အသစ်ထွက်ပေါ်လာမည့် ရန်ကုန်အထူးကု ဆေးရုံသစ်ကြီး

ရန်ကုန်မြို့ပြဟာ အရှိန်အဟုန်နဲ့ ဖွံ့ဖြိုးတိုးတက်လာသလို လူနေထိုင်မှုလည်း များလာတာမို့ ပြည်သူတွေရဲ့ ကျန်းမာရေး စောင့်ရှောက်မှုကို ပိုမိုဆောင်ရွက်ပေးနိုင်ဖို့ လိုအပ်ပါတယ်။ ဒါကြောင့်မို့ ရန်ကုန်မြို့မှာ ပြည်သူတွေ ကျန်းမာရေးကို ယခုထက် ပိုမိုကုသစောင့်ရှောက်နိုင်ဖို့အတွက် အထူးကု ဆေးရုံသစ်ကြီး တည်ဆောက်ရေး ဆောင်ရွက်နေပြီဖြစ်ပါတယ်။

ပန္နက်တင် အခမ်းအနားပြုလုပ်

ရန်ကုန်အထူးကု ဆေးရုံသစ်ကြီး စတင်တည်ဆောက်ဖို့အတွက် ၂၀၁၉ ခုနှစ် ဧပြီ ၂၈ ရက် နံနက် ၉ နာရီက ရန်ကုန် ပြည်လမ်းနဲ့ မင်းရဲကျော်စွာ လမ်းထောင့်မှာရှိတဲ့ သတ်မှတ်မြေ ဧရိယာမှာ ပန္နက်တင် အခမ်းအနား ပြုလုပ်ခဲ့ပြီဖြစ်ပါတယ်။ အခုဆိုရင် ဆေးရုံသစ်ကြီး တည်ဆောက်ဖို့အတွက် စတင်နေပြီဖြစ်လို့ ရန်ကုန်မြို့နေ ပြည်သူတွေအတွက်သာမက မြန်မာနိုင်ငံတစ်ဝန်းမှာရှိတဲ့ ရောဂါဝေဒနာရှင်တွေ အားကိုးအားထားစရာ အထူးကုဆေးရုံကြီးတစ်ခု ထွက်ပေါ်လာတော့မှာ ဖြစ်ပါတယ်။

ယန်းငွေ ၈ ဒသမ ၆၆၁ ဘီလီယံထောက်ပံ့

ဒီလိုဆေးရုံသစ်ကြီး တည်ဆောက်နိုင်ဖို့အတွက် ကျန်းမာရေးနှင့် အားကစားဝန်ကြီးဌာနနဲ့ JICA တို့ ပူးပေါင်းဆောင်ရွက် တာဖြစ်ပါတယ်။ ဂျပန်နိုင်ငံ JICA က ယန်းငွေ ၈ ဒသမ ၆၆၁ ဘီလီယံထောက်ပံ့ ပေးမှာ ဖြစ်ပြီး မြန်မာအစိုးရက ငွေကျပ် ၄၂ ဘီလီယံအကုန်ကျခံ တည်ဆောက်ဖို့ လျာထားတယ်လို့ ဆိုပါတယ်။

ဒီဆေးရုံသစ်ကြီးကို ရန်ကုန်မြို့ ပြည်လမ်းနဲ့ မင်းရဲကျော်စွာ လမ်းထောင့်မှာရှိတဲ့ မြေဧက ၅ ဒသမ ၅၆၂ ဧကပေါ်မှာ တည်ဆောက်သွားမှာဖြစ်ပါတယ်။ အထပ်ခုနစ်ထပ်ရှိမယ့် ဒီအထူးကုဆေးရုံသစ်ကြီးကို နိုင်ငံတကာအဆင့်မီ အထူးကု ဆေးရုံကြီးအဖြစ် TAISE Corporation က တည်ဆောက် သွားမှာဖြစ်ပြီး တည်ဆောက်ရေးကာလ သုံးနှစ်ခန့်ကြာမြင့်နိုင် တယ်လို့ ခန့်မှန်းထားတာကြောင့် လာမယ့် ၂၀၂၁ ခုနှစ်မှာ ပြီးစီးနိုင်မှာ ဖြစ်ပါတယ်။ လက်ရှိအချိန်မှာတော့ ခန့်မှန်း တွက်ချက်ထားမှုအရ ၂၀၂၁ ခုနှစ် ဧပြီလမှာ တည်ဆောက်ပြီးနိုင်မယ်လို့ မျှော်မှန်းထားပါတယ်။

အထောက်အကူပြုပစ္စည်းတွေ ဖြည့်ဆည်း

ရန်ကုန်အထူးကုဆေးရုံသစ်ကြီးဟာ ခုတင် ၃၁၆ ခုတင်ဆံ့ ဆေးရုံကြီးဖြစ်ပြီး ကုသရေးနဲ့ သင်ကြားရေး ဆေးရုံကြီးအဖြစ် လည်း ဝန်ဆောင်မှုတွေ ပေးသွားမယ်လို့ ဆိုပါတယ်။ နောက်ဆုံးပေါ် စက်ကိရိယာတွေ၊ အထောက်အကူပြုပစ္စည်းတွေ ဖြည့်ဆည်းထားသွားမှာဖြစ်တာမို့ ဝေဒနာရှင် လူနာတွေအတွက် ကျန်းမာရေးဆိုင်ရာကုသ စောင့်ရှောက်မှုရရှိစေမှာ ဖြစ်ပါတယ်။

ဒီဆေးရုံသစ်ကြီးမှာ နှလုံး၊ ဦးနှောက်၊ အာရုံကြောဆိုင်ရာ ရောဂါတွေကို ကုသပေးသွားမှာဖြစ်ပြီး ဆေးရုံသစ်ကြီး တည်ဆောက်ပြီးစီးသွားရင် ရန်ကုန်ပြည်သူ့ဆေးရုံကြီးမှ နှလုံးရောဂါကုသရေးဌာန၊ နှလုံးရောဂါ ခွဲစိတ်ကုသရေးဌာန၊ ဦးနှောက်နှင့် အာရုံကြောကုသရေးဌာန၊ ဦးနှောက်နှင့် အာရုံကြော ခွဲစိတ်ကုသရေး ဌာနတွေကို ပြောင်းရွှေ့ပြီး ကုသမှာ ဖြစ်ပါတယ်။

ကျန်းမာရေးစောင့်ရှောက်မှု အပြည့်အဝပေးနိုင်

ရန်ကုန်အထူးကု ဆေးရုံသစ်ကြီး တည်ဆောက်ပြီးစီးသွားရင်တော့ မြန်မာနိုင်ငံမှာ ဦးနှောက်နဲ့နှလုံး ရောဂါဆိုင်ရာ သင်ကြားရေးနဲ့ သုတေသနသိပ္ပံဆိုင်ရာ ပထမဆုံးဆေးရုံလည်း ဖြစ်လာမှာ ဖြစ်ပါတယ်။ ''ဒီဆေးရုံသစ်ကြီး တည်ဆောက်ပြီးစီး သွားရင် ဝေဒနာရှင်သက်ကြီး ရွယ်အိုတွေအတွက် ကျန်းမာရေး စောင့်ရှောက်မှု အပြည့်အဝပေးနိုင်မှာ ဖြစ်ပြီး အဲဒီရောဂါတွေနဲ့ သေဆုံးမှုလည်း လျော့ကျသွားနိုင်မှာ ဖြစ်ပါတယ်'' ဟု ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက အဲဒီ ဆေးရုံပန္နက်တင်အခမ်းအနားမှာ ပြောထားပါတယ်။

ရန်ကုန်မြို့ လမ်းမတော်မြို့နယ် ရန်ကုန် ပြည်လမ်းနဲ့ မင်းရဲကျော်စွာလမ်းထောင့်မှာရှိတဲ့ မြေ အကျယ်အဝန်း စတုရန်းမီတာ ၂၇၀၀၀ ပေါ်မှာ တည်ဆောက်မယ့် အဲဒီအထူးကုဆေးရုံ သစ်ကြီးမှာ ခုတင် ၂၀ ဆံ့အထူးကြပ်မတ်ဆောင်လည်း ပါဝင်တာမို့ နှလုံးနဲ့ဦးနှောက်ပိုင်း ဆိုင်ရာ ရောဂါတွေကို အထူးဂရုစိုက် စောင့်ရှောက်ပေးနိုင်မှာ ဖြစ်ပါတယ်။

ဂျပန်ဝန်ကြီးချုပ်က ခွင့်ပြုပေးခဲ့

ဒီအထူးကုဆေးရုံသစ်ကြီး တည်ဆောက်မှုနဲ့ ပတ်သက်ပြီး မြန်မာနိုင်ငံဆိုင်ရာ ဂျပန် သံအမတ်ကြီး chiro Maruyame က ''ဒီဆေးရုံကြီး တည်ဆောက်နိုင်ဖို့ မြန်မာအစိုးရနဲ့ ပူးပေါင်းဆောင်ရွက်ဖို့ အတွက် ဂျပန်ဝန်ကြီးချုပ်က ခွင့်ပြုပေးခဲ့တာဖြစ်ပြီး အခုလို စတင် တည်ဆောက်နိုင်တာကြောင့် ဂုဏ်ယူဝမ်းမြောက်ရပါတယ်'' ဟု အထူးကုဆေးရုံ ပန္နက်တင် ပွဲနေ့မှာ ပြောသွားပါတယ်။ ဂျပန်နိုင်ငံက မြန်မာနိုင်ငံရဲ့ ကျန်းမာရေးကဏ္ဍအပြင် နယ်ပယ် စုံမှာ ဖွံ့ဖြိုးတိုးတက်ရေးအတွက် အကူအညီတွေ ပေးနေတာဖြစ်ပြီး ဂျပန်အပြည်ပြည် ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) က ပူးပေါင်းဆောင်ရွက်နေတာ ဖြစ်ပါတယ်။

အခုစတင်တည်ဆောက်နေတဲ့ ရန်ကုန်အထူးကုဆေးရုံသစ်ကြီး ပြီးစီးသွားရင် နှလုံး၊ ဦးနှောက်၊ အာရုံကြောဆိုင်ရာ လူနာတွေဟာ ဆေးရုံမှာ နေထိုင်ကုသမှု သက်သောင့် သက်သာနဲ့ ကျန်းမာရေး ကုသစောင့်ရှောက်မှု ရရှိတော့မှာ ဖြစ်ပါတယ်။ အရင်က ရန်ကုန်မြို့မှာ ရန်ကုန်ပြည်သူ့ ဆေးရုံကြီး၊ မြောက်ဥက္ကလာပ ဆေးရုံကြီး စတဲ့ ဆေးရုံကြီးတွေ ကိုသာ ကျန်းမာရေးကုသဖို့အတွက် လူနာတွေ အားကိုးအားထား ပြုခဲ့ရတဲ့အခြေအနေက အခုလို အထူးကုဆေးရုံသစ် တစ်ခု ထွက်ပေါ်လာတော့မှာမို့ ပြည်သူတွေအတွက်တော့ သတင်းကောင်းတစ်ခု ပါပဲ။

ရန်ကုန်တိုင်းဒေသကြီးအတွင်းမှာ ၂၀၁၈ ခုနှစ် မတ်လအထိ အထူးကုဆေးရုံပေါင်း ၁၄ ရုံ၊ သင်ကြားရေး ဆေးရုံသုံးရုံ၊ ခုတင် ၅၀၀ ဆံ့ဆေးရုံ နှစ်ရုံ၊ ခုတင် ၂၀၀ ဆံ့ ဆေးရုံလေးရုံ၊ ခုတင် ၁၀၀ ဆံ့ဆေးရုံတစ်ရုံ၊ ခုတင် ၅၀ ဆံ့နှင့် ၂၅ ခုတင်ဆံ့ ဆေးရုံ ၁၁ ရုံ၊ ၁၆ ခုတင်ဆံ့ဆေးရုံလေးရုံ၊ တိုက်နယ်ဆေးရုံ ၃၃ ရုံ၊ တိုက်နယ်ကျန်းမာရေးဌာန ၁၈ ခု၊ ကျေးလက် ကျန်းမာရေးဌာန ၈၉ ခု၊ ကျေးလက်ကျန်းမာရေးဌာနခွဲ ၄၂၆ ခုတို့ ရှိနေတယ်လို့ ကျန်းမာရေးနဲ့ အားကစားဝန်ကြီးဌာနရဲ့ ထုတ်ပြန်ထားတဲ့ သတင်းအချက်အလက်မှာ ဖော်ပြထားပါတယ်။

အားကိုးအားထားစရာ ဆေးရုံကြီးတစ်ရုံအဖြစ် တည်ရှိ

အခုလို အထူးကုဆေးရုံသစ်ကြီးတစ်ရုံ နိုင်ငံတကာအဆင့်မီ တည်ဆောက်ပြီးစီးခဲ့ရင်တော့ ရန်ကုန်မြို့နေ ပြည်သူတွေ အတွက် ကျန်းမာရေးဆိုင်ရာ ကုသစောင့်ရှောက်မှုကို ပိုမိုခံယူခွင့် ရရှိတော့မှာ ဖြစ်သလို နှလုံးနဲ့ ဦးနှောက်ဆိုင်ရာ ရောဂါဝေဒနာရှင်တွေအတွက်တော့ အားကိုးအားထားစရာ ဆေးရုံကြီးတစ်ရုံအဖြစ် တည်ရှိလာမှာဖြစ်ပါတယ်။ ။

ဇင်လင်းမြင့်