အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ အစည်းအဝေး (၁/၂၀၁၈) သို့ တက်ရောက် အမှာစကား ပြောကြား

နေပြည်တော် မေ ၁၅

အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ (၁/၂၀၁၈) အစည်းအဝေးကို ယနေ့နံနက် ၉နာရီတွင် နေပြည်တော်ရှိ လူမှုဝန်ထမ်း၊ ကယ်ဆယ် ရေးနှင့် ပြန်လည် နေရာချထားရေး ၀န်ကြီးဌာန အစည်းအဝေးခန်းမ၌ ကျင်းပရာ အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကားပြောကြားသည်။

အစည်းအဝေးတွင် စီမံခန့်ခွဲမှုကော်မတီဥက္ကဋ္ဌ ဒုတိယသမ္မတက ယခု အစည်းအဝေးတွင်၂၀၁၈ခုနှစ် မိုးရာသီကာလအတွင်း ဖြစ်ပွားနိုင်သည့် ဘေးအန္တရာယ် များနှင့် အချိန်အခါ မရွေး ဖြစ်ပေါ်လာနိုင်သည့် ငလျင် ဘေးအန္တရာယ် အတွက်ကြိုတင် ကာကွယ်ရေး၊ ကြိုတင် ပြင်ဆင်ရေးလုပ်ငန်းများနှင့် ပတ်သက်ပြီးဆွေးနွေး ညှိနှိုင်း ကြရန်ဖြစ်ပါကြောင်း၊ အမျိုးသား သဘာဝ ဘေးအန္တရာယ်ဆိုင်ရာ စီမံခန့်ခွဲမှု ကော်မတီ အနေဖြင့် သဘာဝဘေးအန္တရာယ် စီမံခန့်ခွဲမှု လုပ်ငန်းများနှင့် ပတ်သက်ပြီး အမြဲတမ်း နိုးကြားဆောင်ရွက် နေရမည်ဖြစ်ကြောင်း။

ရာသီကာလအလိုက် ဖြစ်နိုင်သည့်ဘေးများ၊ နေရာဒေသအလိုက် ဖြစ်နိုင်သည့် ဘေးများ အပေါ်ထိရောက်သော စီမံခန့်ခွဲမှုများ ဆောင်ရွက်နိုင်ရန် လိုအပ်ပြီးကြိုတင် ပြင်ဆင်မှုများကိုလည်း အချိန်နှောင့်နှေးကြန့်ကြာမှု မရှိစေဘဲ ဆောင်ရွက်ထားရန် လိုအပ်ပါကြောင်း၊

အိန္ဒိယနိုင်ငံ တောင်ပိုင်း ပရာဒက်ရ်ှပြည်နယ်တွင် ဧပြီလ ၂၄ ရက်နေ့က နာရီပေါင်း ၁၃ နာရီအတွင်း မိုးကြိုးပစ်မှုအကြိမ်ပေါင်း ၃၆၇၄၉ ကြိမ် ဖြစ်ပွားခဲ့ပြီး လူ ၉ ဦး သေဆုံးခဲ့ပါကြောင်း၊ ၂၀၁၅ ခုနှစ် နောက်ပိုင်း အိန္ဒိယနိုင်ငံတွင် တစ်နှစ်လျှင် မိုးကြိုးပစ်မှု ကြောင့် လူ ၂၀၀၀ ခန့် သေဆုံးလျက်ရှိသည်ဟု သိရှိရပါကြောင်း၊

မြန်မာနိုင်ငံတွင်လည်း ၂၀၁၇ ခုနှစ် ဧပြီလမှ ၂၀၁၈ ခုနှစ် မတ်လ အထိ ကာလအတွင်း မိုးကြိုးပစ်မှု ဖြစ်စဉ် ၁၀၉ ကြိမ် ဖြစ် ပွားခဲ့ရာ လူဦးရေ ၁၁၁ ဦးသေဆုံးခဲ့ပြီး ဒဏ်ရာရရှိသူ ၃၉ ဦးရှိခဲ့ပါကြောင်း၊ ယခုအချိန်ကာလသည် မိုးဦးလေဦးရာသီဖြစ်သည့် အတွက် မုန်တိုင်းဖြစ်ပေါ်ခြင်း၊ လေပြင်းတိုက်ခတ်ခြင်း၊ မိုးသည်းထန်ခြင်း၊မိုးကြိုးပစ်ခြင်း၊ မိုးသီးကြွေခြင်း၊ ရေကြီးခြင်း၊ လျှပ်တပြက်ရေကြီးခြင်းနှင့် မြေပြိုခြင်းများဖြစ်ပေါ်နိုင် သည့်အတွက် ဘေးအန္တရာယ်များနှင့် ပတ်သက်ပြီး ကြိုတင်ပြင်ဆင် ဆောင်ရွက်နိုင်မှုများနှင့် လိုအပ် ချက်များကို ဆွေးနွေးကြရန် လိုအပ်ပါကြောင်း။

တစ်ခါတစ်ရံ မိမိဒေသတွင် မဖြစ်နိုင်သော်လည်း အခြားဒေသတွင်ဖြစ်ခဲ့ပြီး နောက်ဆက်တွဲအနေဖြင့် မိမိဒေသကို လာရောက် ရိုက်ခတ်နိုင်သည့် ဘေးအန္တရာယ် များကိုလည်း သတိပြုရမည် ဖြစ်ကြောင်း၊ ၂၀၁၁ ခုနှစ်၊ အောက်တိုဘာလတွင် ဘင်္ဂလားဒေ့ရ်ှနိုင်ငံ စစ်တကောင်းမြို့နှင့် မြန်မာနိုင်ငံ မောင်တောမြို့အကြား ဖြတ်ကျော် ၀င်ရောက်ခဲ့သည့် O2B မုန်တိုင်းအရှိန်ကြောင့် မြန်မာနိုင်ငံ အထက်ပိုင်းဒေသများတွင် မိုးရွာသွန်းမှုစံချိန်တင် များပြားခဲ့ပြီး မြန်မာနိုင်ငံအလယ်ပိုင်း၊ မကွေးတိုင်း ဒေသကြီး အတွင်းကမြို့နယ်အချို့တွင် လျှပ်တပြက် ရေကြီးမှု ဖြစ်ပွားခဲ့သည့်အတွက် လူ (၄၆) ဦး သေဆုံးပြီး (၁၁၅) ဦး ပျောက်ဆုံးခဲ့ပါကြောင်း၊ ယင်းဖြစ်စဉ်ကို ကြည့်ခြင်းအားဖြင့် မိမိတို့ ဒေသတွင် တိုက်ရိုက် မဖြစ်ပေါ်နိုင်သော်လည်း သွယ်ဝိုက်ပြီး ဖြစ်ပေါ်လာနိုင်သည့် ဘေးအန္တရာယ်များကို သိရှိထားရမည်ဖြစ်ပြီး ကြိုတင်ပြင်ဆင်မှုများ ဆောင်ရွက်ထားရန် လိုအပ်ကြောင်း။

ကြိုတင်ပြင်ဆင်မှုများ ဆောင်ရွက်သည့် နေရာတွင် အရေးပေါ်တုံ့ပြန်ရေး လုပ်ငန်း များအတွက်သာမက ပြန်လည်ထူထောင်ရေး လုပ်ငန်းများအတွက်ပါ ကြိုတင်စဉ်းစား ပြင်ဆင်ထားရမည် ဖြစ်ပါကြောင်း၊ ယင်းသို့ ဆောင်ရွက်ရာတွင် သဘာဝဘေးဖြစ် ပေါ်လာနိုင်သည့် နေရာများက ဘေးအန္တရာယ်ကျရောက် နိုင်ခြေများ သည့် နေရာများ သိရှိထားပြီးဖြစ်သည့်အတွက် အိုးအိမ်များပြန်လည်နေရာချ ထားပေးနိုင်ရန်၊ အဆောက်အဦများ ပြန်လည်တည်ဆောက် ပေးနိုင်ရန်အတွက် ဘေးလွတ်ကင်းရာ နေရာများကို ကြိုတင်ရွေးချယ်ထားရန် လိုအပ်ပြီး အသက်မွေးဝမ်း ကျောင်းလုပ်ငန်းများ၊ လမ်းပန်းဆက်သွယ်ရေး၊ ကျန်းမာရေး၊ ပညာရေးစသည့်ကဏ္ဍ အသီးသီးကို သက်ဆိုင်ရာ ၀န်ကြီးဌာနများနှင့် အစိုးရအဖွဲ့များက ပူးပေါင်းပြီးအမြန်ဆုံးနှင့် စနစ်တကျ ဖြစ်အောင် ဆောင်ရွက် ပေးနိုင်ရေးအတွက် ကြိုတင်အစီအမံများ ချမှတ်ထားခြင်း တို့ကိုလည်း အလေးထား ဆောင်ရွက်ရမည်ဖြစ်ကြောင်း။

ပြန်လည်ထူထောင်ရေး လုပ်ငန်းများ ဆောင်ရွက်သည့်အခါ စနစ်ကျသည့် ရေရှည်ဖွံ့ဖြိုးတိုးတက်မှုနှင့် ဘေးဒဏ်ကို ကြံ့ကြံ့ခံနိုင်ရေးတို့ကို ထည့်သွင်းစဉ်းစား ဆောင်ရွက်ရန် လိုအပ်ကြောင်း၊ မြန်မာနိုင်ငံ၏ ငလျင်ဘေးအန္တရာယ် အကြောင်းကိုလေ့လာ ကြည့်ပါက မြန်မာနိုင်ငံအနေဖြင့် အရှေ့တောင်အာရှ ဒေသတွင် အကြီးမားဆုံး ငလျင်ကြော ဖြစ်သည့် စစ်ကိုင်းပြတ်ရွေ့ကြောပေါ်တွင် တည်ရှိနေကြောင်း၊ စစ်ကိုင်းပြတ်ရွေ့ သည်ရန်ကုန်၊ ပဲခူး၊ တောင်ငူ၊ နေပြည်တော်၊ မန္တလေး၊ မြစ်ကြီးနားစသည့် အဓိကမြို့ကြီးများကို ဖြတ်သန်းတည်ရှိနေကြောင်း၊ မြန်မာပြည်အရှေ့ဘက်၊ အရှေ့ မြောက်ဘက် ရှမ်းကုန်းပြင်မြင့်ဒေသ၊ လာအို၊ ထိုင်း၊ တရုတ်နိုင်ငံများ နှင့်ဆက်စပ် နေသည့် ပြတ်ရွှေ့ကြောများ တည်ရှိနေကြောင်းကို လေ့လာသိရှိရ ပါကြောင်း။

မကြာသေးမီ ကာလအတွင်းက ကလေးမြို့၊ ချောက်မြို့၊ ဖြူးငလျင်၊ နေပြည်တော်တွင် လှုပ်ခဲ့သည့် ငလျင်တို့မှာ အင်အားအနည်းငယ်နှင့် အသင့်အတင့်ရှိပြီး ငလျင်ငယ်များ မကြာခဏ လှုပ်ရှားနေသည့်အတွက် ပြည်သူများအနေဖြင့် စိုးရိမ် ကြောင့်ကျမှုများ ရှိနေသည်ဟု သိရှိရပါကြောင်း၊ ငလျင် ဘေးအန္တရာယ်သည် ကြိုတင်ခန့်မှန်း နိုင်ခြင်း မရှိဘဲ အချိန်မရွေး ဖြစ်လာနိုင်ခြင်းကြောင့် ငလျင်ဘေး ရင်ဆိုင်တုံ့ပြန်နိုင်ရေးနှင့် အမြဲ အဆင့်သင့် ဖြစ်နေစေရေးမှာ အလွန်အရေးကြီး ပါကြောင်း၊ သို့ဖြစ်၍ မိမိတို့ မည်သည့် အတိုင်းအတာအထိ ဆောင်ရွက်ပြီးဖြစ်သည်ကို ဆန်းစစ်ရန် လိုနေကြောင်း၊ ယခုအချိန်သည် ၀န်ကြီးဌာနများအလိုက်၊ တိုင်းဒေသကြီး၊ ပြည်နယ်များအလိုက် မိမိတို့၏ တာဝန်ရှိမှုများနှင့် အညီ ငလျင်ဘေး တုံ့ပြန်ဆောင်ရွက်ရေးနှင့် ပတ်သက်ပြီးကြိုတင် ကာကွယ်မှု၊ ကြိုတင်ပြင်ဆင်မှုများကို ဦးစားပေး ဆောင်ရွက်ကြရန် လိုအပ်နေပါကြောင်း။

မိမိတို့အနေဖြင့် ဆွေးနွေးလိုသည်မှာ အစိုးရဌာနများ၏ ငလျင်ဘေး တုံ့ပြန် ဆောင်ရွက်ရေး အစီအမံများ ခိုင်မာ အားကောင်းရန်နှင့် SOP များရေးဆွဲထားရှိရန်၊ ကြိုတင်ကာကွယ်ရေး၊ ကြိုတင် ပြင်ဆင်ရေးအပိုင်းကို ပိုမိုပြီးအားထည့် ဆောင်ရွက်ရန် လိုအပ်ပြီး ဘေးအန္တရာယ် ဖြစ်ပေါ်လာပါက ဦးစွာတုံ့ပြန်မှု ဆောင်ရွက်ရမည့် ပြည်သူများကလည်း စနစ်ကျစွာ ထိရောက်စွာ မှန်ကန်စွာ တုံ့ပြန်မှုလုပ်ငန်းများ ဆောင်ရွက်နိုင်ရန်အတွက် ငလျင်ဘေးနှင့် စပ်လျဉ်းပြီး အသိပညာပေးခြင်းနှင့် ဇာတ်တိုက် လေ့ကျင့်ခန်းများ ပြုလုပ် ပေးခြင်းကို ကြိုတင်ဆောင်ရွက်ရမည် ဖြစ်ပြီး အကြိမ်ရေများများ ဆောင်ရွက်ရန် လိုအပ်ပါ ကြောင်း၊ ထို့ပြင် အသစ်ဆောက်လုပ်မည့် အဆောက်အဦများကို Building Code များနှင့်အညီ ဆောက်လုပ်စေရန်နှင့် ငလျင် ပြတ်ရွေ့ကြောများပေါ်တွင် တည်ရှိနေသည့် မြို့၊ ရွာများကိုလည်း လေ့လာဆန်းစစ်မှုများ ပြုလုပ်ပြီး လိုအပ်သည့်အစီအမံများ ဆောင်ရွက်ကြရန် ပြောကြားလိုကြောင်း၊ သဘာဝဘေးကို စီမံခန့်ခွဲရာတွင် Preparedness (ကြိုတင်ပြင်ဆင်မှု)၊ Response (တုံ့ပြန်မှု)၊ Recovery (ပြန်လည်ထူ ထောင်မှု)များ ကို အပိုင်းအလိုက် ဆောင်ရွက်နေကြပြီး စနစ်ကျ ထိရောက်စွာ ဆောင်ရွက်နိုင်မှသာလျှင် သဘာဝဘေးကို ကြံ့ကြံ့ခံ ရင်ဆိုင်တုံ့ပြန် နိုင်စွမ်းရှိသည့်လူမှု အသိုက်အဝန်း ဖြစ်လာမည်ဖြစ်ပါကြောင်း။

ဆက်လက်ပြီးလည်း အားလုံး စုစည်းညီညွတ်စွာ ညှိနှိုင်းပူးပေါင်း ဆောင်ရွက်ခြင်းဖြင့် ရည်မှန်းချက်ပန်းတိုင်ကို ရောက်ရှိရေး ဝိုင်းဝန်းကြိုးပမ်းပေးကြရန် တိုက်တွန်း ပြောကြား လိုပါကြောင်း၊ ထို့ပြင် လုပ်ငန်းကဏ္ဍ အလိုက် နည်းပညာများကို ထည့်သွင်း အသုံးချနိုင်ခြင်းအားဖြင့် ပိုမိုကောင်းမွန်သည့် သဘာဝဘေးစီမံခန့်ခွဲမှု လုပ်ငန်းများ ဖြစ်ပေါ်လာ နိုင်မည်ဖြစ်ပါကြောင်း၊ တိုးတက်ပြောင်းလဲ လာသည့်နည်း ပညာများကို လိုက်ပါအသုံးပြုနိုင်ပြီး ယင်းနည်းပညာများကို အသုံးပြုတတ်ရန် စွမ်းရည်များမြင့်မား လာရမည် ဖြစ်ပါကြောင်း ပြောကြားသည်။

ထို့နောက် စီမံခန့်ခွဲမှုကော်မတီ အတွင်းရေးမှူး ဒုတိယ၀န်ကြီး ဦးစိုးအောင်က အမျိုးသား သဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ (၂/၂၀၁၇) အစည်း အဝေး ဆုံးဖြတ်ချက်များအပေါ် ၀န်ကြီးဌာနများနှင့် တိုင်းဒေသကြီး ၊ ပြည်နယ်အလိုက် သဘာဝဘေး ကြိုတင်ကာကွယ် နိုင်ရေးအတွက် ဆောင်ရွက်ပြီးစီးမှုနှင့် ဆောင်ရွက် နေမှု အခြေအနေများကို ရှင်းလင်းတင်ပြသည်။

ဆက်လက်၍ စီမံခန့်ခွဲမှု ကော်မတီ ဒုတိယ ဥက္ကဋ္ဌ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက သဘာဘေး ကြိုတင်ကာကွယ်ရေးအတွက် တည်ဆောက်ရေး၊ အသိပညာပေးရေး အပါအ၀င် ကဏ္ဍစုံ ဆောင်ရွက်နေမှုများနှင့် စပ်လျဉ်း၍ ရှင်းလင်းတင်ပြသည်။

ယင်းနောက် စီမံခန့်ခွဲမှု ကော်မတီဝင် ပြည်ထောင်စုဝန်ကြီးများက သဘာဝဘေး ဖြစ်ပေါ်လာပါက ၀န်ကြီးဌာနအလိုက် ဆောင်ရွက်နေမှုများနှင့် ကြိုပြင်ဆင်ထားမှုများ ကိုလည်းကောင်း၊ နေပြည်တော် ကောင်စီဥက္ကဋ္ဌ၊ တိုင်းဒေသကြီးနှင့် ပြည်နယ်ဝန်ကြီးချုပ်များက တိုင်းဒေသကြီး ပြည်နယ်အလိုက် သဘာဝဘေး ကြိုတင်ကာကွယ်ရေး အတွက် ဆောင်ရွက်ထားမှုများ၊ အသိပညာပေးရေးလုပ်ငန်း၊ လေကာပင် စိုက်ပျိုးရေး လုပ်ငန်း၊ မုန်တိုင်းဒဏ်ခံ အဆောက်အဦ တည်ဆောက်ပေးရေးနှင့် ဒေသအလိုက် ရေတို၊ ရေရှည်ဆောင်ရွက်ပေးရမည့် လိုအပ်ချက်များကိုလည်းကောင်းရှင်းလင်း တင်ပြကြ သည်။

ထို့နောက် စီမံခန့်ခွဲမှုကော်မတီဥက္ကဋ္ဌ ဒုတိယသမ္မတက တင်ပြချက်များအပေါ် ပေါင်းစပ်ညှိနှိုင်းပေးပြီး နိဂုံးချုပ်အမှာစကားပြောကြားသည်။

အစည်းအဝေးသို့ အမျိုးသား သဘာဝ ဘေးအန္တရာယ်ဆိုင်ရာ စီမံခန့်ခွဲမှု ကော်မတီ ဒုတိယဥက္ကဋ္ဌ၊ စီမံခန့်ခွဲမှု ကော်မတီဝင် ပြည်ထောင်စုဝန်ကြီးများ၊ တိုင်းဒေသ ကြီးနှင့် ပြည်နယ်များမှ ၀န်ကြီးချုပ်များ၊ ဒုတိယ၀န်ကြီးများနှင့် တာဝန်ရှိသူများ ရောက်ကြသည်။

(သတင်းစဉ်)