ရန်ကုန် ဇူလိုင် ၃၀
သာသနာရေးနှင့်ယဉ်ကျေးမှုဝန်ကြီးဌာနမှ ရန်ကုန်တိုင်းဒေသကြီး
သင်္ဃန်းကျွန်း မြို့နယ်စစ်ကိုင်းပရိယတ္တိ စာသင်တိုက် သံဃာအပါး (၃၅၀)အတွက် ပရိယတ္တိပညာရေး
ပဒေသာပင် အလှူငွေ စိုက်ထူလှူဒါန်းပွဲ အခမ်း အနားကို ယနေ့နံနက်(၉)နာရီတွင် အဆိုပါ ကျောင်းတိုက်၌
ကျင်းပသည်။
အခမ်းအနားတွင် နိုင်ငံတော်ဩဝါဒါစရိယ စစ်ကိုင်းပရိယတ္တိစာသင်တိုက်၏
ဦးစီးပဓာနနာယက ဆရာတော် အဘိဓဇ မဟာရဌဂုရု အဂ္ဂမဟာပဏ္ဍိတ ဘဒ္ဒန္တဓမ္မာနန္ဒ ထံမှသာသနာရေးနှင့်ယဉ်ကျေးမှု
ဝန်ကြီးဌာန ပြည်ထောင် စု ဝန်ကြီး သူရဦးအောင်ကို နှင့်ဧည့်ပရိသတ်များက ငါးပါးသီလခံယူဆောက်တည်ကြပြီး
ဆရာတော် သံဃာတော် များက မေတ္တသုတ်ပရိတ်တရားတော်များကိုရွတ်ပွားသရဇ္ဈာယ်တော်မူကြသည်။
ထို့နောက် ပြည်ထောင်စုဝန်ကြီးက စစ်ကိုင်းပရိယတ္တိစာသင်တိုက်၏
ဦးစီးပဓာန နာယကဆရာတော်အား ဝါဆို သင်္ကန်းနှင့်လှူဖွယ်ဝတ္ထုပစ္စည်းများ ဆက်ကပ်လှူဒါန်း သည်။
ဆက်လက်၍ ပြည်ထောင်စုဝန်ကြီးက စစ်ကိုင်းပရိယတ္တိစာသင်တိုက်ရှိ
သံဃာ အပါး(၃၅၀) အတွက် အလှူငွေ ကျပ်သိန်း(၃၀)ကိုပေးအပ်လှူဒါန်းရာ ရန်ကုန် တိုင်းဒေသကြီး
တိုင်းသာသနာရေးမှူး ဦးစိန်မော် က လက်ခံ ရယူပြီး ဂုဏ်ပြုမှတ်တမ်း လွှာပြန်လည်ပေးအပ်သည်။
ယင်းနောက်စစ်ကိုင်းပရိယတ္တိစာသင်တိုက်၏
ဦးစီးပဓာနနာယကဆရာတော်က အနုမောဓနာ တရားမြွက်ကြား တော်မူပြီး ပြည်ထောင်စုဝန်ကြီးနှင့်ပရိသတ်က
လှူဒါန်းမှု အစုစုတို့အတွက် ရေစက် သွန်းလောင်း အမျှပေး ဝေကြသည်။
ဆက်လက်၍သာသနာရေးနှင့်ယဉ်ကျေးမှုဝန်ကြီးဌာနမှ
သာကေတမြို့နယ်ရှိ တိပိဋကလင်္ကာရ ကျောင်းတိုက်ရှိ သံဃာတော်များအတွက်ပရိယတ္တိပညာရေး ငွေပဒေသာပင်စိုက်ထူလှူဒါန်းပွဲကိုနံနက်
(၁၀)နာရီခွဲတွင် အဆိုပါ ကျောင်းတိုက်၌ ကျင်းပသည်။
ရှေးဦးစွာသာကေတမြို့နယ်တိပိဋကလင်္ကာရကျောင်းတိုက်၏
ဦးစီးပဓာန နာယက ဆရာတော် ရန်ကုန် တိုင်းဒေသကြီး သံဃနာယကအဖွဲ့ဥက္ကဋ္ဌ အဂ္ဂမဟာပဏ္ဍိတ ဒွိပိဋက
ဘဒ္ဒန္တအဂ္ဂသာမိထံမှ ပြည်ထောင်စု ဝန်ကြီးနှင့် ဧည့်ပရိသတ်များက ငါးပါး သီလ ခံယူဆောက်တည်ကြပြီး
ဆရာတော်သံဃာတော်များက မေတ္တသုတ် ပရိတ်တရားတော် များ ရွတ်ပွားသရဇ္ဈာယ်တော်မူကြသည်။
ထို့နောက်တိပိဋကလင်္ကာရကျောင်းတိုက်၏ ဦးစီးပဓာနနာယကဆရာတော်အား
ပြည်ထောင်စုဝန်ကြီးက ဝါဆိုသင်္ကန်းနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းပြီး တိပိဋကလင်္ကာရကျောင်းတိုက်ရှိ
သံဃာတော် (၈၄)ပါး အတွက်ပရိယတ္တိ ပညာ ရေးပဒေသာပင်အလှူငွေကျပ်သိန်း(၃၀)ကို ပြည်ထောင်စုဝန်ကြီးက
ပေးအပ် လှူဒါန်းရာ ကျောင်းအကျိူးတော်ဆောင်ဦးအောင်ကိုဇော်ကလက်ခံရယူပြီး ဂုဏ်ပြု မှတ်တမ်း
လွှာပြန်လည် ပေးအပ် သည်။
ယင်းနောက်တိပိဋကလင်္ကာရကျောင်းတိုက်၏ ဦးစီးပဓာနနာယက
ဆရာတော် ထံမှ အနုမောဓနာ တရား နာယူကြပြီး လှူဒါန်းမှုအစုစုတို့အတွက် ရေစက်သွန်းလောင်း
အမျှပေးဝေကြသည်။
(သတင်းစဉ်)
No comments:
Post a Comment