ရန်ကုန်
ဖေဖော်ဝါရီ (၁၇)
သူနာပြုတက္ကသိုလ်၊ ရန်ကုန်၏ (၂၄)ကြိမ်မြောက်
ဘွဲ့နှင်းသဘင် ဂုဏ်ပြုညစာစားပွဲကို ဖေဖော်ဝါရီလ (၁၆)ရက်နေ့၊ ညနေ (၆:၃၀)နာရီတွင် ရန်ကုန်မြို့၊
သူနာပြုတက္ကသိုလ်ခန်းမ၌ ကျင်းပရာ ကျန်းမာရေးနှင့် အားကစား ဝန်ကြီးဌာန၊ ပြည်ထောင်စုဝန်ကြီး
ဒေါက်တာမြင့်ထွေး တက်ရောက်ချီးမြှင့် အမှာစကား ပြောကြားပါသည်။
ပြည်ထောင်စုဝန်ကြီးမှ ပြောကြားရာတွင် ယနေ့ ဘွဲ့ရမောင်မယ် အားလုံးအတွက် မိဘများနှင့် ဆရာသမားများ
နည်းတူ ကျန်းမာရေးနှင့် အားကစားဝန်ကြီးဌာန အနေဖြင့်လည်း ဂုဏ်ယူ ချီးကျူးပါကြောင်း၊
ဘွဲ့ရမောင်မယ်များ အနေဖြင့် မိမိတို့အား သင်ကြားပေးခဲ့သော ဆရာသမားများ၊ အဆင်ပြေ ချောမွေ့စွာ
သင်ကြားပေးနိုင်ရေး အတွက် ဆောင်ရွက် ပေးခဲ့ကြသော
တက္ကသိုလ်မှ ဝန်ထမ်းများ၊ ကောင်းမွန်သော သင်ကြားမှု သင်ယူမှု အခြေအနေ ဖြစ်စေရန် ဖန်တီးပေးခဲ့ကြသည့်
ကျန်းမာရေးနှင့် အားကစား ဝန်ကြီးဌာနနှင့် နိုင်ငံတော် အစိုးရ အပါအဝင် ကျေးဇူးတင်ထိုက်သူ
အားလုံးကို ကျေးဇူးတင်ရန် လိုအပ်ပါကြောင်း၊
ဘွဲ့ရမောင်မယ်များ အားလုံးကို အနည်းဆုံး
(၃) နှစ်၊ နိုင်ငံတာဝန် ထမ်းဆောင် စေလိုပါကြောင်း၊ နိုင်ငံ တာဝန် ထမ်းဆောင်ခြင်းအားဖြင့်
ဘွဲ့ရမောင်မယ်များ၏ လက်တွေ့ လုပ်ငန်းခွင် ကျွမ်းကျင်မှုများ ပိုမို ရရှိလာမည့် အပြင်
နိုင်ငံတော်နှင့် ပြည်သူအတွက် အကျိုးရှိမည် ဖြစ်ပါကြောင်း၊ ဆေးရုံတက်ကုသမှု လူနာများ၏
ရောဂါဝေဒနာ လျင်မြန်စွာ သက်သာစေမှု၊ စိတ်ချမ်းသာစေမှု ရရှိစေရန်အတွက် သူနာပြုများ၏ အခန်းကဏ္ဍသည်
လွန်စွာ အရေးပါသည် ဖြစ်၍ ဝန်ကြီးဌာန အနေဖြင့်လည်း သူနာပြုများ၏ အရည်အသွေးနှင့် ဘဝတက်လမ်း
ယခုထက် ပိုမိုမြင့်မားရေး အတွက် အထူးဦးစားပေး လုပ်ငန်း တစ်ရပ်အနေဖြင့် ကြိုးပမ်း ဆောင်ရွက်လျက်
ရှိပါကြောင်း ပြောကြားခဲ့ပါသည်။
အခမ်းအနားသို့ ကျန်းမာရေးနှင့် အားကစား
ဝန်ကြီးဌာန အောက်ရှိ ဦးစီးဌာနများမှ ညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယ
ညွှန်ကြားရေးမှူးချူပ်များ၊ ပါမောက္ခများ၊ ကထိကများ၊ ဘွဲ့ရမောင်မယ်များ တက်ရောက်ကြပါသည်။
ယင်းနေ့ ကျင်းပခဲ့သော ဘွဲ့နှင်းသဘင် အခမ်းအနားတွင် သူနာပြုသိပ္ပံဘွဲ့ (၁၁၈)ဦး၊ ပေါင်းကူး
သူနာပြုသိပ္ပံဘွဲ့ (၂၆၆)ဦး၊ သူနာပြုသိပ္ပံ မဟာဘွဲ့ (၃၆)ဦး၊ အထူးပြုသူနာပြု ဒီပလိုမာ
(၈၈)ဦးနှင့် အရေးပေါ် သူနာပြုစုခြင်း ဘွဲ့လွန်ဒီပလိုမာ (၁၃)ဦး၊ စုစုပေါင်း သူနာပြု (၅၂၁)ဦးကို ဘွဲ့များ ပေးအပ်ခဲ့ကြောင်း
သတင်းရရှိပါသည်။
No comments:
Post a Comment