ပုသိမ်ကြီး စက်တင်ဘာ ၆
မန္တလေးတိုင်းဒေသကြီးအစိုးရအဖွဲ့မှ ပုသိမ်ကြီးမြို့နယ်အတွင်းရှိ ပြည်သူများအား ကိုဗစ်-၁၉ ရောဂါကာလအတွင်း အစားအသောက် အခက်အခဲမဖြစ်စေရန် ဆန်များ ထောက်ပံ့ခြင်းကို ယနေ့ နံနက် ၈နာရီက ရန်ကင်းတောင်ခြေရှိ သီရိမင်္ဂလာသရက်တောကျောင်းတိုက်၌ ကျင်းပသည်။
လှူဒါန်းရာတွင် ပုသိမ်ကြီးမြို့နယ်အတွင်းရှိ
အိမ်ထောင်စု (၈၂၅၈)စု၊ လူဦးရေ(၃၃၇၉၆)ဦး အတွက် တစ်ဦးလျှင် ဆန်(၆)ပြည်နှုန်းဖြင့် ကိုဗစ်-၁၉ကာလအတွင်း
လှူဒါန်းပေးအပ်ခြင်းကို မန္တလေးတိုင်းဒေသကြီးအစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး
ဗိုလ်မှူးကြီး ကျော်ကျော်မင်း၊ စည်ပင်သာယာရေးဝန်ကြီး ဦးကျော်ဆန်း၊ လမ်းပန်းဆက်သွယ်ရေးဝန်ကြီး
ရဲမှူးချုပ်စိန်လွင် နှင့် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမြင့်ဦး နှင့်
အဖွဲ့ဝင်များက မြို့နယ်အတွင်းရှိ ပြည်သူများအား အသီးသီး ထောက်ပံ့ပေးအပ်ကြသည်။
ဆက်လက်၍ မန္တလေးတိုင်းဒေသကြီးအစိုးရအဖွဲ့ဝင်
လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်ကျော်မင်း က ထောက်ပံ့ရခြင်းနှင့်
ပတ်သက်၍ ရှင်းလင်းပြောကြားရာတွင် တိုင်းဒေသကြီးအစိုးရအဖွဲ့ အနေဖြင့် ထောက်ပံ့ပေးအပ်ခြင်းဖြစ်ရာ
မန္တလေးခရိုင်အတွင်း အိမ်ထောင်စု (၄၈၀၀၀)ကျော်အတွက် တစ်အိမ်ထောင်လျှင် ဆန်(၆)ပြည်နှုန်းဖြင့်
စုစုပေါင်း ငွေကျပ် သိန်း(၂၂၅၀)ကျော်အား တိုင်းဒေသကြီးအစိုးရအဖွဲ့ ဘက်ဂျက်ဖြင့် အကုန်ကျခံကာ
ထောက်ပံ့ပေးခြင်းဖြစ်ပြီး ကိုဗစ်-၁၉ရောဂါကာလအတွင်း ပြည်သူများ လုပ်ငန်းများ ရပ်တန့်နေပြီး၊
ပုံမှန်လည်ပတ်မှု မရှိတဲ့အတွက်ကြောင့် ထောက်ပံ့ပေးအပ်ခြင်းဖြစ်ကြောင်းနှင့် ရပ်/ရွာအေးချမ်း
သာယာရေး အကြောင်း၊ ကိုဗစ်-၁၉ရောဂါအကြောင်း စသည်တို့အား ပြောကြားခဲ့ကြောင်း သိရသည်။
မြို့နယ်ပြန်/ဆက်
No comments:
Post a Comment