင်းသိရှိရပါသည်။
No comments:
Post a Comment