နတ်မောက် အောက်တိုဘာ ၃၁
မကွေးတိုင်းဒေသကြီး နတ်မောက်မြို့၌ မိုးစပါး(၃)မျိုးယှဉ်ပြိုင်စမ်းသပ်ကွက်ကွင်း သရုပ်ပြပွဲနှင့်ဆွေးနွေးပွဲကို အောက်တို ဘာ ၃၁ ရက်နံနက် ၁၁ နာရီခွဲအချိန်က နတ်မောက်မြို့နယ် စိုက်ပျိုးရေးဦးစီးဌာန ရုံးဝန်းအတွင်းကွင်းအမှတ် ၄၇၆ ကွင်း တွင် ကျင်းပခဲ့သည်။
အဆိုပါ ကွင်းသရုပ်ပြပွဲနှင့် ဆွေးနွေးပွဲသို့ နေပြည်တော် အပင်ဇီဝနည်းပညာဌာနခွဲ ဦးစီးအရာရှိ
ဦးသောင်းထွန်းက စိုက်ပျိုးထားသော ရွှေနံ့သာပေါ်ဆန်း(၁)၊ ရွှေနံ့သာပေါ်ဆန်း(၂)နှင့် ရွှေဝတ်မှုံ စပါးမျိုးသစ်များ၏ အရည်အချင်း လက္ခဏများအား ရှင်းလင်းခြင်းနှင့် မြို့နယ်စိုက်ပျိုးရေးဦးစီးဌာန ဦးစီးမှူး
ဦးကြည်မြင့်က အဆိုပါစပါး(၃)မျိုးအား မိမိတို့ဒေသနှင့် ကိုက်ညီသည့် စပါးမျိုးများဖြစ်ကြောင်း ရှင်းလင်းပြောကြားခဲ့သည်။ ဆက်လက်၍ တက်ရောက်လာကြသည့် ဌာနဆိုင်ရာများ၊ ရပ်/ကျေးအုပ်ချုပ်ရေးမှူးများ၊ စပါးစိုက်တောင်သူများနှင့် ဖိတ်ကြားထားသည့်
ဧည်သည်တော်များအား ရွှေနံ့သာပေါ်ဆန်း ၁ နှင့် ၂ စပါးစိုက်ခင်းနှင့် ရွှေဝတ်မှုံစပါး စိုက်ပျိုးထားသော စိုက်ခင်းများအား မြို့နယ်စိုက်ပျိုးရေး ဦးစီးဌာနဦးစီးမှူးက လိုက်လံပြသရှင်းလင်းခဲ့ကြောင်း သိရသည်။
(မြို့နယ် ပြန်/ဆက်)
No comments:
Post a Comment