တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ငြိမ်းချမ်းရေး ဖြစ်စဉ်တွင်ပါဝင်ဆောင်ရွက်မည့် လားဟူဒီမိုကရက်တစ်အစည်းအရုံးဥက္ကဋ္ဌ ကြာခွန်ဆာဦးဆောင်သည့်အဖွဲ့အားလက်ခံတွေ့ဆုံ

နေပြည်တော် ဇန်နဝါရီ ၂၃

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ငြိမ်းချမ်းရေးဖြစ်စဉ်တွင် ပါဝင်ဆောင်ရွက်မည့် လားဟူဒီမိုကရက်တစ်အစည်းအရုံး (Lahu Democratic Union-LDU) ဥက္ကဋ္ဌ ကြာခွန်ဆာဦးဆောင်သည့်အဖွဲ့အား ယနေ့ညနေပိုင်းတွင် နေပြည်တော်ရှိ ဘုရင့်နောင်ရိပ်သာဧည့်ခန်းမဆောင်၌ လက်ခံတွေ့ဆုံသည်။

အဆိုပါတွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ကာကွယ်ရေး ဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး သန်းထွန်းဦး၊ ဒုတိယဗိုလ်ချုပ်ကြီး အောင်ကျော်ဇော၊ ဒုတိယဗိုလ်ချုပ်ကြီးစိုးထွဋ်နှင့် တပ်မတော်အရာရှိကြီးများ တက်ရောက်ကြပြီး လားဟူဒီမိုကရက်တစ်အစည်းအရုံး ဥက္ကဋ္ဌနှင့်အတူ ဒုတိယဥက္ကဋ္ဌ စောလှမွန်နှင့်အဖွဲ့ဝင်များ တက်ရောက်ကြသည်။

ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က လားဟူဒီမိုကရက်တစ်  အစည်းအရုံးအနေဖြင့် မြန်မာနိုင်ငံ၏ ငြိမ်းချမ်းရေးဖြစ်စဉ်တွင် ပါဝင်ဆောင်ရွက်မှုအတွက် နွေးထွေးစွာကြိုဆိုပါကြောင်း ပြောကြားပြီး၊ ပြည်သူများမှ ရွေးချယ်သည့် ဒီမိုကရေစီလမ်းကြောင်းပေါ်တွင် လျှောက်လှမ်းနေမှုနှင့် တပ်မတော်မှ ပြည်တွင်းငြိမ်းချမ်းရေး ရရှိအောင် ဆောင်ရွက်နေမှုအခြေအနေများ၊ လားဟူတိုင်းရင်းသားများအတွက် ဒေသဖွံ့ဖြိုးတိုးတက်ရေး၊ ပညာရေး၊ ကျန်းမာရေး၊ မူးယစ်ဆေးဝါး ကင်းစင်ရေးဆိုင်ရာ ကိစ္စရပ်များ၊ တပ်မတော်မှကူညီဆောင်ရွက်ပေးနိုင်မည့် အခြေအနေများအား ရှင်းလင်း ပြောကြားသည်။

ထို့နောက် လားဟူဒီမိုကရက်တစ်အစည်းအရုံးဥက္ကဋ္ဌက တပ်မတော်ကာကွယ်ရေး ဦးစီးချုပ်နှင့် တွေ့ဆုံဆွေးနွေးခွင့် ရရှိသည့်အတွက် ကျေးဇူးအထူးတင်ရှိပါကြောင်း၊ တပ်မတော်ကာကွယ်ရေးဦးစီးချုပ် တြိဂံဒေသတိုင်းမှူး တာဝန် ထမ်းဆောင်စဉ်က လားဟူတိုင်းရင်းသားများအပေါ် ဖေးမကူညီစောင့်ရှောက်ခဲ့မှုများကို မမေ့ပါကြောင်း၊ မိမိတို့အနေဖြင့် တပ်မတော်အပေါ် ယုံကြည်အားကိုးပါကြောင်း ပြန်လည်ပြောကြားသည်။

တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်က လားဟူဒီမိုကရက်တစ် အစည်းအရုံးဥက္ကဋ္ဌနှင့်အဖွဲ့ဝင်များအား စားသောက်ဖွယ်ရာများ လက်ဆောင်ပေးအပ်ပြီး အမှတ်တရ စုပေါင်းဓာတ်ပုံရိုက်ခဲ့ကြသည်။

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) တွင် NMSP၊ KNPP၊ ANCE နှင့် LDU အဖွဲ့၎ ဖွဲ့သာကျန်ရှိရာမှ ယခုအခါတွင် NMSP (မွန်)အဖွဲ့နှင့် လားဟူဒီမိုကရက်တစ်အစည်းအရုံး (LDU) တို့သည် NCA လမ်းကြောင်းကိုလျှောက်လှမ်းပြီး ငြိမ်းချမ်းရေးဆောင်ရွက်သွားမည်ဖြစ်၍ UNFC တွင် KNPP နှင့် ANC နှစ်ဖွဲ့သာ ကျန်ရှိမည်ဖြစ်သည်။ တပ်မတော်အနေဖြင့် NCA လမ်းကြောင်းပေါ်တွင် ခိုင်ခိုင်မာမာရပ်တည်၍ ထာဝရငြိမ်းချမ်းရေးရရှိရန် အတွက် ဆက်လက်ဆောင်ရွက်သွားမည်ဖြစ်ကြောင်း သတင်းရရှိသည်။