နေပြည်တော်၊
ဩဂုတ် ၁၆
စက်မှုဝန်ကြီးဌာန၊ ပြည်ထောင်စုဝန်ကြီး
ဦးခင်မောင်ချိုသည် အင်္ဂလန်နိုင်ငံအခြေစိုက် Berwin Leighton Paisner (BLP) ဥပဒေအကြံပေးအဖွဲ့နှင့်
ယနေ့ နေ့လည် ၁ နာရီခွဲတွင် စက်မှုဝန်ကြီးဌာန အစည်းအဝေးခန်းမ၌ လက်ခံ တွေ့ဆုံသည်။
တွေ့ဆုံစဉ် မြန်မာနိုင်ငံတွင် ရင်းနှီးမြှုပ်နှံမှုဆိုင်ရာဝန်ဆောင်မှု
လုပ်ငန်းများ ဆောင်ရွက်နေမှု၊ နိုင်ငံခြားရင်းနှီး မြှုပ်နှံမှုများ တိုးတက်လာစေရေးအတွက်
ဆောင်ရွက်သင့်သည့် အကြံပြုချက်များ၊ မြန်မာနိုင်ငံရင်းနှီးမြှုပ်နှံမှု နည်း ဥပဒေများ
ပြဋ္ဌာန်းရာတွင် ပါဝင်သော ဆောင်ရွက်ပေးနေမှုများနှင့် အတွေ့အကြုံများ နိုင်ငံပိုင်စက်ရုံများအားအစိုးရ-ပုဂ္ဂလိကအကျိုးတူပူးပေါင်း
ဆောင်ရွက်ခြင်း Public-Private-Partnership (PPP) လုပ်ငန်းများနှင့် စီမံကိန်း လုပ်ငန်း
သစ်များ အကောင်အထည်ဖော်ရာတွင် ပြီးပြည့်စုံသော စာချုပ်များ ချုပ်ဆိုဆောင်ရွက်နိုင်ရေးအတွက်
Expression of Interest-EoI ခေါ်ယူခြင်း၊ တင်ဒါခေါ်ယူခြင်းနှင့် တင်ဒါစိစစ်ရွေးချယ်ခြင်းစသည့်
ကိစ္စရပ်များကို ဆွေးနွေးခဲ့ကြ ကြောင်း သတင်းရရှိသည်။
(သတင်းစဉ်)
No comments:
Post a Comment