နေပြည်တော်၊ မေ ၂၁
အမျိုးသားလွှတ်တော်ဥက္ကဋ္ဌ
မန်းဝင်းခိုင်သန်းသည် တရုတ်ပြည်သူ့သမ္မတနိုင်ငံ၊ နိုင်ငံရေးအတိုင်ပင်ခံကွန်ဖရင့်
(CPPCC) ဒုတိယဥက္ကဋ္ဌ H. E. Mr. Wang Zhengwei နှင့်အဖွဲ့အား ယနေ့မွန်းလွဲ ၂ နာရီတွင်
နေပြည်တော်ရှိ အမျိုးသား လွှတ်တော်ဆောင် Talk Room ၌ လက်ခံတွေ့ဆုံသည်။
ထိုသို့တွေ့ဆုံရာတွင်
မြန်မာနိုင်ငံလွှတ်တော်ဆိုင်ရာ လုပ်ငန်းစဉ်များ၊ နှစ်နိုင်ငံအကြား ပြည်သူအစိုးရ၊ လွှတ်တော်ချင်း
ချစ်ကြည်ရင်းနှီးမှု တိုးမြှင့်ဆောင်ရွက်ရေး၊ လယ်ယာစိုက်ပျိုးရေးကဏ္ဍ၊ စက်မှုကဏ္ဍ၊ ရင်းနှီးမြှုပ်နှံမှုကဏ္ဍများ
ဖွံ့ဖြိုးတိုးတက်ရေးအတွက် အတွေ့အကြုံများ မျှဝေရေးနှင့် ပူးပေါင်းဆောင်ရွက်ရေးဆိုင်ရာ
ကိစ္စရပ်များ၊ တရုတ်ပြည်သူ့ နိုင်ငံရေးအတိုင်ပင်ခံ ကွန်ဖရင့် CPPCC ၏ ဖွဲ့စည်းတည်ဆောက်မှုနှင့်
နိုင်ငံရေး၊ အုပ်ချုပ်ရေးနှင့် လူမှုရေးကဏ္ဍတို့တွင် ပါဝင်ဆောင်ရွက်မှု အခြေအနေများနှင့်စပ်လျဉ်း၍
ရင်းနှီးပွင့်လင်းစွာ ဆွေးနွေးခဲ့ကြသည်။
တွေ့ဆုံပွဲသို့ အမျိုးသားလွှတ်တော်
ဒုတိယဥက္ကဋ္ဌ ဦးအေးသာအောင်၊ အမျိုးသားလွှတ်တော်ရေးရာ ကော်မတီများဖြစ်သည့် နိုင်ငံတကာဆက်ဆံရေး၊
လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီ၊ တိုင်းရင်းသားရေးရာ ကော်မတီ၊
ကျန်းမာရေး၊ အားကစားနှင့် ယဉ်ကျေးမှုဆိုင်ရာကော်မတီ၊ ဆောက်လုပ်ရေး၊ စက်မှု၊ လျှပ်စစ်နှင့်
စွမ်းအင်ဆိုင်ရာ ကော်မတီတို့မှ ဥက္ကဋ္ဌများ၊ အမျိုးသားလွှတ်တော် မြန်မာ-တရုတ် လွှတ်တော်ချင်း
ချစ်ကြည်ရင်းနှီးရေး အသင်းဥက္ကဋ္ဌနှင့် အမျိုးသားလွှတ်တော်ရုံးမှ တာဝန်ရှိသူများ တက်ရောက်ခဲ့ကြသည်။
(သတင်းစဉ်)
No comments:
Post a Comment