ပြည်ထောင်စုလွှတ်တော် ဥပဒေရေးရာနှင့်အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ဥက္ကဋ္ဌ သူရဦးရွှေမန်း မြန်မာနိုင်ငံဆိုင်ရာ တရုတ်သံအမတ်ကြီးနှင့် နယ်သာလန်သံအမတ်ကြီးတို့အား သီးခြားစီလက်ခံတွေ့ဆုံ

နေပြည်တော်၊ သြဂုတ် ၂၂

ပြည်ထောင်စုလွှတ်တော်၊ ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ဥက္ကဋ္ဌ သူရဦးရွှေမန်းသည် မြန်မာနိုင်ငံဆိုင်ရာ တရုတ်သံအမတ်ကြီး H.E.Mr. Hong Liang အား ယနေ့နံနက် ၉ နာရီခွဲတွင် လည်းကောင်း၊ မြန်မာနိုင်ငံဆိုင်ရာ နယ်သာလန်သံအမတ်ကြီး H.E.Mr. Wouter Jurgens အား နံနက် ၁၀ နာရီခွဲတွင် လည်းကောင်း နေပြည်တော်ရှိ လွှတ်တော်ရေးရာဆောင် အမှတ် (I-11) ၌ သီးခြားစီ လက်ခံတွေ့ဆုံသည်။

တရုတ်သံအမတ်ကြီးနှင့် တွေ့ဆုံစဉ် နှစ်နိုင်ငံပူးပေါင်းဆောင်ရွက်ရေး ဆိုင်ရာကိစ္စရပ်များ၊ မြန်မာနိုင်ငံ၏ စိုက်ပျိုးရေး ကဏ္ဍတွင် အကူအညီပေးရေးဆိုင်ရာ ကိစ္စရပ်များ၊ စိုက်ပျိုးရေးနည်းပညာများ ပံ့ပိုးပေးနိုင်မည့်အခြေအနေများ၊ နှစ်နိုင်ငံဆက်ဆံရေးဆိုင်ရာ ကိစ္စရပ်များ၊ မြန်မာနိုင်ငံ ငြိမ်းချမ်းရေးဆိုင်ရာ ကိစ္စရပ်များ၊ တရုတ်-မြန်မာ ချစ်ကြည်ရေး တိုးမြှင့်ရေးဆိုင်ရာ ကိစ္စရပ်များနှင့်စပ်လျဉ်းပြီး ဆွေး‌နွေးကြသည်‌။

နယ်သာလန်သံအမတ်ကြီးနှင့် တွေ့ဆုံစဉ် ဥပဒေဆိုင်ရာကိစ္စရပ်များ၊ နှစ်နိုင်ငံဆက်ဆံရေး တိုးမြှင့်နိုင်မည့် အခြေအနေများ၊ နည်းပညာအသုံးပြုကာ ဒီမိုကရေစီ ပိုမိုဖြစ်ထွန်းရေးအတွက် ဆောင်ရွက်နိုင်မည့် အခြေအနေများ၊ နယ်သာလန်နိုင်ငံမှပေးအပ်နိုင်မည့် နည်းပညာအကူအညီများ၊ ဥပဒေပြု လုပ်ငန်းများတွင် ပြည်သူများ ပိုမိုပါဝင် လာနိုင်ရေးအတွက် ဆောင်ရွက်နိုင်မည့်အခြေအနေများအား ဆွေးနွေးခဲ့ကြကြောင်း သတင်းရရှိသည်။

(သတင်းစဉ်)