ဒိုင်းနက် (ခေါ်) သက္ကမလူမျိုးတို့၏ အမျိုးသား​နေ့စည်​ကားသိုက်​မြိုက်​စွာကျင်းပ

မောင်​​တော ဇန်​နဝါရီ ၇

ရခိုင်ပြည်နယ်အတွင်းရှိ ဒိုင်းနက်(ခေါ်)သက္ကမလူမျိုးများ၏ (၇) ကြိမ်မြောက် အမျိုးသားနေ့ကို ယ​နေ့နံနက်​ပိုင်းတွင် ဘူးသီးတောင်မြို့နယ်မြောက်ပိုင်း မီးကျောင်းခေါင်းဆွဲကျေးရွာ၌ စည်ကားသိုက်မြိုက်စွာ ကျင်းပရာ ဒိုင်းနက်​ရိုးရာဓ​လေ့၊ ရိုးရာ အဆို၊ အက၊ အတီးအမှုတ်​တို့ဖြင့်​​ ဖျော်​​ဖြေတင်​ဆက်​ခဲ့ကြသည်​။

ဒိုင်းနက်(ခေါ်)သက္ကမ အမျိုးသားနေ့ကို ၎င်းတို့လူမျိုးများ၏ မူရင်းအမည်ဖြစ်သည့် “သက္ကမ” အမည်ပြန်လည် အသက်ဝင်လာ​စေရန်၊ မိခင်ဘာသာစကားနှင့် စာပေများ ဖွံ့ဖြိုးတိုးတက်လာ​စေရန်၊ ပျောက်ကွယ်လုနီးပါးဖြစ်နေသည့် ယဉ်ကျေးမှု၊ ရိုးရာအဝတ် အစားများ ပြန်လည်ရှင်သန်လာစေရန်နှင့် နိုင်ငံတကာတွင်ရောက်ရှိနေသည့် “သက္ကမ” လူမျိုးများနှင့် အပြန်အလှန် ဆက်သွယ်လာနိုင်​စေရန်စသည့် ရည်ရွယ်ချက်များဖြင့် ကျင်းပရခြင်းဖြစ်ကြောင်း ကျင်းပ​ရေး​ကော်​မတီမှ တာဝန်​ရှိသူတစ်​ဦးက​ပြောသည်​။

ဒိုင်းနက်​လူမျိုးများသည်​ မြို၊ ခမီ၊ သက်​၊ မရမ္မာကြီးအစရှိ​သော ရခိုင်​တိုင်းရင်းသားမျိုးနွယ်​စုများကဲ့သို့ ဘူးသီး​တောင်​၊​ မောင်​​တော အပါအဝင်​ ရခိုင်​ပြည်​နယ်​အတွင်းရှိ​မြို့နယ်​များ၌ ပျံ့နှံ့နေထိုင်​လျက်​ရှိ​ကြောင်း၊ ဒိုင်းနက်​လူမျိးများ၏ ရိုးရာယဉ်​​ကျေးမှု ဓ​လေ့ထုံးတမ်းများ ​ပျောက်​ပျက်​မသွား​စေရန်​ ​ဒေသ​နေဒိုင်းနက်​လူမျိးများက ဆက်​လက်​ထိန်းသိမ်း ထားကြ​ကြောင်း သိရသည်​။

ဒိုင်းနက် (ခေါ်) သက္ကမလူမျိုးများ၏ အမျိုးသားနေ့ကို ၂၀၁၂ ခုနှစ်က စတင်ကျင်းပလာခဲ့ပြီး ပထမဆုံးအကြိမ်ကို မင်းပြားမြို့နယ် လက်ပန်ကုန်းကျေးရွာတွင် ကျင်းပခဲ့ကြောင်း၊ နှစ်​စဉ်​ ရခိုင်​ပြည်​နယ်​အတွင်းရှိ ဒိုင်းနက်​လူမျိုးများ​နေထိုင်​ရာ မြို့နယ်​များကို​ ရွေးချယ်​ကာ ​ကျေးရွာများ၌ကျင်းပ​လေ့ရှိ​ကြောင်း၊ ယခုနှစ်​ဒိုင်းနက်​​ခေါ် သက္ကမ လူမျိုးများ၏ ၇ ကြိမ်​​မြောက်​ အမျိုးသား​နေ့ကို ဘူးသီး​တောင်​မြို့နယ်​ မီးကျောင်း ခေါင်းဆွဲ ကျေးရွာကို​ ရွေးချယ်​ကျင်းပခြင်းဖြစ်​​ကြောင်း သိရသည်​။

မြင့်​​မောင်​၊​ ဇေယျာ

ဓာတ်​ပုံ ​နေဝင်းထွန်း