မြဝတီမြို့၌ ဆွမ်း/ကွမ်းလှူဒါန်းရန်လိုအပ်သော ဘုန်းတော်ကြီးကျောင်းနှင့်သီလရှင် စာသင်တိုက်အား ထောက်ပံ့လှူဒါန်း

မြဝတီ ဩဂုတ် ၇

ကရင်ပြည်နယ်၊ မြဝတီမြို့နယ်အတွင်းရှိ Stay at Home ကာလ၌ ဆွမ်း/ကွမ်း လှူဒါန်းရန်လိုအပ်သော ဘုန်းတော်ကြီးကျောင်းနှင့် သီလရှင်စာသင်တိုက်အား  နယ်စပ်ရေးရာ ဝန်ကြီးဌာန၊ နယ်စပ်ဒေသနှင့် တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာန၊ မြဝတီမြို့နယ်ဖွံ့ဖြိုးမှုကြီးကြပ်ရေးရုံးမှ ယမန်နေ့ ညနေ (၄)နာရီအချိန်က လိုက်လံထောက်ပံ့ လှူဒါန်းခဲ့ကြောင်း သိရသည်။

ထို့သို့ထောက်ပံ့လှူဒါန်းရာ မြဝတီမြို့ရှိ  Stay at Home ကာလ၌ ဆွမ်း/ကွမ်းလှူဒါန်းရန် လိုအပ်သော ဘုန်းတော်ကြီးကျောင်းနှင့် သီလရှင်စာသင်တိုက်များဖြစ်သည့်  တောင်တန်း သာသနာပြု ကျောင်းတိုက်အတွက် ဆန်(၁၀)အိတ်၊ ပဲ(၁၅.၅၀)ပိဿာ၊ ဆီ(၈.၀၀)ပိဿာနှင့် အေးမြတ်သိင်္ဂီသီလရှင်စာသင်တိုက်အတွက် ဆန်(၁၀) အိတ်၊ ပဲ(၂၀)ပိဿာ၊ ဆီ(၁၀.၀၀)ပိဿာ စုစုပေါင်းတန်ဖိုးငွေ (၁,၀၀၆၅၀၀)ကျပ်ကို ထောက်ပံ့လှူဒါန်းပေးခဲ့သည်။

အဆိုပါထောက်ပံ့လှူဒါန်းမှုကို နယ်စပ်ရေးရာဝန်ကြီးဌာန၊ နယ်စပ်ဒေသနှင့်တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာန၊ မြဝတီမြို့နယ်ဖွံ့ဖြိုးမှုကြီးကြပ်ရေးရုံးမှ လက်ထောက် ညွှန်ကြားရေးမှူးဦးဖြိုးဇင်ဝင်းနှင့် ဝန်ထမ်းများက သွားရောက်ထောက်ပံ့လှူဒါန်းပေးခဲ့ကြောင်း သိရသည်။

မန်းသန်းရွှေမြင့်(ပြန်/ဆက်)