နေပြည်တော် ဇူလိုင် ၁၃
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး
မင်းအောင်လှိုင်သည် တရုတ်ပြည်သူ့သမ္မတနိုင်ငံ၊ နိုင်ငံခြားရေး ၀န်ကြီးဌာန၏ အာရှရေးရာအထူး
ကိုယ်စား လှယ် မစ္စတာ စွန်းဂေါ်ရှန်း အား ယနေ့ နံနက်ပိုင်းတွင် နေပြည်တော်ရှိ ဘုရင့်နောင်
ရိပ်သာဧည့်ခန်းမဆောင်၌ လက်ခံတွေ့ဆုံသည်။
ထိုသို့တွေ့ဆုံစဉ် ပြည်ထောင်စုငြိမ်းချမ်းရေးညီလာခံ(၂၁)ရာစုပင်လုံ
တတိယ အကြိမ်အစည်း အဝေး ကျင်းပနေမှု ၊ မြန်မာနိုင်ငံ၏ ပြည်တွင်း ငြိမ်းချမ်းရေး ရရှိရန်
အတွက် အစိုးရနှင့်တပ်မတော်မှ ဆောင်ရွက် နေမှု၊ နှစ်နိုင်ငံ နယ်စပ်ဒေသ တည်ငြိမ် အေးချမ်းရေးအတွက်
ပူးပေါင်းဆောင်ရွက်နေမှု ၊ မြန်မာနိုင်ငံ၏ ပြည်တွင်း ငြိမ်းချမ်းရေး လုပ်ငန်းစဉ်များ၊
ရခိုင်ပြည်နယ်၊ ဘူသီး တောင်၊ မောင်တောဒေသတွင် ဖြစ်ပွား ခဲ့သည့်အခြေအနေများနှင့် နှစ်နိုင်ငံ
အကျိုးတူ ပူးပေါင်း ဆောင်ရွက် ရေးဆိုင်ရာ ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေး
ခဲ့ကြကြောင်း သတင်းရရှိသည်။
(သတင်းစဉ်)
No comments:
Post a Comment