အသိပညာရှင် အတတ် ပညာရှင်များအား ဂုဏ်ပြုပွဲ အခမ်းအနား ကျင်းပ

ရန်ကုန် ဖေဖော်ဝါရီ ၂၄

''လောက ဥယျာဉ်မှူး" ဇာတ်ကား ဖန်တီး ပုံဖော်ခဲ့ကြသည့် အသိပညာရှင် အတတ် ပညာရှင်များအား ဂုဏ်ပြုပွဲ အခမ်းအနားကို ယနေ့မွန်းလွဲ ၁ နာရီတွင် ရန်ကုန်မြို့ ပြည်လမ်းရှိ ရန်ကုန် ပညာရေး တက္ကသိုလ် Learning Hub ခန်းမ၌ ကျင်းပသည်။

အခမ်းအနားတွင် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးက ၂၀၁၄ ခုနှစ် မတ်လတွင် Education Channel စတင်ဖွဲ့စည်းရန် ပညာရေး ၀န်ကြီးဌာန ပြည်ထောင်စုဝန်ကြီး၊ ပြန်ကြားရေး ၀န်ကြီးဌာန ဒုတိယ၀န်ကြီးတို့ ဦးဆောင်ကာ နိုင်ငံပိုင်နှင့် ပုဂ္ဂလိက မီဒီယာ အဖွဲ့များ တွေ့ဆုံ ဆွေးနွေးမှုများ ပြုလုပ်ခဲ့ကြပြီး ၂၀၁၄ ခုနှစ် ဧပြီလမှ ဇူလိုင်လအတွင်း Forever Media Group နှင့် အသေးစိတ် ညှိနှိုင်းခြင်း၊ ရုပ်သံ ထုတ်လွှင့်ခြင်းဆိုင်ရာ သင်တန်းများကို ပံ့ပိုးပေးခြင်း စသည့်တို့ကို ကြည့်ခြင်းအားဖြင့် မိမိတို့ ၀န်ကြီးဌာနနှင့် Forever Group တို့၏ ရင်းနှီးမှု၊ ပူးပေါင်း ဆောင်ရွက်မှု၊ အပြန်အလှန် ကူညီမှုများသည် ကျေနပ်ဖွယ် ရှိသည်ကို တွေ့ရှိရပါကြောင်း၊ ပြည်သူ့အစိုးရ တက်လာပြီးနောက် ၂၀၁၆ ခုနှစ် စက်တင်ဘာ (၁)ရက် နေ့မှစတင်ပြီး မြန်မာနိုင်ငံ ပညာရေး သုတေသန ဦးစီးဌာနကို ကျောင်းပြင်ပနှင့် တစ်သက်တာ ပညာရေး ဦးစီးဌာန အမည်ပြောင်းလဲပြီး ဦးစီးဌာန အနေဖြင့် အခြေခံ စာတတ်မြောက်ရေး အစီအစဉ်၊ ကျောင်းပြင်ပ မူလတန်း ပညာရေးနှင့် ကျောင်းပြင်ပ အလယ်တန်းပညာရေး အစီအစဉ်များအပြင် ပညာရေးဆိုင်ရာ သတင်း အချက်အလက်များနှင့် စပ်လျဉ်းပြီး ပြည်သူလူထု၊ မိဘ၊ ဆရာများနှင့် ကျောင်းသား ကျောင်းသူများ သိရှိစေရန် အတွက် ရေဒီယို၊ ရုပ်မြင်သံကြားတို့မှ တစ်ဆင့် ပညာပေး ဇာတ်လမ်းတိုများ၊ Talk Show များ၊ သင်ခန်းစာ ပို့ချနေသည့် အစီအစဉ်ပုံစံများ ထုတ်လွှင့်ပေးခြင်း အပြင် နေ့စဉ်ထုတ် သတင်းစာများနှင့် ပညာရေး သတင်းလွှာများတွင် ပညာရေးဆိုင်ရာ လှုပ်ရှားမှု၊ သတင်းနှင့် ဆောင်းပါးများ၊ ပညာရေးဆိုင်ရာ ကြေညာချက်များကို အခါအားလျော်စွာ ရေးသား ထုတ်ပြန်ခြင်းများ ဆောင်ရွက်လျက် ရှိသည်ကို တွေ့ရှိရပါကြောင်း၊ ထို့ပြင် ပညာရေး၊ ပညာပေး ဗီဒီယိုဇာတ်ကားများ၊ ဇာတ်လမ်းတိုများ၊ မြန်မာစာ မြန်မာစကား အစီအစဉ်များ၊ ပညာရေး ၀န်ကြီးဌာနက တာဝန် ပေးအပ်သည့် ပညာရေး အစီအစဉ်များကို ရိုက်ကူးထုတ်လုပ် တည်းဖြတ်ကာ မြန်မာ့အသံနှင့် ရုပ်မြင်သံကြားမှ တစ်ဆင့် ထုတ်လွှင့်ပြသခြင်း၊ ပညာရေးဝန်ကြီးဌာန Website မှ လွှင့်တင်ခြင်း၊ ကျောင်းပြင်ပနှင့် တစ်သက်တာ ပညာရေးဦးစီးဌာန Website နှင့် Educational Information Department Facebook မှ ဖော်ပြလျက် ရှိသည်ကို တွေ့ရှိရပါကြောင်းဖြင့် ပြောကြားသည်။

ဆက်လက်၍ ပြည်ထောင်စုဝန်ကြီးက အရည်အသွေး မြင့်သော ပညာရေးစနစ်ကို ဖော်ဆောင်ရာတွင် စွမ်းဆောင်ရည် မြင့်မားသည့် ဆရာ၊ ဆရာမများ အထူးလိုအပ်သည့် အတွက် ဆရာ ဆရာမများအတွက် ဝေးလံ ဒေသရှိ ကျောင်းများမှ ဆရာနှင့် ကျောင်းသားများကို အထောက်အကူ ပြုနိုင်မည့် ဇာတ်လမ်းများ ရိုက်ကူး ထုတ်လွှင့်ရမည် ဖြစ်ပါကြောင်း၊ School Calendar အရ ဆောင်ရွက်လျက် ရှိသည့် လှုပ်ရှားမှုများကို ရိုက်ကူး ထုတ်လွှင့် သွားမည်ဖြစ်ပြီး ကျောင်းပြင်ပနှင့် တစ်သက်တာ ပညာရေးဦးစီးဌာန က ဆောင်ရွက်လျက် ရှိသည့် အခြေခံ စာတတ်မြောက်ရေး အစီအစဉ်၊ လုပ်ငန်းအကျိုးပြု စာတတ်မြောက်ရေး အစီအစဉ်၊ ကျောင်းပြင်ပ မူလတန်း ပညာရေးနှင့် ကျောင်းပြင်ပ အလယ်တန်းပညာရေး အစီအစဉ်များနှင့် ပတ်သက်ပြီး အများပြည်သူ သိရှိအောင် ရိုက်ကူး ထုတ်လွှင့်ပေးမည် ဆိုပါက မြို့ကြီးပြကြီးများနှင့် ကျေးလက် တောရွာများပါ မကျန် အကျိုးကျေးဇူး များစွာရရှိနိုင်မည် ဖြစ်ပါကြောင်း၊ ကျောင်းပြင်ပနှင့် တစ်သက်တာ ပညာရေးဦးစီးဌာန အနေဖြင့်လည်း ပူးပေါင်း ရိုက်ကူးခဲ့သည့် ဇာတ်လမ်းတိုများ၊ ပညာရေး အစီအစဉ်များမှ အတွေ့အကြုံ ကောင်းများကိုရယူပြီး ပညာရေးဝန်ကြီးဌာန၏ နယ်ပယ် အသီးသီးတွင် ရှိနေကြသည့် ပညာရေး ကဏ္ဍစုံမှ ဆရာ ဆရာမများ၏ သဘောသဘာဝများ၊ အနစ်နာခံမှုများကို ဖော်ထုတ် ပြသပေးနိုင်ရေးကိုလည်း တိုက်တွန်း လိုပါကြောင်း၊ Forever Group အနေဖြင့် ပညာရေး ၀န်ကြီးဌာန၏ Education Channel ကိုလည်း ဆက်လက် ပူးပေါင်းပေးပြီး ပညာရေးဆိုင်ရာ အသိပညာပေး ဇာတ်လမ်းများ၊ အစီအစဉ် များရိုက်ကူးခြင်း၊ လူ့စွမ်းအား အရင်းအမြစ် လိုအပ်ချက်များ အပေါ် ပံ့ပိုးပေးခြင်းတို့ကို ပူးပေါင်း ဆောင်ရွက် ပေးကြစေလိုကြောင်း၊ နိဂုံးချုပ်အနေဖြင့် ဆရာ ဆရာမများ အနေဖြင့် အနာဂတ် ကလေးငယ်များကို အလှပဆုံး၊ အလန်းဆန်းဆုံး ဖြစ်အောင် ဖန်တီး ပုံဖော်ကြသည့် လောက ဥယျာဉ်မှူးများ ဖြစ်အောင် နှလုံးသားမူဟန်ဖြင့် ပြုစု ပျိုးထောင်ကြစေ လိုကြောင်း ပြောကြားသည်။

ထို့နောက် ပညာရေး နည်းပညာနှင့် သတင်းဖြန့်ချိရေးဌာန ညွှန်ကြားရေးမှူး ဒေါ်ကြည်ကြည်ခက "လောက ဥယျာဉ်မှူး" ဇာတ်ကား ဖြစ်ပေါ်လာပုံနှင့် စပ်လျဉ်း၍ ရှင်းလင်း တင်ပြသည်။

ယင်းနောက် ပြည်ထောင်စုဝန်ကြီးနှင့် တာဝန်ရှိသူများက Forever Group မှ တာဝန်ရှိသူများအား ဂုဏ်ပြု လက်ဆောင်များ ပေးအပ်သည်။

ထို့နောက် လောကဥယျာဉ်မှူး ဇာတ်ကားတွင် ပါဝင် သရုပ်ဆောင်ထားသူများ၏ သက်ဝင် လှုပ်ရှားမှုများကို အကျဉ်းချုပ် ထုတ်နှုတ် တင်ပြပြီး လောကဥယျာဉ်မှူး ဇာတ်ကားတွင် ပါဝင် သရုပ်ဆောင်ထားသည့် သရုပ်ဆောင် ၁၀ ဦးအား ဂုဏ်ပြု လက်ဆောင် ပစ္စည်းများ ပေးအပ်ခဲ့ကြောင်း သိရသည်။

(သတင်းစဉ်)