ရန်ကုန်-ဖေဖော်ဝါရီ
(၁၇)
သတင်း
- ကိုကိုဇော်
ဓာတ်ပုံ
- ဇော်မင်းလတ်
ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့က
ကြီးမှူးကျင်းပသည့် ရွှေတိဂုံ စေတီတော်မြတ်ကြီးအား ဗုဒ္ဓါဘိသေက အနေကဇာတင် အခမ်းအနားနှင့်
အကြိမ် (၁၀၀) မြောက် စေတိယင်္ဂဏ ပရိယတ္တိ ဓမ္မာနုဂ္ဂဟ
စာအောင် ဆုနှင်းသဘင် အခမ်းအနားများကို ယနေ့ နံနက်ပိုင်းမှ စတင်၍ ရွှေတိဂုံစေတီတော် ရင်ပြင်ရှိ
သတ်မှတ် နေရာများ၌ ကျင်းပသည်။
ရှေးဦးစွာ ရွှေတိဂုံစေတီတော် ဂေါပကအဖွဲ့ဝင်များနှင့်
ဘာသာရေး ၀တ်အသင်း အဖွဲ့များက ရင်ပြင်တော် တောင်ဘက်ရှိ ဧည့်ခံ တန်ဆောင်းတွင် ဆွမ်းတော်ကြီးနှင့်
ဆွမ်း၊ ပန်း၊ ရေချမ်း၊ သစ်သီး၊ ဆီမီးများ ဆက်ကပ် လှူဒါန်းကြသည်။
ထို့နောက် ရွှေတိဂုံစေတီတော် သြ၀ါဒါစရိယ
ဆရာတော်ကြီးများ အမှူးပြုသော ဆရာတော် သံဃာတော်များက ရင်ပြင်တော် ဧည့်ခံတန်ဆောင်းနှင့်
အထက်ပစ္စယာ ပတ်လည်တို့၌ နေရာယူ၍ ရွှေတိဂုံ စေတီတော်မြတ်ကြီးအား ဗုဒ္ဓါဘိသေက အနေကဇာတင်
ပူဇော်ကြသည်။
ယင်းနောက် အကြိမ် (၁၀၀) မြောက် စေတိယင်္ဂဏ
ပရိယတ္တိ ဓမ္မာနုဂ္ဂဟ စာလျှောက်မေးပွဲ စာအောင် ဆုနှင်းသဘင် အခမ်းအနားကို ကျင်းပရာ စာအောင်
သံဃာတော်များ၊ ဂေါပကအဖွဲ့ဝင်များ၊ ဘာသာရေး အသင်းအဖွဲ့များနှင့် စာအောင် သံဃာတော်များ၏
ဆွေတော် မျိုးတော်များက ရှေးဟောင်း ဗုဒ္ဓရုပ်ပွားတော်များ တန်ဆောင်းစုရပ်မှ စတင်ပြီး
ရွှေတိဂုံ စေတီတော်မြတ်ကြီးအား လက်ယာရစ် လှည့်လည် ပူဇော်ကြကာ အခမ်းအနား ကျင်းပမည့် ရာဟုထောင့်
အောင်မြေ အနီးရှိ ချမ်းသာကြီး တန်ဆောင်းသို့ ပင့်ဆောင်ကြသည်။
ထို့နောက် အကြိမ် (၁၀၀) မြောက် စေတိယင်္ဂဏ ပရိယတ္တိ ဓမ္မာနုဂ္ဂဟ စာအောင် ဆုနှင်းသဘင်
အခမ်းအနား ကျင်းပရေး ဗဟိုကော်မတီ ဥက္ကဋ္ဌ ဘဏ္ဍာတော် ထိန်း ဂေါပကအဖွဲ့ဝင် ဦးတင်ဦးက ပူဇော်ပွဲ
ကျင်းပရခြင်း အကြောင်း ဂုဏပူဇာ မင်္ဂလာ စာတမ်း ဖတ်ကြား လျှောက်ထားသည်။
ယင်းနောက် နိုင်ငံတော် သံဃမဟာနာယက အဖွဲ့ဝင်၊
နိုင်ငံတော် ၀ိနည်းဓိုရ်၊ နိုင်ငံတော် (သီးခြား) ၀ိနည်းဓိုရ်၊ ဗဟန်းမြို့နယ် ညောင်တုန်း
ပါဠိတက္ကသိုလ် ကျောင်းတိုက် ဆရာတော် အဂ္ဂမဟာ ဂန္ထ၀ါစက ပဏ္ဍိတ ဘဒ္ဒန္တပ၀ရာဘိဝံသ ထံမှ ဂေါပကအဖွဲ့ဝင်များ၊
ဘာသာရေး အသင်းအဖွဲ့များ၊ အလှူရှင်များနှင့် စာအောင် သံဃာတော်များ၏ ဆွေတော် မျိုးတော်များက
ငါးပါးသီလ ခံယူ ဆောက်တည်ကြသည်။
ထို့နောက် ဂေါပက အဖွဲ့ဝင်များက အကြိမ်
(၁၀၀) မြောက် စေတိယင်္ဂဏ ပရိယတ္တိ ဓမ္မာနုဂ္ဂဟ စာလျှောက် စာမေးပွဲတွင် သီးခြား စာချတန်းအောင်
သံဃာတော် သုံးပါး ဖြစ်သည့် စစ်ကိုင်း တိုင်းဒေသကြီး စစ်ကိုင်းမြို့ မြစကြာ ကျောင်းတိုက်မှ
အရှင်ဣန္ဒာဝုဓာ လင်္ကာရာဘိဝံသ၊ ရန်ကုန် တိုင်းဒေသကြီး ဗဟန်းမြို့နယ် မဟာဝိသုဒ္ဒါရုံ ရွှေကျင်တိုက်သစ်မှ
အရှင်ပညာဝံသာ လင်္ကာရာဘိဝံသ နှင့် မန္တလေး တိုင်းဒေသကြီး ပြည်ကြီးတံခွန်မြို့နယ် မြဘယက်
သာမဏေကျော် ကျောင်းတိုက်မှ အရှင်ပဏ္ဍိတာ လင်္ကာရာဘိဝံသ တို့အား စေတိယင်္ဂဏ ပရိယတ္တိ ဓမ္မာစရိယဂဏ၀ါစက ဘွဲ့လက်မှတ်ကို
လည်းကောင်း၊ သီးခြား စာသင်တန်းအောင် သံဃာတော် လေးပါးဖြစ်သည့် မန္တလေး တိုင်းဒေသကြီး
အမရပူရမြို့နယ် အရှေ့ဥယျာဉ်ကျောင်း မဟာဂန္ဓာရုံတိုက်မှ အရှင်ဓမ္မ ဉာဏာလင်္ကာရ၊ စစ်ကိုင်း
တိုင်းဒေသကြီး စစ်ကိုင်းမြို့ မြစကြာ ကျောင်းတိုက်မှ အရှင် သုစာရိန္ဒာလင်္ကာရ၊ အရှင်ရဋ္ဌပါလာလင်္ကာရ နှင့် အရှင်ဝိလာ သလင်္ကာရ တို့အား
စေတိယင်္ဂဏ အဘိဝံသ ဘွဲ့လက်မှတ်ကို လည်းကောင်း ဆက်ကပ်ကြသည်။
ဆက်လက်၍ ဂေါပက အဖွဲ့ဝင်များ၊ အလှူရှင်များက
ရွှေတိဂုံစေတီတော် သြ၀ါဒါ စရိယဆရာတော်ကြီးများ၊ ပင့်သံဃာတော်များနှင့် စာအောင် သံဃာတော်များကို
လှူဖွယ် ပစ္စည်းများ ဆက်ကပ် လှူဒါန်းကြသည်။
ယင်းနောက် ရန်ကုန်တိုင်းဒေသကြီး ဗဟန်းမြို့နယ်
ပါဠိတက္ကသိုလ် ညောင်တုန်း ကျောင်းတိုက် နာယက ပထမကျော်၊ အဂ္ဂမဟာကျော်၊ သ.စ.အ.ဓမ္မာစရိယ(၀ဋံသကာ)၊
ပါဠိပါရဂူ အဂ္ဂမဟာဂန္တ၀ါစကပဏ္ဍိတ၊ စေတိယင်္ဂဏ ပရိယတ္တိ ဓမ္မာနုဂ္ဂဟ စာမေးပွဲ သြ၀ါဒါစရိယ လှရတနာ
ဆရာတော် ဘဒ္ဒန္တနာရဒါဘိဝံသ ထံမှ အနုမောဒနာတရား နာကြားပြီး ရေစက်ချ အမျှပေးဝေကြသည်။
စေတိယင်္ဂဏ စာလျှောက်မေးပွဲ စတင်သည်မှ ယနေ့အကြိမ်
(၁၀၀) ထိ ပေါ်ထွန်း လာသော သာသနာ့ အာဇာနည်များမှာ သီးခြား စာချတန်းအောင် အပါး ၃၆၀ နှင့်
သီးခြား စာသင်တန်းအောင် ၈၉၄ ပါး ရှိပြီ ဖြစ်ကြောင်း သိရှိရသည်။
No comments:
Post a Comment