ကျောက်ဆည် ဩဂုတ် ၈
မန္တလေးတိုင်းဒေသကြီး၊ ကျောက်ဆည်မြို့စုကြီးရပ်ကွက်
မြို့တော်ခန်းမတွင်သံဃာတော်များ၊ လူမှုရေးအသင်း အဖွဲ့များအား ယနေ့နံနက်၉နာရီက
ကိုဗစ်-၁၉ ကာကွယ်ဆေးများ ဆက်လက်ထိုးနှံပေး လျက်ရှိကြောင်း သိရသည်။
ကာကွယ်ဆေးများ ထိုးနှံပေးရာတွင်
မြို့နယ်ကိုဗစ်-၁၉ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီကြီးကြပ်မှုဖြင့်
ကျောက်ဆည်ခရိုင်အထွေထွေရောဂါကု ဆေးရုံအုပ်ကြီးဒေါက်တာဝင်းမော်၊ ခရိုင် ပြည်သူ့ကျန်းမာရေးဦးစီးဌာန
ဒုတိယခရိုင်ပြည်သူ့ကျန်းမာရေးဦးစီးဌာနမှူး ဒေါက်တာရဲဝင်းနိုင်နှင့် ကျန်းမာ ရေးဝန်ထမ်းများ၊
ပညာရေးဝန်ထမ်းများ၊ မီးသတ်တပ်ဖွဲ့ဝင်ပူးပေါင်း၍ အဖွဲ့(၃)ဖွဲ့ခွဲကာ သံဃာတော်(၇၆)ပါး၊
လူမှုရေးအသင်းအဖွဲ့များမှ(၉၃)ဦးအားကိုဗစ်-၁၉ကာကွယ်ဆေးများ ထိုးနှံပေးလျက် ရှိကြောင်း
သိရသည်။
ကျောက်ဆည်မြို့နယ်အနေဖြင့် ကိုဗစ်-၁၉ကာကွယ်ဆေးများကို
ဇူလိုင်လ(၃၁)ရက်နေ့မှယနေ့အထိ သံဃာတော်(၄၀၂)ပါး၊ အသက်(၆၅)နှစ် အထက်အဘိုးအဘွား
(၁၄၁၈)ဦး၊ ကျန်းမာရေးဝန်ထမ်း(၁၇၂)ဦး၊ လူမှုရေးအသင်းအဖွဲ့(၁၂၀)ဦး၊
ဘိုးဘွားရိပ်သာမှအဘိုးအဘွား (၇)ဦး ၊နိုင်ငံ့ဝန်ထမ်းနှင့်မိသားစုဝင်(၃၈)ဦး၊ ပုဂ္ဂလိကဘဏ်ဝန်ထမ်း(၅၆)ဦး၊
ဟိုတယ်ဝန်ထမ်း(၆)ဦး၊ ပုဂ္ဂလိကပို့ဆောင်ရေးလုပ်ငန်းမှ(၁၄)ဦး၊ စုစုပေါင်း (၂၂၃၃)ဦးအား ထိုးနှံပေးပြီးဖြစ်ကြောင်းနှင့် ကိုဗစ်-၁၉ကာကွယ်ဆေးများကို
မြို့တော်ခန်းမတွင် နံနက်(၉) နာရီမှ ညနေ(၄) နာရီ အထိ ဆက်လက်ထိုးနှံ ပေးသွားမည်ဖြစ်ကြောင်း
မြို့နယ်အထွေထွေ အုပ်ချုပ်ရေး ဦးစီးဌာနမှ သိရသည်။
တင်တင်ထွေး
No comments:
Post a Comment