မိုးမိတ်
ဇူလိုင် ၃၁
ရှမ်းပြည်နယ် (မြောက်ပိုင်း) မိုးမိတ်ခရိုင် သဘာဝဘေးကာကွယ်စောင့်ရှောက်ကော်မတီက
ကြီးကြပ်၍ သဘာဝဘေး ကြိုတင်ကာကွယ်ရေးနှင့် ရှာဖွေကယ်ဆယ်ရေး ဇာတ်တိုက်လေ့ကျင့်မှု သရုပ်ပြပွဲကို
ဇူလိုင် ၃၁ ရက်က မြရည်နန္ဒာကန်၌ ပြုလုပ်ခဲ့ကြောင်း သိရသည်။
ဇာတ်တိုက်လေ့ကျင့်ခြင်းနှင့် သရုပ်ပြခြင်း အစီအစဉ်များအဖြစ် ရာဘာဘုတ်ဖြင့် သရုပ်ပြခြင်း ၊ ရေသန့်ဘူး ခွံများဖြင့်
သရုပ်ပြခြင်း ၊ ကိုက် (၁ဝဝ) ကြိုးဖြင့် သရုပ်ပြခြင်း
၊ ရေကြီးနစ်မြုပ်ရာ ဒေသသို့ အချိန်မီ ရောက်ရှိ
ကယ်ဆယ်ခြင်း ၊ရေဘေးသင့် ဒေသမှ ပြည်သူများအား ရေဘေး ကင်းလွတ်ရာ ဒေသတို့ ပို့ဆောင် ရွှေ့ပြောင်းခြင်း
၊ ရေနစ်သူများအား ရှာဖွေကယ်ဆယ်ခြင်း ၊ အသက်ကယ်နည်းစနစ်များ အသုံးပြု၍ ကယ်တင်ခြင်း ၊
ကြက်ခြေနီ မောင်မယ်များက ရှေးဦးပြုစုခြင်း ၊ လူနာတင်ယာဉ်ဖြင့် နီးစပ်ရာ ဆေးရုံးသို့
ပို့ဆောင်ပေးခြင်း ၊ ရေဘေးလွတ်လာသူများအား ယာယီကယ်ဆယ်ရေးစခန်းသို့ ပို့ဆောင်ခြင်း ၊
ကယ်ဆယ်ရေး သမားများက ရေကူး စွမ်းရည်ပြသခြင်းတို့ကို ဇာတ်တိုက် သရုပ်ပြ လေ့ကျင်ခဲ့ကြသည်။
လေ့ကျင့်ရာတွင် မိုးမိတ်ခရိုင် မီးသတ် တပ်ဖွဲ့ဝင်များနှင့်အတူ နယ်မြေခံတပ်ရင်းမှ တပ်မတော်သားများ
၊ ရဲတပ်ဖွဲ့ဝင်များ ၊ ကြက်ခြေနီတပ်ဖွဲ့ဝင်များ ၊ ဌာနဆိုင်ရာဝန်ထမ်းများလည်း ပူးပေါင်းပါဝင်ဆာင်ရွက်ခဲ့ကြကြောင်း
သိရသည်။
ခရိုင်(ပြန်/ဆက်)
No comments:
Post a Comment