ယင်းမာပင် သြဂုတ် ၁
ကျေးလက်နေပြည်သူများအတွက်
အလုပ်အကိုင် အခွင့်အလမ်းများရရှိရေး၊ မိသားစုဝင်ငွေတိုးပွားရေး ရည်ရွယ်၍ ယင်းမာပင်မြို့နယ်
ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ အစီအစဉ်ဖြင့် ဖွင့်လှစ်သည့် ပလပ်စတစ်ခြင်း
ယက်လုပ်ခြင်း သင်တန်းဖွင့်ပွဲ အခမ်းအနားကို သြဂုတ် ၁ ရက် နံနက်
၉ နာရီက ကျင်းပပြုလုပ်ရာ အခမ်းအနားသို့ ယင်းမာပင်မြို့နယ် အမှတ် (၁) တိုင်းဒေသကြီး
လွှတ်တော်ကိုယ်စားလှယ် ဒေါ်ခင်နှင်းရီ၊ ခရိုင်ကျေးလက်ဦးစီးဌာနမှ လက်ထောက်ညွှန်ကြားရေးမှူး
ဦးသန့်ဇင်စိုး၊ မြို့နယ်ဦးစီးမှူး ဦးမြင့်သန်း နှင့် ဝန်ထမ်းများ၊ ခရိုင်/
မြို့နယ်အဆင့် ဌာနဆိုင်ရာများ၊ ခရိုင်အမျိုးသမီးရေးရာအဖွဲ့ ဥက္ကဋ္ဌနှင့် အဖွဲ့ဝင်များ
တက်ရောက် ကြခဲ့ကြောင်း သိရသည်။
အခမ်းအနားတွင် တိုင်းဒေသကြီး
လွှတ်တော်ကိုယ်စားလှယ် ဒေါ်ခင်နှင်းရီက အဖွင့်အမှာစကား ပြောကြားပြီးနောက်
ကျေးလက်နေပြည်သူများ အလုပ်အကိုင် အခွင့်အလမ်းများရရှိ၍ မိသားစုဝင်ငွေတိုးပွားရေး
ပလပ်စတစ်ခြင်း ယက်လုပ်ခြင်း သင်တန်း ဖွင့်လှစ်ရခြင်း ရည်ရွယ်ချက်တို့ကို
ခရိုင် ကျေးလက်ဦးစီးဌာန လက်ထောက်ညွှန်ကြားရေးမှူးက ပြောကြားပြီး မြို့နယ်ကျေးလက်ဦးစီးမှူး
က " ဒေသအတွင်း အသုံးပြုနိုင်မည့် ကုန်ပစ္စည်းထုတ်လုပ်မှုမှ ဒေသထွက်ကုန်
တစ်ခုအဖြစ် ဈေးကွက်တင်ပို့နိုင်မည့် အရည်အသွေး ကောင်းမွန်သော ပလပ်စတစ်ခြင်းများ
ထွက်ရှိရေးအတွက် သင်တန်းသားများ အနေဖြင့် ကြိုးစားသင်ယူကြစေလိုပါကြောင်း၊
သင်ယူတတ်မြောက်ပြီး ကျွမ်းကျင်သည်မှ အစပြု၍
စနစ်တကျ ရောင်းချနိုင်သော ဒေသထွက်ကုန်တစ်ခုအဖြစ် ရပ်တည်နိုင်ရေး
သင်တန်းနည်းပြများက စနစ်တကျ သင်ကြာပြသပေးသွားမည်ဖြစ်ပါကြောင်း၊ သင်တန်းက ရရှိသည့်
အတတ်ပညာနှင့် အတွေ့အကြုံတို့ကို လက်တွေ့ အသုံးချနိုင်ရေး သင်တန်းသားများ
အနေဖြင့်လည်း စနစ်တကျ လေ့လာသင်ယူစေလိုကြောင်း
" ရှင်းလင်းပြောကြားခဲ့သည်။
ထို့နောက် တိုင်းဒေသကြီးလွှတ်တော်
ကိုယ်စားလှယ်၊ တက်ရောက်လာကြသည့် ဌာနဆိုင်ရာများ၊ အမျိုးသမီးရေးရာအဖွဲ့များနှင့် သင်တန်းသူများသည်
အမှတ်တရ ဓာတ်ပုံရိုက်ကူးပြီးနောက် ပလပ်စတစ်ခြင်း ယက်လုပ်ခြင်း သင်တန်းပို့ချနေမှုများကို
ကြည့်ရှုခဲ့ပြီး အဆိုပါ သင်တန်းကို သြဂုတ်လ ( ၁ )ရက်နေ့မှ (၁၅) ရက်နေ့အထိ သင်ကြားပို့ချပေးမည်ဖြစ်ကြောင်း၊
မင်းကံထိုက်ကျေးရွာ နှင့် အနီးကျေးရွာတို့မှ သင်တန်းသား (၂၀) ဦး တက်ရောက်ကြပြီး
အိမ်သုံးပလပ်စတစ်ခြင်း အကြီး၊ အလတ်၊ အသေး နှင့် ထမင်းချိုင့် ထည့်သည့်ခြင်း
အကြီး၊ အလတ်၊ အသေး ယက်လုပ်ခြင်းတို့ကို သင်ကြားပေးသွားမည်ဖြစ်ကြောင်း သတင်းရရှိသည်။
မြို့နယ် (ပြန်/ဆက်)
No comments:
Post a Comment