ဇူလိုင်၂၄၊၂၀၁၇
ဘူးသီးတောင်မြို့နယ်၌ စက်လှေနစ်မြုပ်မှုကြောင့်
လုံခြုံရေးတပ်ဖွဲ့ဝင် ၄ ဦး ပျောက်ဆုံးနေကြောင်း သိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များသည်
ဇူလိုင် ၂၃ ရက် မနက် ၄ နာရီမှ ည ၇ နာရီအထိ ဘူးသီးတောင်မြို့နယ် နယ်မြေ (၁၀) တင်းမေကျေးရွာ
အနီးတစ်ဝိုက်တွင် နယ်မြေတည်ငြိမ်အေးချမ်းအတွက် လှည့်ကင်း ဆောင်ရွက်ခဲ့ကြသည်။
လုံခြုံရေးတပ်ဖွဲ့ဝင်များသည် ည ၉ နာရီခွဲတွင်
ကျောင်းတော်မှ တောင်ဘဇာသို့ ပန်ဇင်းချောင်းအတိုင်း စက်လှေဖြင့် ပြန်လာခဲ့ရာည ၁၀ နာရီခွဲတွင်
စက်လှေမှာ ရေစီးအားကြောင့် တိမ်းမှောက်ခဲ့သည်။
ရှာဖွေကယ်ဆယ်မှုများဆောင်ရွက်ခဲ့ရာ တိမ်းမှောက်သွားသည့်
စက်လှေပေါ်ပါ လုံခြုံရေးတပ်ဖွဲ့ဝင် ၇ ဦးအနက် ၃ ဦးမှာ ည ၁၁ နာရီတွင် ကျောင်းတောင် ရဲကင်းစခန်းသို့
ပြန်လည်ရောက်ရှိလာခဲ့ပြီး စက်လှေမောင်းသူအား ည ၁၁နာရီ ၅၅ မိနစ်တွင် ပန်ဇင်းချောင်း၏
အနောက်ဖက်ကမ်းစပ်၌ ပြန်လည်တွေ့ရှိခဲ့သည်။
ကျန်ရှိသည့် လုံခြုံရေးတပ်ဖွဲ့ဝင် ၄ဦးမှာ
ပျောက်ဆုံးလျက်ရှိပြီး ရှာဖွေကယ်ဆယ်ရေးလုပ်ငန်းများ ဆက်လက် ဆောင်ရွက်လျက်ရှိကြာင်း
သိရသည်။
(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
No comments:
Post a Comment