သထုံ
ဇွန် ၂၄
မွန်ပြည်နယ်၊
သထုံမြို့နယ်၊ သုဓမ္မ၀တီမြို့သစ်၊ သထုံ-ဘားအံ ကားလမ်းပေါ်တွင် ဇွန်လ ၂၄ ရက်၊ နံနက်က GI
Group ရန်ကုန်-မြ၀တီ ခရီးသည်တင်မှန်လုံယာဉ်တစ်စီး လမ်းချော်တိမ်းမှောက်ပြီး ခရီးသည်အချို့
ထိခိုက် ဒဏ်ရာများ ရရှိခဲ့ကြောင်း သိရသည်။
ဖြစ်စဉ်မှာ
သထုံဘက်မှ ဘားအံဘက်သို့ ယာဉ်မောင်း ဦးကျော်တင် (၅၅)နှစ်၊ (ဘ) ဦးစိုးရှိန်၊ ဥဿာမြို့သစ်၊
ပဲခူးမြို့နေသူ မောင်းနှင်ပြီး ခရီးသည် ၂၆ ဦး တင်ဆောင်လာသည့် ယာဉ်အမှတ် 8L/ ----,
GI Group ရန်ကုန်-မြ၀တီ ခရီးသည်တင်မှန်လုံယာဉ်သည် သုဓမ္မ၀တီမြို့သစ်၊ သဇင်လမ်းထိပ် အနီး၊
ရန်ကုန်-ဘားအံ ကားလမ်း၊ မိုင်တိုင်အမှတ် ၂/၄ နှင့် ၂/၅ အကြားတွင် လမ်းချော်ပြီး လမ်းဘေးထိုးကျ
တိမ်းမှောက်ခဲ့သဖြင့် ယာဉ်ပေါ်ပါ ခရီးသည်အချို့တို့မှာ (မစိုးရိမ်ရ) ထိခိုက်ဒဏ်ရာများ
ရရှိခဲ့ကြောင်း သိရသည်။
အဆိုပါဖြစ်စဉ်နှင့်ပတ်သတ်၍ ယာဉ်မဆင်မောင်းနှင်ပြီး
ယာဉ်တိမ်းမှောက်မှုဖြစ်ကာ လူထိခိုက် ဒဏ်ရာရခဲ့သဖြင့် မှန်လုံယာဉ်မောင်း ဦးကျော်တင်အား
သုဓမ္မ၀တီမြို့သစ်ရဲစခန်းမှ ယာဉ်(ပ) ၁၄/၂၀၁၇ ရာဇသတ်ကြီးပုဒ်မ ၃၃၇/၃၃၈ ဖြင့် အမှုဖွင့်
စစ်ဆေးနေကြောင်း သိရသည်။
သက်ဦး(သထုံ)
No comments:
Post a Comment