ပြည်သူ့နီတိစကားဝိုင်း

၂၀၁၉ ခုနှစ်ဧပြီ ၇ ရက် (တနင်္ဂနွေနေ့) မွန်းလွဲ ၁ နာရီတွင် ပြည်လမ်းစိန်ရတုခန်းမ၌ ပြည်သူ့နီတိ စကားဝိုင်း ကျင်းပခဲ့ပါသည်။

ထိုစကားဝိုင်းကို အဆင့်မြင့် ပညာဦးစီးဌာန မြန်မာစာရေးဆရာကလပ်နှင့် ရွိုင်ရယ်မြန်မာ တီးမစ်တို့က ပူးပေါင်းစီစဉ် ကျင်းပခြင်းဖြစ်ပါသည်။

▲ဆွေးနွေးကြသူများ▲

ထိုစကားဝိုင်းကို ဦးဆောင်ဆွေးနွေးသူက စာရေးဆရာ ဒါရိုက်တာ မင်းခိုက်စိုးစန်ဖြစ်ပြီး ရုပ်ရှင်သရုပ် ဆောင် နေမင်း၊ အဆိုတော်ဇော်ဝင်းထွဋ်၊ စာရေးဆရာမ သန်းမြင့်အောင်၊ ဆရာထင်လင်းဦးနှင့် ဆရာမောင်သာချို တို့က ဆွေးနွေးကြပါသည်။

အခမ်းအနားမှူးအဖြစ် ဆရာမနှင်းဝေငြိမ်းနှင့် ဆရာမာန် (တောင်လုံးပြန်) တို့က ဆောင်ရွက်ကြပါသည်။

▲တက်ရောက်ကြသူများ▲

ပြည်သူ့နီတိ စကားဝိုင်းကို အခြေခံပညာ ဒုတိယ ညွှန်ကြားရေးမှူးချုပ်နှင့် မြို့နယ်ပညာရေးမှူးများ၊ မြို့နယ် ၄၃ မြို့နယ်မှ ထက်/လယ်/မူ ဆရာ ၊ဆရာမ ၅၀၀ ကျော် တက်ရောက်အားပေးခဲ့ကြပါသည်။

မြန်မာနိုင်ငံ ကင်းထောက်အဖွဲ့ချုပ်မှ ကင်းထောက်ချုပ်၊ ကင်းထောက်မှူးချုပ်၊ ကင်းထောက်မှူးကြီးနှင့် ကင်းထောက်မောင်မယ် ၁၅၀ ကျော် တက်ရောက်ကြပါ သည်။

စာပေနှင့်ပတ်သက်သော အဖွဲ့အစည်း ၁၁ ခုမှ စာရေးဆရာများ၊ စာပေဝါသနာရှင်များ၊ ပရဟိတအဖွဲ့ အစည်းများမှ လူငယ်ကျောင်းသား ၃၀၀ ကျော် တက်ရောက်နားထောင်ကြပါသည်။

အခြားဖိတ်ကြားထားသော ဧည့်သည် ၁၀၀ ကျော် တက်ရောက်ခဲ့ကြသဖြင့် ခန်းမကြီးတစ်ခုလုံး ပြည့်လျှံပြီး ထိုင်စရာ ခုံမရှိတော့၍ ခန်းမနောက်က စင်မြင့်များပေါ် တွင် နေရာယူကြရပါသည်။

▲ပြည်သူ့နီတိစကားဝိုင်း▲

လူပေါင်းထောင်ကျော် တက်ရောက်အားပေးခဲ့ကြသော်လည်း တစ်ယောက် တစ်ပေါက်နှင့် ပြောဆိုနေ သော ဆူညံသံများမကြားရပါ။ အမှိုက်ပုံးများ ထားပေးသဖြင့် ကျွေးမွေးဧည့်ခံသော မုန့်ဘူးများကို အမှိုက်ပုံးများတွင် စနစ်တကျစွန့်ပစ်ခဲ့ကြသည်။ တယ်လီဖုန်း မြည်သံ၊ တယ်လီဖုန်း ပြောဆိုနေသံလည်း မကြားရသည့် တကယ့်ပီပြင်သည့် ပြည်သူ့နီတိစကားဝိုင်းပွဲ ဖြစ်ပါသည်။

ဤခန်းမတွင်းသို့ ရောက်ရှိနေကြသူများသည် ပြည်သူ့နီတိကိုသိပြီး ပြည်သူ့နီတိကို လက်တွေ့ကျင့်သုံး သွားကြသော မြန်မာနိုင်ငံသားများ ဖြစ်ကြပါသည်။

မိန့်ခွန်းပြောကြားသွားသည့် ရန်ကုန်တိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်း၊ ရန်ကုန်မြို့တော်ဝန် ဦးမောင်မောင်စိုး၊ မြန်မာစာရေးဆရာ ကလပ် ဒုတိယဥက္ကဋ္ဌ (၁) ဆရာမစမ်းစမ်းနွဲ့ (သာယာဝတီ) တို့ကလည်း ငယ်ငယ်က ကင်းထောက်လုပ်ခဲ့ကြပြီး ပြည်သူ့နီတိနှင့် ယဉ်ပါးခဲ့ကြောင်း ပြောကြားသွားခဲ့သည်။

ရန်ကုန်မြို့တော်ဝန် ဦးမောင်မောင်စိုးက ကျွန်တော်နှင့် ပြည်သူ့နီတိခေါင်းစဉ်တပ်ပြီး ပြောခဲ့ပါသည်။ ရန်ကုန်တွင် ပြည်သူ့နီတိလိုအပ်ပုံ၊ ရန်ကုန်တိုင်း ဒေသကြီးအတွင်း ပြည်သူ့နီတိ ရေးဖြေပြိုင်ပွဲ ကျင်းပခဲ့ပုံ အကြောင်းပြောဆိုပြီး နောင်တွင်လည်း ပြည်သူ့နီတိ ရေးဖြေပြိုင်ပွဲများ ဆက်လက်ကျင်းပသွားမည် ဖြစ်ကြောင်း ပြောကြားသွားခဲ့၏။

▲စကားဝိုင်းစတင်▲

စကားဝိုင်းကို ဆရာမင်းခိုက်စိုးစန်က ရုပ်ရှင်သရုပ်ဆောင် နေမင်းနှင့် စခဲ့၏။

ညီလေး ငယ်ငယ်က ပြည်သူ့နီတိ ချိုးဖောက်ခဲ့ဖူးသလား။
ဟုတ်ကဲ့ ချိုးဖောက်ခဲ့ဖူးပါတယ်။
ဘာတွေ ချိုးဖောက်ခဲ့ဖူးလဲ။
စာမေးပွဲမှာစာခိုးချခဲ့ဖူးပါတယ်။ ကျောင်းလည်း ပြေးဖူးပါတယ်။
အဲဒီတုန်းကတော့ ကျောင်းသားတွေရဲ့လုပ်ရိုး လုပ်စဉ်ထင်ပြီး လုပ်ခဲ့မိတာပါ။
ညီလေး အတင်းကော ပြောဖူးလား။
ပြောဖူးပါတယ်။ အဲဒီလိုပြောဖူးတဲ့အတွက် နောင်တရပါတယ်။ တချို့ကိစ္စတွေက ဥပဒေပြဋ္ဌာန်းထားပြီး မလိုက်နာရင် ပြစ်ဒဏ်ကျခံရပါတယ်။ တချို့ကိစ္စတွေက ဥပဒေပြဋ္ဌာန်းမထားပေမယ့် ကျင့်ဝတ် စည်းကမ်းတွေရှိပါတယ်။ အဲဒီကျင့်ဝတ်စည်းကမ်းတွေ ချိုးဖောက်ရင် လူ့အဖွဲ့အစည်းကပေးတဲ့ မမြင်ရတဲ့ ပြစ်ဒဏ်တွေကို ခံစားရပါတယ်။ အဲဒီပြစ်ဒဏ်က ပိုဆိုးပါတယ်။ ဥပဒေ မလိုက်နာလို့ ပေးတဲ့ပြစ်ဒဏ်ကို ကျခံပြီးရင် အဲဒီအပြစ်က လွတ်မြောက်သွားပါတယ်။

▲လူ့အဖွဲ့အစည်းကပေးတဲ့ပြစ်ဒဏ်▲

လူ့အဖွဲ့အစည်းကပေးတဲ့ မမြင်ရတဲ့ ပြစ်ဒဏ်ကတော့ ဘယ်အချိန်လွတ်မယ် မှန်းမသိဘဲ တနုံ့နုံ့ ခံစားရပါတယ်။

နေမင်း၏စကားသံက သူ့ကိုယ်တွေ့ကို ပြောပြသလို နားထောင်ရသူတွေ ခံစားရပါသည်။

ဆရာမောင်သာချိုက ပြည်သူ့နီတိကို နိုင်ငံတကာမှာ ကျင့်သုံးနေမှုတွေ ပြောဆိုသွားပြီး မြန်မာနိုင်ငံနှင့် ဘာကွာသလဲ ဆန်းစစ်ပြသွားပါသည်။

▲ပြည်သူ့နီတိစည်းမျဉ်း၊ စည်းကမ်းတွေရှိ▲

ပြည်သူ့နီတိစည်းမျဉ်း၊ စည်းကမ်းတွေက နိုင်ငံတကာမှာရှိသလို မြန်မာနိုင်ငံမှာလည်း ရှိပါတယ်။ သူတို့နိုင်ငံတွေက လက်တွေ့လိုက်နာကျင့်သုံးနေကြပေမယ့် ကျွန်တော် တို့နိုင်ငံက လိုက်နာကျင့်သုံးခြင်း မရှိပါဘူး။ ဘာကွာသလဲဆိုတော့ လုပ်တာနဲ့ မလုပ်တာဘဲ ကွာပါတယ်။

▲အပြန်အလှန်ဆွေးနွေး▲

ဆရာမသန်းမြင့်အောင်ကလည်း ရန်ကုန်မြို့ အမှိုက်ပြဿနာ ဖြေရှင်းနည်းတွေကို ပြောပြပြီး ကျောင်းတွေမှာ အမှိုက်မပစ်အောင် စည်းရုံးဟောပြောနေကြောင်း ပြောပြသွားခဲ့၏။

ဆရာထင်လင်းဦးက ပြည်သူ့နီတိဆိုတာဘာလဲ၊ ပြည်သူ့နီတိလို့ပြောရင် ဓလေ့ထုံးစံ၊ ယဉ်ကျေးမှု သာမက နိုင်ငံသားတစ်ယောက်၏ ရပိုင်ခွင့်နှင့် တာဝန်၊ နိုင်ငံ့သားကောင်းဖြစ်ရေး၊ ဒီမိုကရေစီနှင့် ငြိမ်းချမ်းသည့် လူ့အဖွဲ့အစည်း တည်ဆောက်ရေး၊ သဘာဝပတ်ဝန်းကျင် ချစ်ခင်မြတ်နိုးတန်ဖိုးထား စောင့်ရှောက်ကာကွယ်ရေးအထိ ပါဝင်သည့်အကြောင်း ပြောပြသွားသည်။

နိုင်ငံကျော်အဆိုတော် ဇော်ဝင်းထွဋ်ကို ဆရာမင်းခိုက်စိုးစန်က မေးသည်။

အစ်ကို ပြည်သူ့နီတိမသိတဲ့ လူတွေနဲ့တွေ့ကြုံခံစား ခဲ့ရဖူးသလား။

ခံစားခဲ့ဖူးတာပေါ့။ အိမ်ကထွက်လိုက်တာနဲ့ ပြည်သူ့နီတိ မသိတဲ့သူတွေနဲ့ တစ်နေကုန်တွေ့ကြုံခံစားပြီး စိတ်ပင်ပန်း လူပင်ပန်းဖြစ်ခဲ့ရပါတယ်တဲ့။

ထိုကဲ့သို့ ပြည်သူ့နီတိမသိသည့် လူများကြောင့် တွေ့ကြုံခံစားသူတိုင်း စိတ်မသက် မသာ ဖြစ်ခဲ့ရသည်ကို လူတိုင်းအသိဖြစ်မည် ထင်ပါသည်။

ထို့ကြောင့် မြန်မာစာရေးဆရာကလပ်က မြန်မာနိုင်ငံ ပြည်သူ့နီတိ ပြန့်ပွား ထွန်းကားရေးကို တစိုက် မတ်မတ် လုပ်ကိုင်ဆောင်ရွက်နေခြင်း ဖြစ်ပါသည်။

မြန်မာစာရေးဆရာကလပ်သည် ၂၀၁၈ ခုနှစ် ဇူလိုင်လမှ ၂၀၁၉ ခုနှစ် ဖေဖော်ဝါရီလအထိ အထက်တန်း ကျောင်းပေါင်း ၈၂ ကျောင်း၊ တက္ကသိုလ်ကောလိပ် သိပ္ပံပေါင်း ၄၉ ခုတွင် ပြည်သူ့နီတိ အသိပညာပေး ဟောပြောပွဲတွေ ကျင်းပခဲ့ပါသည်။

ချစ်ဦးညို၊ စမ်းစမ်းနွဲ့ (သာယာဝတီ)၊ ဂျူး၊ မောင်သာချို၊ မောင်စိန်ဝင်း (ပုတီးကုံး)၊ အကြည်တော်၊ ညီမင်းညို၊ ဦးဘုန်း (ဓာတု)၊ မာန်(တောင်လုံးပြန်)၊ သရဝဏ် (ပြည်)၊ ထင်လင်ဦး၊ မင်းခိုက်စိုးစန် အစရှိသည့် စာရေးဆရာပေါင်း ၃၀ ကျော်က လိုက် လံဟောပြော ခဲ့ကြပါသည်။

▲အထူးကျေးဇူးတင်▲

ပြည်သူ့နီတိ ဟောပြောပွဲများကို ပါဝင်ကူညီစီစဉ်ပေးခဲ့သော ပညာရေးဝန်ကြီးဌာနနှင့် ပြည်သူတွေ ကျယ်ကျယ်ပြန့်ပြန့် သိရှိစေရန်အတွက် သတင်းထုတ်ပြန်ပေးသော ပြန်ကြားရေးဝန်ကြီးဌာနအား မြန်မာစာရေးဆရာကလပ် က အထူးကျေးဇူး တင်ရှိပါသည်။

ပြည်သူ့နီတိ ပြန့်ပွားထွန်းကားရေးအတွက် မြန်မာ စာရေးဆရာကလပ်ကို အဘက်ဘက်မှ ပါဝင်ကူညီပံ့ပိုး ပေးပါသော ရွိုင်ရယ်မြန်မာတီးမစ်မိသားစုကို အထူး ကျေးဇူးတင်ရှိပါကြောင်း မှတ်တမ်းတင်အပ်ပါသည်။

ရှေ့ဆက်ပြီး ပြည်သူ့နီတိ ဟောပြောပွဲများ၊ ပြည်သူ့နီတိစကားဝိုင်းများ၊ ဉာဏ်စမ်း ပဟေဠိ ပြိုင်ပွဲများ၊ စကားရည်လုပွဲများ၊ လုပ်ငန်းဆွေးနွေးပွဲများ၊ ရေးဖြေပြိုင်ပွဲများ၊ စဉ်ဆက်မပြတ် ဆောင်ရွက်သွားမည် ဖြစ်ပါသည်။

ပြည်သူ့နီတိအသိပညာပေး လုပ်ငန်းကို စိတ်ပါဝင်စားသော ဘဏ်လုပ်ငန်းပိုင် ရှင်များ၊ MPT အစရှိသည့် မိုဘိုင်းအော်ပရေတာများ၊ စီးပွားရေးလုပ်ငန်းရှင်များအား ပါဝင်ပူးပေါင်းကူညီနိုင်ပါကြောင်း ဖိတ်ခေါ်အပ် ပါသည်။

မည်သည့်အစိုးရတက်တက် မည်သည့်စနစ်ကိုပဲ အကောင်အထည်ဖော်ဖော် ပြည်သူများ၏ အသိဉာဏ် မဖွံ့ဖြိုး၊ မပြောင်းလဲပါက နိုင်ငံဖွံ့ဖြိုးတိုးတက်မှု နှောင့်နှေးကြန့်ကြာမည်မှာ သေချာပါသည်။

▲တိုက်တွန်းနှိုးဆော်▲

ပြည်သူ့နီတိ မသိသောသူများနှင့် နိစ္စဓူဝ ဆက်ဆံပေါင်းသင်းနေရသော ဒုက္ခများမှ ကင်းဝေး လွတ်မြောက်ရန် အတွက်မြန်မာစာရေးဆရာကလပ်နှင့် ပူးပေါင်း၍ ပြည်သူ့ နီတိအသိပညာပေး လုပ်ငန်းကို ဝိုင်းဝန်းကူညီဆောင်ရွက်ပေးကြပါရန် တိုက်တွန်းနှိုးဆော်အပ်ပါသည်။ ။

ကောင်းသန့်