ကလေးစာပေပွဲတော်၊ကလေးစာပေပြပွဲနှင့်စာအုပ်ဈေးရောင်းပွဲ (ရန်ကုန်)ဒုတိယနေ့ ပိုမိုစည်ကားသက်ဝင်

ရန်ကုန် ဇန်နဝါရီ ၇

သတင်းနှင့် ဓာတ်ပုံ - ဥမ္မာ၊ စန္ဒီ

ကလေးစာပေပွဲတော်၊ ကလေးစာပေပြပွဲနှင့် စာအုပ်ဈေးရောင်းပွဲ (ရန်ကုန်) ကို ကျင်းပလျက်ရှိ်ရာ ဒုတိယနေ့ဖြစ်သည့် အများပြည်သူရုံးပိတ်ရက် တနင်္ဂနွေနေ့တွင် ပွဲတော်ကျင်းပသည့် ဗိုလ်တထောင်မြို့နယ် အမှတ်(၆) အခြေခံပညာ အထက်တန်းကျောင်း (စိန့်ပေါလ်) ၌ ပထမနေ့က ထက်ပင်ကျောင်းသား၊ ကျောင်းသူများ၊ မိဘပြည်သူများနှင့် လာရောက် ကြည့်ရှုလေ့လာသူများဖြင့် ကြိတ်ကြိတ်တိုးစည်ကား သက်ဝင်လျက်ရှိသည်ကို တွေ့မြင်နေရသည်။

အထက(၃)ဗိုလ်တထောင်မှ တာဝန်ကျဆရာမဒေါ်ခိုင်မာဦးက “ဒီနေ့ကပိုပြီး စည်ကားတာတွေ့ရတယ်။ တာဝန်ကျချိန် မနက်၇နာရီခွဲကတည်းက အခြားမြို့နယ်က အခြေခံပညာကျောင်းတွေနဲ့ ကိုယ်ပိုင်အထက်တန်းကျောင်း တွေက ဆရာ ဆရာမတွေနဲ့ ကျောင်းသား ကျောင်းသူတွေ မိဘအုပ်ထိန်းသူတွေလာကြတာ ကြိတ်ကြိ်တ် တိုးပါပဲ။ ကလေးစာပေပွဲတော် သာမက အားကစားပြိုင်ပွဲတွေလည်း ရှိနေတာကြောင့် ကလေးတွေ ပိုပြီးစိတ်ဝင် စားကြတယ်” ဟုပြောသည်။

စက္ကူခေါက်ပြိုင်ပွဲကြီးကြပ်သူ ပဲခူးတိုင်းဒေသကြီး ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ လက်ထောက် ညွှန်ကြားရေးမှူး ဒေါ်ကြင်သန်းက “လာပြိုင်တဲ့အခါ ကလေးတွေစိတ်ကြိုက် အရုပ်ခေါက်ရ ပါတယ်။ စက္ကူခေါက်တဲ့အခါမှာ သတ်မှတ်တဲ့စာရွက်ရှိပါတယ်။ စက္ကူခေါက်နည်းက ဂျပန်ရဲ့နည်းပညာပါ။ သူတို့ သတ်မှတ်တဲ့စက္ကူပေးတယ်။ ကော်မသုံးဘဲ ကပ်ကျေးမသုံးဘဲ အရုပ်တွေဖြစ်အောင် လုပ်တာပါ။ ပြိုင်ပွဲက စိတ်ဝင်စားတဲ့ ကလေးတိုင်းဝင်ရောက် ယှဉ်ပြိုင်လို့ရပါတယ်။ ဆုတွေလည်း ချီးမြှင့်ပေးနေပါတယ်” ဟု ပြောသည်။

ထို့ပြင်ပုံပြင်ပြောပြိုင်ပွဲများ၊ ကျပန်းစကားပြောပြိုင်ပွဲများ၊ ကဗျာရွတ်ဆိုပြိုင်ပွဲ၊ ဆေးရောင်ခြယ်ပြိုင်ပွဲများကို အောင်ကျော် ခန်းမ၌ ကျင်းပပြီး ကျောင်းအောက်ထပ်အခန်း၌ စက္ကူခေါက်ပြိုင်ပွဲများနှင့် ပန်းချီဆရာများက ကလေးများကို ရေဆေးဖြင့် လက်တွေ့ပန်းချီရေးဆွဲခြင်းများဖြင့် စည်ကားလျက်ရှိသည်။

ကလေးများအတွက် ဂိမ်းကစားပွဲများကို အောင်ကျော်ခန်းမရှေ့၌ ကျင်းပလျက်ရှိရာ Team Building ဂိမ်းများ၊ ခွက်ခင်းလမ်းလျှောက်၊ သုံးယောက်တွဲလမ်းလျှောက်၊ ပူပေါင်းညှပ်လမ်းလျှောက်၊ ခါးလှည့်ကွင်းလှည့်၊ ဂေါက်သီးဂိုးသွင်း ကစားပွဲများအပြင် ပင်မဆောင်အပေါ်ထပ်၌ စကားပုံဆက်ကစားပွဲ၊ အရုပ်ဆက်ကစားပွဲများ၊ အားကစား ကွင်းအတွင်း၌ ဘောလုံးနှင့်ထုပ်ဆီးတိုး အားကစားပြိုင်ပွဲများကို ကျင်းပလျက်ရှိသည်။

(ILBC) မှ သိပ္ပံဌာနမှူး ဒေါက်တာခင်သန်းနွယ်က “ကျွန်မတို့သိပ္ပံပြခန်းအနေနဲ့ ဓာတုဗေဒ၊ ရူပဗေဒ၊ ဇီဝဗေဒ၊ သင်္ချာနဲ့ ပတ်သက်တဲ့ ပြခန်းတွေကို ပြသထားပါတယ်။ လာရောက်တဲ့ ကျောင်းသူကျောင်းသားတွေ စိတ်ဝင်စား မှုများပါတယ်။ သူတို့ကိုယ်တိုင် လက်တွေ့လုပ်ဆောင် ချင်စိတ်ပြင်းပြတာ တွေ့ရပါတယ်။ ကလေးစာပေပွဲ တော်မှာ ILBC ကျောင်းအနေနဲ့ တစ်တပ်တစ်အား ပူးပေါင်းပါဝင်ဆင်နွှဲခွင့်ရတဲ့အတွက် ၀မ်းသာဂုဏ်ယူမိပါ တယ်။ နောင်ဒီလိုမျိုးပွဲတွေ လုပ်ရင်လည်း ကူညီဖို့အဆင်သင့်ပါ” ဟု ဆိုသည်။

သုဝဏ္ဏမြို့နယ်မှ ကိုဖြိုးကလည်း “ကျွန်တော့်သားလေးကို မြို့တော်စည်ပင်က စည်းကမ်းတကျ အမှိုက်သိမ်းပုံ၊ ကျောက်ဆည်ဆင်အက၊ ကျောင်းတွေက သိပ္ပံပြခန်း တွေလိုက်ပြတာပါ။ ဒီလိုပွဲတော်တွေ ကျင်းပပေးခြင်းဖြင့် နောင်အနာဂတ် တိုင်းပြည်အတွက် အကျိုးရှိပြီး ဖွံ့ဖြိုးတိုးတက်မှုအတွက်လည်း အရေးပါမယ်လို့ထင်ပါတယ်” ဟု ပြောသည်။

ဖျော်ဖြေရေးအစီအစဉ်တွင် တစ်တပ်တစ်အားပါဝင်သည့် အမေ့အိမ်ကိုယ်ပိုင် အထက်တန်းကျောင်းနှင့် အဆင့်မြင့် ဘော်ဒါမှ ကျောင်းအုပ်ဆရာမကြီးဒေါ်မိုးမုိးက “ဖျော်ဖြေရေး ကဏ္ဍမှာအခမ်းအနား အစီအစဉ် တင်ဆက်သူအနေနဲ့ ပါဝင်ပြီး ကျောင်းသား မိဘတွေကျောင်းသား ကျောင်းသူတွေကုိ စာဖတ်ခြင်းရဲ့ အကျိုးကျေးဇူးနဲ့ မြန်မာ့ရိုးရာ ကိုယ်လက်လှုပ်ရှား ကစားနည်းတွေရဲ့ အကျိုးကျေးဇူးတွေကို ဝေမျှပေးပါတယ်။ နောင်ကိုလည်း ကလေးစာပေပွဲတော်တွေမှာ စွမ်းစွမ်းတမံ ကူညီပေးဖို့ ဆုံးဖြတ်ထားပါတယ်” ဟု ပြောသည်။

စာပေဟောပြောပွဲနှင့် ဆွေးနွေးပွဲများကိုလည်း သိပ္ပံလက်တွေ့ စမ်းသပ်ခန်း၌ ကျင်းပရာ ကာတွန်းဇာတ်ကောင် ဖန်တီးခြင်း၊ ကလေးများဖတ်ဖို့၊ ကျောင်းစာကြည့်တိုက်များ ဖွံ့ဖြိုးတိုးတက်ရေးစသည့် ခေါင်းစဉ်များဖြင့် စာပေ ပညာရှင် ဆရာ ဆရာမများက ဟောပြောဆွေးနွေးကြသည်။

ဖျော်ဖြေရေး အစီအစဉ်များကို နံနက် ၉ နာရီခွဲမှ ည ၈ နာရီအထိ အောင်ဆန်းခန်းမ၊ ပင်မဆောင်ရှေ့၊ ဘောလုံးကစား ကွင်းတို့၌ ကျင်းပလျက်ရှိသည်။