နေပြည်တော်
နိုဝင်ဘာ ၂၀
ပြည်ထောင်စုသမ္မတ
မြန်မာနိုင်ငံတော်၊ နိုင်ငံတော်သမ္မတ ဦးထင်ကျော်သည် လာအိုပြည်သူ့တပ်မတော်၊ လာအိုအမျိုးသား
ကာကွယ်ရေးဝန်ကြီး Lt.General Chansamone Chanyalath ဦးဆောင်သည့် ကိုယ်စားလှယ် အဖွဲ့အား
ယနေ့မွန်းလွဲ ၂ နာရီတွင် နေပြည်တော်ရှိ နိုင်ငံတော်သမ္မတအိမ်တော် သံတမန်ဆောင်ဧည့်ခန်းမ၌
လက်ခံတွေ့ဆုံသည်။
တွေ့ဆုံစဉ်
မြန်မာ - လာအို ချစ်ကြည်ရေး၊ ဆက်ဆံရေးနှင့် ပူးပေါင်းဆောင်ရွက်မှု မြှင့်တင်ရေးဆိုင်ရာ
ကိစ္စရပ်များ၊ မြန်မာ - လာအို နယ်စပ်ဒေသ တည်ငြိမ် အေးချမ်းရေးနှင့် တရားဥပဒေ စိုးမိုးရေးဆိုင်ရာ
ကိစ္စရပ်များနှင့် မြန်မာ - လာအို တပ်မတော် နှစ်ရပ်အကြား ပူးပေါင်းဆောင်ရွက်မှု မြှင့်တင်ရေးဆိုင်ရာ
ကိစ္စရပ် များကို ဆွေးနွေးခဲ့ကြသည်။
တွေ့ဆုံပွဲသို့
နိုင်ငံတော်သမ္မတနှင့် အတူ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊
ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်း၊ ဒုတိယ ၀န်ကြီး ဦးမင်းသူနှင့် တာဝန်ရှိသူများ
တက်ရောက်ကြပြီး လာအိုအမျိုးသား ကာကွယ်ရေးဝန်ကြီးဦးဆောင်သည့် ကိုယ်စားလှယ် အဖွဲ့နှင့်အတူ
မြန်မာနိုင်ငံဆိုင်ရာ လာအိုပြည်သူ့ ဒီမိုကရက်တစ် သမ္မတနိုင်ငံ သံအမတ်ကြီး MR,
Lyying Sayaxang လည်း တက်ရောက်သည်။
(သတင်းစဉ်)
No comments:
Post a Comment