ပြည်ထောင်စုဝန်ကြီး ဦးဝင်းခိုင် မြိုင်ရေနံရှာဖွေရေးအစမ်းတွင်း စတင် တူးဖော်ခြင်း အခမ်းအနား တက်ရောက်

 နေပြည်တော် ဇန်နဝါရီ ၂၇

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်သည် ဇန်နဝါရီ ၂၅ ရက်တွင် မကွေးတိုင်းဒေသကြီး ချောက်မြို့ရှိ ချောက်ရေနံမြေ စုပေါင်းခန်းမ၌ ဝန်ထမ်းများနှင့်တွေ့ဆုံသည်။

တွေ့ဆုံပွဲတွင် ပြည်ထောင်စုဝန်ကြီးက ရေနံနှင့် သဘာဝ ဓာတ်ငွေ့ ကဏ္ဍသည် တိုင်းပြည်ဖွံ့ဖြိုးတိုးတက်ရေးအတွက် အရေးကြီးသော ကဏ္ဍမှ ပါဝင်သော ကြောင့် မိမိတို့ဆောင်ရွက်နေသည့် လုပ်ငန်းများ အပေါ် ဂုဏ်ယူရမည်ဖြစ်ပါ ကြောင်း၊ ရေနံနှင့်သဘာဝဓာတ်ငွေ့ကို ယခုထက် ပိုမိုတိုးမြှင့်ရှာဖွေတူးဖော်ထုတ်လုပ်နိုင်ရေး ကြိုးပမ်းဆောင် ရွက်ကြရန် လိုအပ်ကြောင်း၊ လုပ်ငန်းခွင် ဘေးအန္တရာယ် ကင်းရှင်းရေး၊ အလေအလွင့်မရှိရေး အထူးဂရုပြု ဆောင်ရွက် ရန်နှင့် လုပ်ငန်းဆောင်ရွက်မှုအဆင့်တိုင်း၌ ရှိပြီးဖြစ်သော Standard Operation Procedure (SOP) နှင့်အညီ လိုက်နာဆောင်ရွက်ရန် မှာကြားသည်။

ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်တို့သည် ဇန်နဝါရီ ၂၆ ရက် နံနက်ပိုင်းတွင် ပခုက္ကူခရိုင် မြိုင်မြို့နယ်အတွင်း တွင်းတူး စက် ZJ 70L SR-1 ဖြင့် တူးဖော်မည့် မြိုင်ရှာဖွေရေးတွင်းအမှတ်(၁) ရှင်းလင်းဆောင် သို့ရောက်ရှိရာ မြန်မာ့ရေနံနှင့် သဘာဝဓာတ်ငွေ့ လုပ်ငန်း ဦးဆောင်ညွှန်ကြား ရေးမှူးနှင့် တာဝန်ရှိသူများက တွင်းတူးဖော် မည့်အစီအစဉ်များကို ရှင်းလင်း တင်ပြကြသည်။

ထို့နောက် ပြည်ထောင်စုဝန်ကြီးက မြိုင်ရှာဖွေရေး တွင်းအမှတ် (၁) အား စက်ခလုတ်နှိပ်၍ စတင်တူးဖော်ပေးပြီး ပြည်ထောင်စု ဝန်ကြီးနှင့် တိုင်းဒေသ ကြီး ဝန်ကြီးချုပ်တို့က ရေနံတွင်း တူးစက် ဝန်ထမ်းများကို သစ်သီးခြင်းများ ပေးအပ်၍ စုပေါင်းမှတ်တမ်းတင် ဓာတ်ပုံ ရိုက်ကြ သည်။

အဆိုပါ မြိုင်ရှာဖွေရေးတွင်း အမှတ်(၁) တူးဖော်နိုင်ရေးအတွက် ယခင် တိုင်းတာခဲ့သော အချက်အလက်များအားအခြေခံ၍ မြေပေါ် ဘူမိဗေဒကွင်းဆင်းခြင်းလုပ်ငန်းများနှင့် ဘူမိရူပတိုင်းတာခြင်း လုပ်ငန်း များအား ၂ဝ၁၆-၂ဝ၁၇ ဘဏ္ဍာရေးနှစ်တွင် ဆောင်ရွက်ခဲ့ပြီး လေ့လာသုံးသပ်ချက်များအရ သဘာဝ ဓာတ်ငွေ့ ခိုအောင်း တည်ရှိနိုင်သော သဲကြောများအား ရှာဖွေတူးဖော်စမ်းသပ် ထုတ်လုပ်ရန် အတွက် ZJ 70L SR-1 တွင်းတူးစက်အား အသုံးပြု၍ ရည်မှန်း အနက်ပေ ၈၅ဝဝ အထိတူးဖော်၍ ရေနံနှင့် သဘာဝ ဓာတ်ငွေ့ သဲကြောများအား စမ်းသပ်သွားမည်ဖြစ်ပြီး စမ်းသပ်ရရှိမှု အပေါ်မူတည်၍ ရှေ့လုပ်ငန်းစဉ်များ ချမှတ်ကာ အကောင် အထည်ဖော်ဆောင်ရွက်သွားမည်ဖြစ်သည်။

မွန်းလွဲပိုင်းတွင် ပြည်ထောင်စုဝန်ကြီးသည် ချောက်ရေနံမြေရေနံတွင်း အမှတ် (၁၁၉၆) ရှိ ရှင်းလင်းဆောင်သို့ရောက်ရှိရာ ရေနံမြေ အထွေထွေ မန်နေဂျာ နှင့် တာဝန်ရှိသူများက ရေနံတွင်း အမှတ် (၁၁၉၆)နှင့် တွင်းသစ်အမှတ် (၁၂၁၃) တို့မှ ရေနံတိုးမြှင့် ထုတ်လုပ်နိုင် မှုနှင့်စပ်လျဉ်း၍ ရှင်းလင်းတင်ပြကြပြီး ပြည်ထောင်စုဝန်ကြီးက လိုအပ် သည်များကို လမ်းညွှန်မှာကြား၍ ဝန်ထမ်းများ အား ဂုဏ်ပြု ချီးမြှင့်ငွေနှင့် သစ်သီးခြင်းများပေးအပ်သည်။

အဆိုပါ ရေနံတွင်းအမှတ် (၁၁၉၆) ကို ၂ဝ၁၈ ခုနှစ် ဒီဇင်ဘာ၂၅ ရက်တွင် သဲကြောတိုးချဲ့သေနတ်ဖောက်ခြင်းအား ဆောင်ရွက်ခဲ့ရာ လက်ရှိရေနံစိမ်းစည် ၁၂၂ စည် နေ့စဉ်ထုတ်လုပ်လျက်ရှိပြီး တွင်းသစ် အမှတ်(၁၂၁၃) အား ဇန်နဝါရီ ၃ ရက်တွင် စတင်တူးဖော်ခဲ့ရာ ဇန်နဝါရီ ၁၉ ရက်တွင် အနက်ပေ ၄၁၅ဝ အထိ တူးဖော်ခဲ့ပြီး ရေနံစိမ်း စည် ၁၉ဝ ထုတ်လုပ်နိုင်ခဲ့ကြောင်း သတင်းရရှိ သည်။

ညနေပိုင်းတွင် ပြည်ထောင်စုဝန်ကြီးသည် ချောက်ရေနံမြေဆေးရုံကို ကြည့်ရှုစစ်ဆေး၍ လိုအပ်သည်များ ပေါင်းစပ်ညှိနှိုင်းပေးသည်။

ထို့နောက် ပြည်ထောင်စုဝန်ကြီးသည် မြန်မာ့ရေနံနှင့် သဘာဝ ဓာတ်ငွေ့ လုပ်ငန်းနှင့် ရေနံတိုးတက် ထုတ်ယူရေး လုပ်ငန်းများ အတွက် အကျိုးတူပူးပေါင်း ဆောင်ရွက်လျက်ရှိသောGoldpetrol JOC Inc. ကုမ္ပဏီ၏ တာဝန်ရှိသူ များနှင့် ချောက်ရေနံမြေရိပ်သာတွင် တွေ့ဆုံ၍ ရေနံမြေအထွက်တိုးရေးအတွက် ဆောင်ရွက်မှု လုပ်ငန်း စဉ်များ၊ လုပ်ငန်းဆောင်ရွက်နေသည့် ဒေသပတ်ဝန်းကျင် တွင် လူမှုရေး တာဝန်သိမှုလုပ်ငန်းများ အကောင်အထည်ဖော်ဆောင်ရွက် ရေးနှင့် ဝန်ထမ်းရေးရာကိစ္စများကို ဆွေးနွေးကြသည်။

ချောက်ရေနံမြေတွင် ယခုကဲ့သို့ တွင်းဟောင်းများတိုးချဲ့ထုတ်လုပ်မှု စမ်းသပ်ဆောင်ရွက်ခြင်း၊ တွင်းသစ်များတူးဖော်နိုင်ခဲ့ခြင်းကြောင့် ချောက်ရေနံ မြေရှိ တွင်းပေါင်း ၁၁၁ တွင်းမှ ယခင်ကထက် ရေနံစိမ်း စည် ၃ဝဝ ကျော်ခန့် တိုးတက်ထုတ်လုပ်နိုင်သဖြင့် ယခုအခါ ချောက်ရေနံမြေ ၏ ရေနံစိမ်းထုတ်လုပ် နိုင်မှုမှာ နေ့စဉ် စည် ၁၇ဝဝ နှင့် သဘာဝဓာတ်ငွေ့ ကုဗပေသန်း ဝ ဒသမ ဝ၄၅ ထုတ်လုပ်လျက် ရှိကြောင်း၊ ရေနံအထွက်တိုးရေးနှင့် ထုတ်လုပ်မှုထိန်းသိမ်း နိုင်ရေး လုပ်ငန်းစဉ်များဖြစ်သော တွင်းဟောင်းပြုပြင်ခြင်း၊ တွင်းသစ်တူးဖော် ခြင်းလုပ်ငန်းများအပြင် ၂ဝ၁၈ ခုနှစ် မတ်လမှစ၍ သဲကြောများ အတွင်း ရေမောင်းသွင်း၍ ရေနံအထွက်တိုးစေသည့် ရေလွှမ်း စီမံကိန်း လုပ်ငန်းများကို စီမံချက်များစနစ်တကျရေးဆွဲ၍ အကောင် အထည်ဖော်ဆောင်ရွက်လျက် ရှိကြောင်း သတင်းရရှိသည်။

သတင်းစဉ်