ဒသမတန်းလူရည်ချွန်မောင်မယ်များ ပုသိမ်မြို့သို့သွားရောက် လေ့လာ

ငွေဆောင် မေ ၂

ဧရာဝတီတိုင်းဒေသကြီး ပုသိမ်ခရိုင် ငွေဆောင်ကမ်းခြေရှိ လူရည်ချွန်စခန်း (ငွေဆောင်)သို့ အပန်းဖြေရန် ရောက်ရှိနေသည့် ၂၀၁၈-၂၀၁၉ ဒသမတန်းလူရည်ချွန် မောင်မယ်များသည် အုပ်ချုပ်သူဆရာ၊ ဆရာမများ လိုက်ပါ၍ ယနေ့နံနက်ပိုင်းက ပုသိမ်မြို့သို့ သွားရောက်လေ့လာကြသည်။

ရှေးဦးစွာ ဒသမတန်းလူရည်ချွန်မောင်မယ်များသည် ပုသိမ်မြို့ ကျက်သရေဆောင် ရွှေမုဋ္ဌောစေတီ တော် မြတ်ကြီးအား သွား ရောက်ဖူးမြော်ကြည်ညိုကြပြီး စေတီတော်ကြီး ဘက်စုံပြုပြင်မွမ်းမံရန်အတွက် အလှူငွေ များ လှူဒါန်းကြသည်။

ထို့နောက် လူရည်ချွန်မောင်မယ်များသည်ရွှေမြင်းပျံ ပုသိမ်ဟာလ၀ါလုပ်ငန်းနှင့် ရွှေစာပုသိမ်ထီးလုပ်ငန်းသို့ သွားရောက်လေ့ လာကြရာ တာဝန်ရှိသူများက ကုန်ပစ္စည်း ထုတ်လုပ်နေမှုအခြေအနေများကို ရှင်းလင်း ပြောကြားပြီး လူရည်ချွန် မောင်မယ် များက သိရှိလိုသည်များကို မေးမြန်းကြသည်။

မွန်းလွဲပိုင်းတွင် ပုသိမ်မြို့ရှိ မြို့တော်ခန်းမ၌ လူရည်ချွန်မောင်မယ်များသည် ဧရာဝတီတိုင်းဒေသကြီး အစိုးရအဖွဲ့နှင့် တွေ့ဆုံသည်။

ထို့သို့ တွေ့ဆုံရာတွင် ဧရာဝတီတိုင်းဒေသကြီး ၀န်ကြီးချုပ် ဦးလှမိုးအောင်က အမှာစကားပြောကြားပြီး လူရည်ချွန် မောင် မယ်များကိုယ်စား လူရည်ချွန်တစ်ဦးက ကျေးဇူးတင်စကားပြောကြားသည်။

ဆက်လက်၍ ၀န်ကြီးချုပ် ဦးလှမိုးအောင်နှင့် တိုင်းဒေသကြီးဝန်ကြီးများက လူရည်ချွန်မောင်မယ်များအား တစ်ဦးချင်းရင်း ရင်းနှီးနှီး လိုက်လံနှုတ်ဆက်ကြသည်။

ထို့နောက် လူရည်ချွန် မောင်မယ်များသည် ပုသိမ်စက်မှုဇုန်ရှိ DONG LONG (PATHEIN) GARMENT အထည်ချုပ်စက်ရုံသို့ သွားရောက်လေ့လာကြရာ တာဝန်ရှိသူများက ကုန်ပစ္စည်းအဆင့်ဆင့် ထုတ်လုပ် နေမှုအခြေအနေများကို လိုက်လံရှင်း လင်း ပြသကြသည်။

ညပိုင်းတွင် ပုလဲငွေဆောင်ဟိုတယ်ကမ်းခြေအနီးတွင် လူရည်ချွန်မောင်မယ်များ၊ ပုသိမ်နှင့် ငွေဆောင်ရှိ ကျောင်းသား၊ ကျောင်းသူလေးများက တေးသီချင်းများ၊ အက အလှများဖြင့် သီဆိုဖျော်ဖြေကြသည်။

သတင်း-မင်းသစ်(MNA)
ဓာတ်ပုံ-စိုးမင်းဦး(ပြန်/ဆက်)