စီမံကိန်းနှင့်အရအသုံးခန့်မှန်းခြေငွေစာရင်းဆိုင်ရာတွေ့ဆုံရှင်းလင်းပွဲကျင်းပ

 နေပြည်တော်၊ ဖေဖော်ဝါရီ ၂၇

စီမံကိန်းနှင့်အရအသုံးခန့်မှန်းခြေငွေစာရင်းဆိုင်ရာတွေ့ဆုံရှင်းလင်းပွဲကို ယနေ့ နံနက် (၁၀)နာရီက နေပြည်တော် စီမံကိန်းနှင့် ဘဏ္ဍာရေးဝန်ကြီးဌာန၌ ကျင်းပသည်။

အဆိုပါတွေ့ဆုံရှင်းလင်းပွဲ၌ စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စု ဝန်ကြီးဦးစိုးဝင်းက အမှာစကားပြောကြားရာတွင် ၂၀၁၉-၂၀၂၀ ဘဏ္ဍာရေးနှစ် စီမံကိန်းရေးဆွဲခြင်းကို(Myanmar Sustainable Development Plan- MSDP) နှင့် ချိတ်ဆက်သွားရန်လိုအပ်ကြောင်း၊ Project Bankတွင် စီမံကိန်းများထည့်သွင်းပြီးမှသာ ဘတ်ဂျက်လျာထားရန်ဖြစ်ကြောင်း၊ နှစ်လတ်ဘဏ္ဍာရေး မူဘောင်(Medium Term Fiscal Framework)ဖြင့် ဘတ်ဂျက်ရေးဆွဲ ဆောင်ရွက်လျက်ရှိသဖြင့် ရငွေနှင့် အသုံး စရိတ်များကို အနီးစပ်ဆုံး ခန့်မှန်းတွက်ချက်လျာထားရန် လိုအပ်ကြောင်း၊ အသုံးစရိတ် များကို ထိရောက်စွာ ခွဲဝေသုံးစွဲ၍ ပိုလျှံငွေအပ်နှံမှုများကို စိစစ်ကြပ်မတ် ဆောင်ရွက် သွားရန် လိုအပ်ကြောင်းနှင့် ၂၀၁၉-၂၀၂၀ ဘဏ္ဍာရေးနှစ် ဘတ်ဂျက်တောင်းခံရာတွင် စိစစ်ဆောင်ရွက်ရမည့် အချက်များကို ရှင်းလင်းပြောကြားခဲ့သည်။

ထို့နောက် ၂၀၁၉-၂၀၂၀ ဘဏ္ဍာရေးနှစ်၊ အမျိုးသားစီမံကိန်းရေးဆွဲခြင်းကို စီမံကိန်းရေးဆွဲရေးဦးစီးဌာန၊ ညွှန်ကြားရေးမှူးချုပ်က လည်းကောင်း၊ အရအသုံး ခန့်မှန်းခြေငွေစာရင်း ရေးဆွဲခြင်းကို ရသုံးမှန်းခြေ ငွေစာရင်းဦးစီးဌာန၊ ညွှန်ကြားရေးမှူးချုပ်က လည်းကောင်း၊ Myanmar Sustainable Development Plan(MSDP)နှင့် Project Bankတို့ကို စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင် ကလည်းကောင်း ဖြည့်စွက်ရှင်းလင်းတင်ပြခဲ့သည်။

ယင်းနောက် တက်ရောက်လာကြသည့် ပြည်ထောင်စုဝန်ကြီးများ၊ တိုင်းဒေသ ကြီး/ ပြည်နယ်ဝန်ကြီး ချုပ်များနှင့် ဌာန၊ အကြီးအကဲများ၏ မေးမြန်းချက်များကို ပြန်လည် ရှင်းလင်းဖြေကြားသည်။

(သတင်းစဉ်)